| ວິສາຫະກິດກອງທັບຊຸກຍູ້ການພົວພັນແລກປ່ຽນການຄ້າຫວຽດນາມ-ລາວ | |
| ວົງເງິນການຄ້າຫວຽດນາມ - ລາວ ສືບຕໍ່ເພີ່ມຂຶ້ນ |
ສະເພາະ, ມູນຄ່າການສົ່ງອອກສິນຄ້າເບື້ອງຕົ້ນບັນລຸ 306,06 ຕື້ USD, ຫຼຸດລົງ 6,4% ເມື່ອທຽບໃສ່ໄລຍະດຽວກັນຂອງປີກາຍ; ໃນນັ້ນ, ຂະແໜງເສດຖະກິດພາຍໃນບັນລຸ 81,49 ຕື້ USD, ຫຼຸດລົງ 2,6%, ກວມເອົາ 26,6% ຂອງວົງເງິນສົ່ງອອກທັງໝົດ; ຂະແໜງການລົງທຶນຂອງຕ່າງປະເທດ (ລວມທັງນ້ຳມັນດິບ) ບັນລຸ 224,57 ຕື້ USD, ຫຼຸດລົງ 7,7%, ກວມ 73,4%.
ລວມມີ 33 ລາຍການ ດ້ວຍວົງເງິນສົ່ງອອກ 1 ຕື້ USD, ກວມ 92,9% ຍອດວົງເງິນສົ່ງອອກ (ມີ 7 ລາຍການສົ່ງອອກ ດ້ວຍຍອດມູນຄ່າສົ່ງອອກ 10 ຕື້ USD, ກວມ 66,1%). ກ່ຽວກັບໂຄງປະກອບກຸ່ມສິນຄ້າສົ່ງອອກແຕ່ຕົ້ນປີຮອດວັນທີ 15 ພະຈິກ 2023, ກຸ່ມສິນຄ້ານ້ຳມັນເຊື້ອໄຟແລະບໍ່ແຮ່ເບື້ອງຕົ້ນບັນລຸ 3,76 ຕື້ USD, ກວມ 1,2%; ກຸ່ມສິນຄ້າອຸດສາຫະກຳປຸງແຕ່ງບັນລຸ 270,45 ຕື້ USD, ກວມ 88,4%; ຜະລິດຕະພັນກະເສດ ແລະ ປ່າໄມ້ ບັນລຸ 24,02 ຕື້ USD, ກວມເອົາ 7,8%; ກຸ່ມອາຫານທະເລບັນລຸ 7,82 ຕື້ USD, ກວມ 2,6%.
 |
ຍອດວົງເງິນການຄ້າຂອງຫວຽດນາມ ບັນລຸ 24,44 ຕື້ USD. (ພາບ: TTXVN) |
ກ່ຽວກັບການນຳເຂົ້າສິນຄ້າ, ແຕ່ຕົ້ນປີຮອດວັນທີ 15/11/2023, ມູນຄ່າການນຳເຂົ້າສິນຄ້າໃນເບື້ອງຕົ້ນບັນລຸ 281,62 ຕື້ USD, ຫຼຸດລົງ 11,7% ເມື່ອທຽບໃສ່ໄລຍະດຽວກັນຂອງປີກາຍ. ໃນນັ້ນ, ຂະແໜງເສດຖະກິດພາຍໃນບັນລຸ 100,54 ຕື້ USD, ຫຼຸດລົງ 9,8%, ກວມເອົາ 35,7% ຂອງວົງເງິນນໍາເຂົ້າທັງໝົດ; ຂະແໜງການລົງທຶນຂອງຕ່າງປະເທດ (ລວມທັງນ້ຳມັນດິບ) ບັນລຸ 181,08 ຕື້ USD, ຫຼຸດລົງ 12,7%, ກວມ 64,3%.
ລວມມີ 43 ລາຍການ ດ້ວຍມູນຄ່າການນໍາເຂົ້າກວ່າ 1 ຕື້ USD, ກວມເອົາ 92,2% ຂອງມູນຄ່າການນໍາເຂົ້າທັງໝົດ (ມີ 03 ລາຍການ ດ້ວຍມູນຄ່າການນໍາເຂົ້າກວ່າ 10 ຕື້ USD, ກວມເອົາ 43,6%).
