ບັນດາເພື່ອນມິດໄດ້ມີບັນດາຮູບແບບເຄື່ອນໄຫວທີ່ໜ້າປະທັບໃຈ!

	ກອງປະຊຸມສະ ມັດຊາໃຫຍ່ອົງການ ສປຊ ສະໄໝທີ 78: ຄະນະຜູ້ແທນ ລາວສືບຕໍ່ເຂົ້າຮ່ວມກອງປະຊຸມປິ່ນອ້ອມ ພົບປະກັບຕາງໜ້າ ສປຊ ແລະ ປະເທດເພື່ອນມິດ
	ໂຄສະນາພາບພົດຂອງຢິນແຊງ ຫງອກລີງ ແລະປະຊາຊົນ ນາມຈາມີ ເຖິງເພື່ອນມິດພາຍໃນ ແລະ ຕ່າງປະເທດ

ນັ້ນແມ່ນຄຳກ່າວປາໄສຂອງສະຫາຍ ນາງ ພັນໂທ ແພງດີ ສົມສະນິດ, ຫົວໜ້າຄະນະພະນັກງານແມ່ຍິງກອງທັບປະຊາຊົນລາວ ໃນໂອກາດຢ້ຽມຢາມ ແລະເຮັດວຽກຢູ່ກອງພັນໃຫຍ່ 916, ກອງພົນ 371, ເຫຼົ່າທັບປ້ອງກັນອາກາດ-ທະຫານອາກາດ ໃນວັນທີ 24 ພະຈິກ.

ເຂົ້າຮ່ວມຄະນະມີສະຫາຍ ນາງ ພັນເອກພິເສດ ຫງວຽນທິທູຮ່ຽນ, ຮອງຫົວໜ້າຄະນະແມ່ຍິງກອງທັບ. ເປັນປະທານພິທີຕ້ອນຮັບ ແລະເຮັດວຽກກັບຄະນະມີສະຫາຍ ພັນເອກພິເສດ ຟ້າມຈີແທ່ງ, ຮອງຫົວໜ້າການເມືອງ ເຫຼົ່າທັບປ້ອງກັນອາກາດ-ທະຫານອາກາດ.

ຊົມເຊີຍຄະນະພະນັກງານແມ່ຍິງກອງທັບປະຊາຊົນລາວ ຢ້ຽມຢາມ ແລະເຮັດວຽກຢູ່ກອງພັນໃຫຍ່ 916. ພາບ: qdnd.vn

ແນະນຳກ່ຽວກັບປະຫວັດສາດ ແລະຜົນງານຂອງກົມກອງພາຍຫຼັງເກືອບເຄິ່ງສະຕະວັດແຫ່ງການກໍ່ສ້າງ ແລະເຕີບໃຫຍ່, ສະຫາຍ ພັນເອກ ຫງວຽນແທ່ງບິ່ງ, ຮອງຫົວໜ້າການເມືອງ ກອງພັນໃຫຍ່ 916 ໃຫ້ຮູ້ວ່າ ໃນຫຼາຍປີຜ່ານມາ, ກອງພັນໃຫຍ່ຍາມໃດກໍ່ປະຕິບັດໜ້າທີ່ການເມືອງຈຸດສຸມເປັນຢ່າງດີ ນັ້ນແມ່ນການຝຶກຊ້ອມກຽມພ້ອມສູ້ຮົບ, ສູ້ຮົບ ແລະຮັບໃຊ້ການສູ້ຮົບ, ກໍ່ຄືບັນດາໜ້າທີ່ຄົ້ນຫາກູ້ຊີບ, ກູ້ໄພ, ຮັບມືກັບໄພທຳມະຊາດ, ພາຍຸນ້ຳຖ້ວມ... ເຊິ່ງພັກ, ລັດ ແລະປະຊາຊົນທ້ອງຖິ່ນໄດ້ຮັບຮູ້, ເຊື່ອໝັ້ນ ແລະຕີລາຄາສູງ...

ເມື່ອໄປຢ້ຽມຢາມຮູບແບບການເຄື່ອນໄຫວຂອງສະມາຄົມແມ່ຍິງກອງພັນໃຫຍ່ 916 ແລະຊົມລາຍການຟ້ອນລຳໂດຍສະມາຊິກສະມາຄົມແມ່ຍິງກອງພັນໃຫຍ່ 916 ສະແດງ, ສະຫາຍ ນາງ ພັນໂທ ແພງດີ ສົມສະນິດ ໄດ້ຊົມເຊີຍວ່າ: ພວກເພື່ອນມີບັນດາຮູບແບບເຄື່ອນໄຫວທີ່ໜ້າປະທັບໃຈ! ແມ່ຍິງກອງທັບປະຊາຊົນຫວຽດນາມ ມີຄວາມຊໍານິຊໍານານ ແລະມີຫົວຄິດປະດິດສ້າງ.

ລາຍການຢ້ຽມຢາມ ແລະເຮັດວຽກຢູ່ກອງພັນໃຫຍ່ 916 ຂອງຄະນະພະນັກງານແມ່ຍິງກອງທັບປະຊາຊົນລາວ ປະສົບຜົນສໍາເລັດຢ່າງຈົບງາມ. ຜ່ານນັ້ນ, ໄດ້ຊ່ວຍໃຫ້ພະນັກງານແມ່ຍິງຂອງປະເທດລາວ ມີຄວາມເຂົ້າໃຈເລິກເຊິ່ງກວ່າກ່ຽວກັບໜ້າທີ່ຂອງກອງພັນໃຫຍ່; ປະກອບສ່ວນເພີ່ມພູນຄູນສ້າງນ້ຳໃຈສາມັກຄີ, ມິດຕະພາບ ຫວຽດນາມ - ລາວ, ໂດຍສະເພາະແມ່ນຄວາມເຂົ້າໃຈ, ການສົມທົບກັນຢ່າງແໜ້ນແຟ້ນລະຫວ່າງແມ່ຍິງກອງທັບສອງປະເທດ.

ບູນມີ