 | ທ່ານ ຮ່າກິມງອກ ຮອງລັດຖະມົນຕີ: ຫວຽດນາມ ສືບຕໍ່ເສີມຂະຫຍາຍ “Soft power” |
| ຫວຽດນາມ ເສີມຂະຫຍາຍ ຄວາມເປັນເຈົ້າຕົນເອງ ໃນໄລຍະປະເທດຊາດປ່ຽນແປງໃໝ່ |
ເສີມຂະຫຍາຍ ກຳລັງແຮງ ຂອງນັກທຸລະກິດຫນຸ່ມ
ກອງປະຊຸມ ໃນຫົວຂໍ້ “ການປ່ຽນແປງ - ບໍ່ປ່ຽນແປງ” ໂດຍສູນກາງສະມາຄົມນັກທຸລະກິດໜຸ່ມ ຫວຽດນາມ ຈັດຂຶ້ນໃນຕອນເຊົ້າວັນທີ 27 ພະຈິກ, ທີ່ຮ່າໂນ້ຍ, ບັນດາຜູ້ແທນໄດ້ຍົກບັນດາຄໍາຄິດຄຳເຫັນທີ່ກ່ຽວຂ້ອງ ເພື່ອແນໃສ່ເສີມຂະຫຍາຍກຳລັງແຮງຂອງນັກທຸລະກິດໜຸ່ມໃນໄລຍະໃໝ່.
|
ນີ້ແມ່ນເຫດການເຄື່ອນໄຫວຢູ່ໃນບັນດາລາຍການສະເຫຼີມສະຫຼອງ 30 ປີແຫ່ງຂະບວນການນັກທຸລະກິດໜຸ່ມ ຫວຽດນາມ. ດ້ວຍສອງກອງປະຊຸມ “ອາຍຸ 30 ປີ - ເບິ່ງຄືນດ້ວຍຄວາມພາກພູມໃຈ” ແລະ “ນັກທຸລະກິດໜຸ່ມ-ກ້າວໄປຂ້າງໜ້າ”, ປະທານສະມາຄົມໃນແຕ່ລະໄລຍະ ແລະ ນັກທຸລະກິດໜຸ່ມທີ່ມີມີສຽງ ທັງໃນປະເທດ ແລະ ພາກພື້ນອາຊີ-ປາຊີຟິກ ໄດ້ເຂົ້າຮ່ວມກອງປະຊຸມ ແລະ ພ້ອມກັນແລກປ່ຽນຄຳຄິດເຫັນບັນດາຄຸນຄ່າທີ່ສະມາຄົມນັກທຸລະກິດໜຸ່ມ ຫວຽດນາມ ບັນລຸໄດ້ໃນໄລຍະ 30 ປີຜ່ານມາ.
ບັນດາຄຳເຫັນໄດ້ຕີລາຄາສູງບັນດາຄວາມມານະພະຍາຍາມຂອງປະທານ ແລະ ຄະນະການນຳຂອງສະມາຄົມໃນແຕ່ລະສະໄໝ ເພື່ອໃຫ້ບັນດາວິສາຫະກິດ ເຄື່ອງໝາຍການຄ້າລະດັບຊາດ ຂຶ້ນສູ່ລະດັບພາກພື້ນ ແລະ ໂລກ; ຢືນຢັນການຮ່ວມມືຂອງນັກທຸລະກິດໜຸ່ມໃນການພັດທະນາ, ປ່ຽນແປງໃໝ່ໃນແຕລະວັນຂອງປະເທດຊາດ.
ພ້ອມກັນນັ້ນ, ບັນດາຜູ້ແທນໄດ້ຍົກອອກບັນດາບັນຫາທີ່ນັກທຸລະກິດຮຸ່ນໜຸ່ມພວມປະເຊີນໜ້າໃນປະຈຸບັນ, ໂດຍສະເພາະແມ່ນການພັດທະນາຢ່າງແຮງດ້ານເຕັກໂນໂລຢີ, ນະວັດຕະກຳ, ສະພາບແວດລ້ອມສີຂຽວ; ເຮັດວິທີໃດ ເພື່ອເສີມຂະຫຍາຍກຳລັງແຮງການຮ່ວມສຳພັນຂອງເຄືອຂ່າຍນັກທຸລະກິດຫນຸ່ມທົ່ວໂລກ.
ທີ່ກອງປະຊຸມ, ບັນດາຜູ້ແທນໄດ້ສະເໜີຫຼາຍຮູບແບບ ເພື່ອໜູນຊ່ວຍນັກທຸລະກິດໜຸ່ມ ແລະ ໄວໜຸ່ມເລີ່ມດຳເນີນທຸລະກິດ, ກໍ່ຄືບັນດາວິທີແກ້ໄຂ ເພື່ອຊຸກຍູ້ລະບົບຕ່ອງໂສ້ການຮ່ວມສຳພັນຄຸນຄ່າບັນດານັກທຸລະກິດໜຸ່ມ ອາຊຽນ ແລະ ອາຊີ.
ບັນດາຜູ້ແທນກໍ່ວາງອອກບັນດາຄວາມຮຽກຮ້ອງຕ້ອງການພິເສດໃນການປັບຕົວ ແຕ່ຍັງຄົງຮັກສາໄດ້ເອກະລັກສະເພາະຂອງຕົນທີ່ມີ, ພ້ອມທັງຊຸກຍູ້ການເຊື່ອມຕໍ່ຂອງເຄືອຂ່າຍນັກທຸລະກິດໜຸ່ມ ຫວຽດນາມ ຢູ່ໃນຂອບເຂດທົ່ວໂລກ.
ຊ ສະຫວັດ