ກ່ຽວກັບໂຄງປະກອບສິນຄ້ານຳເຂົ້າ, ກຸ່ມບັນດາວິທີການຜະລິດເບື້ອງຕົ້ນບັນລຸ 264,13 ຕື້ USD, ກວມ 93,8%; ໃນນັ້ນ, ກຸ່ມເຄື່ອງຈັກ, ອຸປະກອນ, ເຄື່ອງມື ແລະ ອາໄຫຼ່ ກວມເອົາ 45,8%; ກຸ່ມວັດຖຸດິບ, ນ້ຳມັນເຊື້ອໄຟ, ວັດຖຸດິບກວມ 48%. ໝວດສິນຄ້າອຸປະໂພກບໍລິໂພກເບື້ອງຕົ້ນບັນລຸ 17,49 ຕື້ USD, ກວມ 6,2%.
ກະຊວງອຸດສາຫະກຳ ແລະ ການຄ້າ ຍັງຈະໜູນຊ່ວຍບັນດາວິສາຫະກິດຍາດແຍ່ງເອົາບັນດາຄຳໝັ້ນສັນຍາໃນສັນຍາການຄ້າເສລີລຸ້ນໃໝ່ ເພື່ອຊຸກຍູ້ການສົ່ງອອກ, ຜ່ານການໂຄສະນາເຜີຍແຜ່ກ່ຽວກັບລະບຽບການແຫຼ່ງກຳເນີດ, ການອອກໃບຢັ້ງຢືນແຫຼ່ງກຳເນີດ, ກາລະໂອກາດ ແລະ ວິທີສວຍໃຊ້ກາລະໂອກາດຈາກບັນດາສັນຍາ.
ນອກນີ້, ກະຊວງອຸດສາຫະກຳແລະການຄ້າຍັງຈະສົມທົບກັບກະຊວງກະສິກຳ ແລະ ພັດທະນາຊົນນະບົດເພື່ອເຈລະຈາກັບຈີນ ເພື່ອເປີດກວ້າງຕະຫຼາດສົ່ງອອກຜະລິດຕະພັນຜັກແລະໝາກໄມ້ອື່ນໆຂອງຫວຽດນາມເຊັ່ນ: ໝາກອະງຸ່ນ, ໝາກພ້າວສົດ, ໝາກອາໂວກາໂດ. ໝາກນັດ, ໝາກແອັບເປີ້ນ, ໝາກນາວ, ໝາກໂມ…; ພ້ອມກັນນັ້ນ, ຍົກສູງປະສິດທິຜົນ ແລະ ກຳນົດຄວາມໄວຂອງການເກັບພາສີສິນຄ້ານຳເຂົ້າ ແລະ ສົ່ງອອກຢູ່ເຂດດ່ານຊາຍແດນ ຫວຽດນາມ - ຈີນ, ພິເສດແມ່ນສິນຄ້າກະສິກຳ ແລະ ສິນໃນນ້ຳທີ່ມີມູນຄ່າຕາມລະດູການ; ກ້າວໄປສູ່ການສົ່ງອອກຢ່າງເປັນທາງການ.
ພິເສດ, ກະຊວງອຸດສາຫະກຳ ແລະ ການຄ້າ ຍັງໄດ້ສຸມໃສ່ເພີ່ມທະວີການເຕືອນໄພລ່ວງໜ້າກ່ຽວກັບກົດໝາຍປ້ອງກັນການຄ້າ; ແນະນຳທຸລະກິດກ່ຽວກັບວິທີຕອບສະໜອງຕໍ່ການດຳເນີນຄະດີ; ໃຫ້ທັນເວລາແຈ້ງໃຫ້ທຸລະກິດ ແລະສະມາຄົມກ່ຽວກັບຂໍ້ມູນຕະຫຼາດໃໝ່, ຄວາມຕ້ອງການ ແລະລະບຽບການຕ່າງໆ.
ຄຳຮຸ່ງ
