| ຄົ້ນຫາຄວາມໃຫຍ່ໂຕມະໂຫຖານ, ທຸລະກັນດານຂອງພູ ດາຈົ່ງ (ກວາງນິງ) | |
| ກວາງນິງ ບໍ່ພຽງແຕ່ມີອ່າວຮ້າລອງເທົ່ານັ້ນ |
ລະອຽດ, 5 ມໍລະດົກວັດທະນະທຳບໍ່ເປັນວັດຖຸລະດັບຊາດຂອງແຂວງ ກວາງນິງ ໄດ້ຮັບການຮັບຮູ້ລວມມີ: ສິລະປະການສະແດງພື້ນເມືອງຂັບຮ້ອງ ຊ໋ອງກໍ້ ຂອງຊາວ ສ໋ານຈີ; ສິລະປະການສະແດງພື້ນເມືອງຂັບຮ້ອງເພງ ຊ້ອງໂກ່ ຂອງຊາວ ສ໋ານຢິວ; ງານບຸນສາລາ ເດີມຮ່າ (ຕົວເມືອງນ້ອຍ ເດີມຮ່າ, ເມືອງ ເດີມຮ່າ); ງານບຸນສາລາ ວາ້ນນິງ (ຕາແສງ ວາ້ນນິງ, ນະຄອນ ໝ໋ອງກ໋າຍ) ແລະ ໃນງານບຸນລົງທົ່ງນາ (ຕາແສງ ຟ່ອງໂຄກ, ເທສະບານແຂວງ ກວາງອຽນ).
 |
| ບູນແຂ່ງຂັນດຳນາ ໄດ້ດຳເນີນໄປຢູ່ເຂດທົ່ງນາຕໍ່ໜ້າສາລາ ໂຄກ |
ມາຮອດປະຈຸບັນ, ແຂວງ ກວາງນິງ ມີ 12 ມໍລະດົກວັດທະນະທຳບໍ່ເປັນວັດຖຸລະດັບຊາດ (7 ມໍລະດົກວັດທະນະທຳບໍ່ເປັນວັດຖຸລະດັບຊາດໃນເມື່ອກ່ອນທີ່ໄດ້ຮັບການຮັບຮູ້ລວມມີ: ພິທີກຳແທ່ນ ຂອງຊາວເຜົ່າໄຕ, ນຸງ, ຜູ້ໄທ; ຂັບ ຍາເຕີ (ຂັບປະຕູສາລາ); ງານບຸນວິຫານ ເກຶ໋ອອົງ; ງານບຸນ ຕ່ຽນກົງ; ງານບຸນສາລາ ຈາໂກ໋; ງານບຸນສາລາ ກວານລ້ານ ແລະ ງານບຸນ ແບັກດັງ). ນີ້ແມ່ນຊັບສົມບັດອັນລ້ຳຄ່າໃນຄັງສາງວັດທະນະທຳຂອງບັນດາເຜົ່າທີ່ດຳລົງຊີວິດຢູ່ແຂວງ.
ໂດຍເຫັນໄດ້ເຖິງຄວາມສຳຄັນຂອງການອະນຸລັກຮັກສາມໍລະດົກວັດທະນະທຳໃນການພັດທະນາເສດຖະກິດ - ສັງຄົມ, ໃນຊຸມປີມໍ່ໆມານີ້, ແຂວງ ກວາງນິງ ຍາມໃດກໍ່ເອົາໃຈໃສ່ເປັນພິເສດ ແລະ ໄດ້ອຸທິດແຫຼ່ງຊັບພະຍາກອນຫຼາຍຢ່າງໃຫ້ແກ່ວຽກງານອະນຸລັກຮັກສາ, ຟື້ນຟູ, ເສີມຂະຫຍາຍບັນດາຄຸນຄ່າມໍລະດົກຕິດພັນກັບການຂຸດຄົ້ນບັນດາຜະລິດຕະພັນທ່ອງທ່ຽວສະເພາະຈາກວັດທະນະທຳ.
ກ່ອນໜ້ານັ້ນ, ວັນທີ 24 ຕຸລາ 2023, ທ່ານນາຍົກລັດຖະມົນຕີ ໄດ້ເຊັນຂໍ້ຕົກລົງເລກທີ 1225/QD-TTg ກ່ຽວກັບຈັດອັນດັບຮ່ອງຮອຍປະຫວັດສາດແຫ່ງຊາດພິເສດສຳຫຼັບ 2 ຮ່ອງຮອຍຂອງແຂວງ ກວາງນິງ, ປະກອບມີ: ຮ່ອງຮອຍປະຫວັດສາດທ່າການຄ້າ ເວີນດົນ (ເມືອງ ເວີນດົນ); ຮ່ອງຮອຍສິລະປະສະຖາປັດ - ສິລະປະສາລາຈາໂກ໋ (ນະຄອນ ໝ໋ອງກ໋າຍ).
ມິງດຶກ
