| ການລະຫຼິ້ນດຶງເຊືອກ ເຊື່ອມຕໍ່ປະຊາຄົມຫວຽດນາມ - ສ. ເກົາຫຼີ | |
| ສ້າງແຜນການສະເໜີໂຄງການທາງລົດໄຟ ຫວູງອ໊າງ-ໝູ໊ຢາ ເຊື່ອມຕໍ່ ຫວຽດນາມ-ລາວ |
ທ່ານຫົວໜ້າພະແນກທ່ອງທ່ຽວແຂວງ ກວາງບິ່ງ ຫງວຽນຫງອກກູຍ ໃຫ້ຮູ້ວ່າ: ປີ 2023, ພະແນກ ແລະ ບັນດາແຂວງພາກເໜືອ ໄດ້ສົມທົບກັນຈັດຕັ້ງບັນດາການເຄື່ອນໄຫວ, ກິດຈະກຳຫຼາຍຢ່າງເພື່ອຮັບໃຊ້ປະຊາຊົນ ແລະ ນັກທ່ອງທ່ຽວ. ຜ່ານນັ້ນ, ກໍສ້າງການຮ່ວມສຳພັນການພັດທະນາການທ່ອງທ່ຽວລະຫວ່າງບັນດາແຂວງ, ນຳມາເຊິ່ງບັນດາຜະລິດຕະພັນທີ່ດຶງດູດໃຈ, ສ້າງຫຼາຍທາງເລືອກໃຫ້ນັກທ່ອງທ່ຽວ, ປະກອບສ່ວນໂຄສະນາວັດທະນະທຳ, ປຸງແຕ່ງອາຫານ ແລະ ທັດສະນີຍະພາບຂອງແຕ່ລະທ້ອງຖິ່ນ.
 |
ພາບທັງໝົດຂອງຕາແສງ ເຕີນຮ່ວາ, ເມືອງພູດອຍ ມິງຮ໋ວາ - ສະຖານທີ່ນີ້ໄດ້ກາຍເປັນສະຖານທີ່ທ່ອງທ່ຽວທີ່ເຫມາະສົມ |
ນອກຈາກນັ້ນ, ແຂວງ ກວາງບິ່ງ ກໍ່ໄດ້ປະຕິບັດບັນດາການເຄື່ອນໄຫວສົ່ງເສີມ ແລະ ທ່ອງທ່ຽວຮ່ວມກັບບັນດາທ້ອງຖິ່ນຄື: ກວາງຈີ, ເທື່ອທຽນ - ເຫ້ວ, ດາໜັງ, ກວາງນາມ ແລະ ບັນດາສູນຂໍ້ມູນຂ່າວສານໃນທົ່ວປະເທດ; ຄົ້ນຄ້ວາ ແລະ ຂຸດຄົ້ນບັນດາທ້ອງຕະຫຼາດລູກຄ້າຈາກ ຮ່າໂນ້ຍ, ນະຄອນ ໂຮ່ຈິມິນ ແລະ ຢູ່ເຂດເສດຖະກິດສຳຄັນຂອງພາກກາງ. ໃນປີ 2023, ທົ່ວແຂວງຄາດວ່າຈະມີນັກທ່ອງທ່ຽວບັນລຸ 4,5 ລ້ານເທື່ອຄົນ ( 2,2 ເທົ່າເມື່ອທຽບໃສ່ປີ 2022), ດ້ວຍຍອດລາຍຮັບໄດ້ປະມານ 5,085 ຕື້ດົ່ງ.
