ນະໂຍບາຍຄ້ຳປະກັນຊີວິດສັງຄົມ ໃຫ້ຜູ້ອອກແຮງງານ ເຢຍລະມັນ ແລະ ຄຸນຄ່າການສໍາຫຼວດ ຕໍ່ກັບຫວຽດນາມ
- ວັນທີ 16 ພະຈິກ, ຢູ່ນະຄອນ ເກີນເທີ, ສະຖາບັນການເມືອງແຫ່ງຊາດ ໂຮ່ຈີມິນ ແລະ ສະຖາບັນ Frideric Elbert ປະຈຳຫວຽດນາມ (ສາທາລະນະລັດ ສະຫະພັນ ເຢຍລະມັນ) ຈັດຕັ້ງກອງປະຊຸມສຳມະນາສາກົນ “ນະໂຍບາຍການຄ້ຳປະກັນຊີວິດສັງຄົມໃຫ້ຜູ້ອອກແຮງງານ ເຢຍລະມັນ ໃນສະພາບການປະຕິວັດ ຄັ້ງທີ 4 ແລະ ຄຸນຄ່າຄ່າການສຳຫຼວດ ຕໍ່ກັບຫວຽດນາມ”.
|
ທີ່ກອງປະຊຸມ, ບັນດາຜູ້ແທນໄດ້ສະເໜີຂໍ້ມູນກ່ຽວກັບນະໂຍບາຍຄ້ຳປະກັນຊີວິດສັງຄົມ ຂອງເຢຍລະມັນ ໃນປະຈຸບັນ, ປະສົບການສ້າງໂຄງການຄ້ຳປະກັນຊີວິດສັງຄົມ ຂອງພັກປະຊາທິປະໄຕ ສັງຄົມ ເຢຍລະມັນ, ບັນດາຜົນກະທົບຂອງການປະຕິວັດຄັ້ງທີສີ່ ຕໍ່ກັບຜູ້ອອກແຮງງານ ແລະ ຄ້ຳປະກັນຊີວິດສັງຄົມຂອງຜູ້ອອກແຮງງານ, ການພົວພັນລະຫວ່າງ ລັດ ກັບທຸລະກິດ - ອົງການຈັດຕັ້ງຜູ້ຕາງຫນ້າຜູ້ອອກແຮງງານ ໃນການປະຕິບັດນະໂຍບາຍການຄ້ຳປະກັນຊີວິດສັງຄົມ.
ບັນດາຜູ້ແທນກ່າວວ່າ ນະໂຍບາຍຄ້ຳປະກັນຊີວິດສັງຄົມຂອງເຢຍລະມັນ ໄດ້ມີຄວາມກ້າວໜ້າຫຼາຍຢ່າງ, ແກ້ໄຂບັນຫາທັງໝົດຂອງຜູ້ອອກແຮງງານເຊັ່ນ: ເຮືອນຢູ່ອາໄສ, ການຂາດວຽກເຮັດງານທຳ, ລາຍຮັບຕ່ຳ, ພະຍາດ, ຄວາມທຸກຍາກ...
|
ຫວຽດນາມ, ບົນເສັ້ນທາງກໍ່ສ້າງສັງຄົມນິຍົມ, ກຳນົດທິດພັດທະນາເສດຖະກິດ ຕິດພັນກັບຄວາມກ້າວໜ້າ ແລະ ຄວາມຍຸຕິທຳສັງຄົມ. ສະນັ້ນ, ຫວຽດນາມ ສາມາດຄົ້ນຄ້ວາ, ສຶກສາ ແລະ ສ້າງນະໂຍບາຍຄ້ຳປະກັນຊີວິດສັງຄົມ ໃຫ້ເໝາະສົມກັບສະພາບເງື່ອນໄຂຂອງປະເທດ.
ນັ້ນແມ່ນ ນະໂຍບາຍສ້າງວຽກເຮັດງານທຳ, ລາຍຮັບ ແລະ ຫຼຸດຜ່ອນຄວາມທຸກຍາກ ໂດຍຜ່ານນະໂຍບາຍການຝຶກອົບຮົມທັກສະວິຊາຊີບ ແລະ ນະໂຍບາຍສິນເຊື່ອ. ນະໂຍບາຍຄ້ຳປະກັນຊີວິດສັງຄົມ ແນໃສ່ຊ່ວຍເຫຼືອປະຊາຊົນໃນການຫຼຸດຜ່ອນຄວາມສ່ຽງດ້ານສຸຂະພາບ ໃນເວລາເຈັບປ່ວຍ, ອຸປະຕິເຫດ, ເຖົ້າແກ່...
ນະໂຍບາຍການຊ່ວຍເຫຼືອສັງຄົມ ເພື່ອຊ່ວຍເຫຼືອໄດ້ຢ່າງກະທັນຫັນ ແລະເປັນປົກກະຕິ ໃນເວລາທີ່ຜູ້ອອກແຮງງານປະສົບກັບຄວາມຫຍຸ້ງຍາກກະທັນຫັນ. ນະໂຍບາຍການບໍລິການສັງຄົມໂດຍພື້ນຖານ ເພື່ອຢ່າງໜ້ອຍກໍ່ໃຫ້ປະຊາຊົນ ໄດ້ຮັບການບໍລິການເຊັ່ນ: ສາທາລະນະສຸກ, ການສຶກສາ, ເຮືອນຢູ່ອາໄສ, ນ້ຳສະອາດ, ຂໍ້ມູນຂ່າວສານ, ການຊ່ວຍເຫຼືອດ້ານກົດໝາຍ...
ຊ ສະຫວັດ
