| ປິດຊຸດຝຶກອົບຮົມວຽກງານກູ້ຊີບ-ກູ້ໄພພິບັດທໍາມະຊາດໃຫ້ແກ່ພະນັກງານກອງທັບລາວ ປີ 2023 | |
| ໄຂຊຸດຝຶກອົບຮົມວຽກງານກູ້ຊີບ, ກູ້ໄພພິບັດທຳມະຊາດໃຫ້ແກ່ພະນັກງານກອງທັບປະຊາຊົນລາວ ປີ 2023 |
ເຂົ້າຮ່ວມພິທີມີທ່ານເລຂາທິການສູນກາງພັກ, ປະທານຄະນະກຳມະການແນວໂຮມປະເທດຊາດ ຫວຽດນາມ ໂດວັນຈ໋ຽນ; ທ່ານລັດຖະມົນຕີການກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ຫງວຽນວັນຮຸ່ງ ແລະ ບັນດາການນຳຂອງຄະນະ, ກະຊວງ, ຂະແໜງການສູນກາງ ແລະ ທ້ອງຖິ່ນ; ບັນດານັກສອລະປະການທີ່ມາຈາກຫຼາຍແຂວງ, ນະຄອນໃນທົ່ວປະເທດ.
 |
| ທີ່ພິທີເປີດສັບປະດາມະຫາສາມັກຄີບັນດາຊົນເຜົ່າ ແລະ ມໍລະດົກວັດທະນະທຳ ຫວຽດນາມ ປີ 2023 |
ລາຍການໂດຍກະຊວງວັດທະນະທໍາ, ກິລາ ແລະ ທ່ອງທ່ຽວ ຫວຽດນາມ ສົມທົບກັບ ຄະນະກຳມະການແນວໂຮມປະເທດຊາດ ຫວຽດນາມ ຈັດຂຶ້ນ ເນື່ອງໃນໂອກາດສະເຫຼີມສະຫຼອງ 93 ປີແຫ່ງວັນສ້າງຕັ້ງແນວໂຮມປະເທດຊາດ ຫວຽດນາມ (18 ພະຈິກ) ແລະ 78 ປີແຫ່ງວັນມໍລະດົກວັດທະນະທໍາ ວຽດນາມ (23 ພະຈິກ).
ກ່າວຄຳປາໄສທີ່ພິທີເປີດ, ທ່ານລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫງວຽນວັນຮຸ່ງ ເນັ້ນໜັກວ່າ: “ສັບປະດາມະຫາສາມັກຄີບັນດາຊົນເຜົ່າ ແລະ ມໍລະດົກວັດທະນະທຳ ຫວຽດນາມ ປີ 2023 ໄດ້ຈັດຕັ້ງເພື່ອແນໃສ່ເຊີດຊູບັນດາວັດທະນະທຳມູນເຊື້ອອັນດີງາມຂອງບັນດາຊົນເຜົ່າໃນພື້ນຖານວັດທະນະທຳທີ່ເຕົ້າໂຮມຫຼາຍຮູບຫຼາຍແບບຂອງປະຊາຄົມ 54 ຊົນເຜົ່າ; ສືບທອດ ແລະ ປະຕິບັດຫຼາກຫຼາຍວັດທະນະທຳເພື່ອອະນຸລັກຮັກສາ ແລະ ເສີມຂະຫຍາຍຄຸນຄ່າມໍລະດົກວັດທະນະທຳອັນດີງາມຂອງຊາວ ຫວຽດນາມ; ເພີ່ມທະວີຄວາມຮັບຜິດຊອບໃນການສ້າງສາ ແລະ ພັດທະນາວັດທະນະທຳ ແລະ ປະຊາຊົນ ຫວຽດນາມ ໃຫ້ເໝາະສົມກັບຄວາມໝັ້ນຄົງຂອງປະເທດຊາດ ບົນຈິດໃຈຂອງມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ 13 ຂອງພັກ ແລະ ກອງປະຊຸມວັດທະນະທຳແຫ່ງຊາດ ປີ 2021”.
ກ່າວຄຳປາໄສທີ່ພິທີ, ທ່ານເລຂາທິການສູນກາງພັກ, ປະທານຄະນະກຳມະການແນວໂຮມປະເທດຊາດ ຫວຽດນາມ ໂດວັນຈ໋ຽນ ໄດ້ຊີ້ນຳວ່າ: “ຕ້ອງເສີມຂະຫຍາຍກຳລັງແຮງຂອງກຸ່ມກ້ອນມະຫາສາມັກຄີໃນວົງຄະນະຍາດບັນດາຊົນເຜົ່າ ແລະ ບົດບາດການປົກປັກຮັກສາ ແລະ ໂຄສະນາບັນດາມໍລະດົກວັດທະນະທຳຂອງຊາດ. ກະຊວງວັດທະນະທຳ, ກິລາ ແລະ ທ່ອງທ່ຽວ ສືບຕໍ່ສົມທົບກັນປະຕິບັດມາດຕະການແກ້ໄຂຢ່າງຄົບຊຸດ, ພິເສດແມ່ນຍຸດທະສາດພັດທະນາວັດທະນະທຳຮອດປີ 2030, ອະນຸລັກຮັກສາ, ໂຄສະນາບັນດາເອກະລັກວັດທະນະທຳອັນດີງາມຂອງບັນດາເຜົ່າ, ເຮັດໃຫ້ວັດທະນະທຳເຂົ້າສູ່ຊີວິດສັງຄົມ, ເຊື່ອມຕໍ່ແຜ່ກະຈາຍກຳລັງແຮງແຫ່ງຄວາມສາມັກຄີປະເທດຊາດອັນໃຫຍ່ຫຼວງ; ພ້ອມກັນນັ້ນ, ກໍ່ເນັ້ນໜັກເຖິງວຽກງານສືບຕໍ່ເຕົ້າໂຮມ, ອະນຸລັກຮັກສາ ແລະ ໂຄສະນາວັດທະນະທຳທີ່ເປັນເອກະລັກສະເພາະຂອງ 54 ຊົນເຜົ່າ, ສົມທົບກັບວັດທະນະທຳພັດທະນາການທ່ອງທ່ຽວ, ໂຄສະນາພາບພົດຂອງຫວຽດນາມ ໃຫ້ແກ່ນັກທ່ອງທ່ຽວ ແລະ ເພື່ອນມິດສາກົນ, ປະກອບສ່ວນຍົກສູງອິດທິພົນຊື່ສຽງ ແລະ ທີ່ຕັ້ງຂອງຫວຽດນາມ ໃນເວທີສາກົນ.
ພາຍຫຼັງພິທີໄຂ, ລາຍການສິລະປະພິເສດໄດ້ດຳເນີນໄປດ້ວຍຫົວຂໍ້ “ສີສັນເຕົ້າໂຮມວັດທະນະທຳປະການແຈ້ງ” ເພື່ອແນໃສ່ເຊີດຊູຄວາມສວຍສົດງົດງາມຂອງວັດທະນະທຳ, ຮີດຄອງປະເພນີອັນດີງາມຂອງບັນດາເຜົ່າ ຫວຽດນາມ, ພິເສດແມ່ນການເຂົ້າຮ່ວມຂອງບັນດານັກສິລະປະກອນຈາກບັນດາແຂວງຄື: ເຊີນລາ, ລາຍເຈົາ; ແທງຮ໋ວາ, ກວາງນາມ, ດັກລັກ, ດາໜັງ.
ມິງດຶກ