ໃນໄລຍະຈະມາເຖິງ, ແຂວງຈະສຸມໃສ່ຊຸກຍູ້ການຫັນເປັນດິຈິຕອນໃນອຸດສາຫະກໍາການທ່ອງທ່ຽວ, ພັດທະນາແຜນທີ່ດິຈິຕອນຂຶ້ນກັບໂຄງການ "ສ້າງໂປຼແກຼມການຄົ້ນຫາຂໍ້ມູນສໍາລັບຮັບໃຊ້ການທ່ອງທ່ຽວໃນລະບົບນິເວດການທ່ອງທ່ຽວອັດສະລິຍະ" ໂດຍມີເນື້ອໃນອະທິບາຍ, ຮູບພາບ, ວີດີໂອ, ມີຊີວິດຊີວາທີ່ກ່ຽວຂ້ອງກັບສະຖານທີ່ທ່ອງທ່ຽວສະເພາະ. ພ້ອມນີ້, ແຂວງ ກໍ່ປະກາດບັນດາເຫດການ ແລະ ກິດຈະກຳທີ່ພົ້ນເດັ່ນທີ່ພວມດຳເນີນ ຫຼື ພວມຈະຈັດຂຶ້ນຢູ່ແຂວງ ເພື່ອສ້າງຄວາມສະດວກໃຫ້ແກ່ນັກທ່ອງທ່ຽວທີ່ຢາກຊອກຮູ້ກ່ຽວກັບພູມສັນຖານທ້ອງຖິ່ນ.
ທ່ານຫົວໜ້າພະແນກທ່ອງທ່ຽວແຂວງ ກວາງບິ່ງ ຕີລາຄາວ່າ ບັນດາທ້ອງຖິ່ນທີ່ມີກຳລັງແຮງດ້ານການທ່ອງທ່ຽວໄດ້ປັບປຸງຄຸນນະພາບຈຸດປາຍມທາງ, ຮັບປະກັນບັນດາສິ່ງອຳນວຍຄວາມສະດວກ ແລະ ຄຸນນະພາບການບໍລິການ, ຊຸກຍູ້ການພັດທະນາບັນດາຜະລິດຕະພັນທີ່ມີທ່າແຮງ, ທ່າໄດ້ປຽບໃນການແກ່ງແຍ້ງ... ດ້ວຍເປົ້າໝາຍຂອງແຕ່ລະທ້ອງຖິ່ນມີຈຸດເດັ່ນຂອງຕົນ, ສ້າງຮູບພາບເຄື່ອງໝາຍທ່ອງທ່ຽວທີ່ດຶງດູດໃຈ; ພ້ອມກັນນັ້ນ, ກໍ່ສຸມໃສ່ບຳລຸງສ້າງ ແລະ ບຳລຸງແຫຼ່ງຊັບພະຍາກອນມະນຸດ, ມີນະໂຍບາຍດຶງດູດນັກທ່ອງທ່ຽວໃຫ້ກັບຄືນມາເຮັດວຽກ, ເພີ່ມທະວີການຫັນເປັນດີຈີຕອນ, ນຳໃຊ້ເຕັກໂນໂລຢີເພື່ອຟື້ນຟູການທ່ອງທ່ຽວ.
ເຖິງຢ່າງໃດກໍ່ຕາມ, ຢູ່ແຂວງ ກວາງບິ່ງ ແລະ ບາງທ້ອງຖິ່ນຢູ່ບັນດາແຂວງພາກເໜືອ, ຄວາມຮັບຮູ້ກ່ຽວກັບການປົກປັກຮັກສາອະນາໄມສິ່ງແວດລ້ອມຢູ່ບັນດາເຂດທ່ອງທ່ຽວ, ສະຖານທີ່ທ່ອງທ່ຽວຂອງປະຊາຊົນຈຳນວນໜຶ່ງຍັງຖືກຈຳກັດ; ສະພາບການຍົວະດຶງນັກທ່ອງທ່ຽວຍັງເກີດຂຶ້ນຢູ່ບາງບ່ອນ. ການຈັດຕັ້ງປະຕິບັດການຕິດລາຄາ ແລະ ຂາຍຕາມລາຄາທີ່ກຳນົດໄວ້ໃຫ້ຖືກຕ້ອງແມ່ນຍັງບໍ່ທັນເຂັ້ມງວດ, ຍັງມີສະພາວະການລັກໂລບໃນການຊື້-ຂາຍ, ໂດຍສະເພາະຢູ່ຮ້ານອາຫານ ແລະ ຮ້ານກິນດື່ມທີ່ບໍ່ໄດ້ມາດຕະຖານເພື່ອຮັບໃຊ້ນັກທ່ອງທ່ຽວ.
ມິງດຶກ
