| VinaCapital ຄາດຄະເນວ່າ GDP ຂອງ ຫວຽດນາມ ຈະຟື້ນຟູໃນລະດັບ 6,5% ໃນປີ 2023 | |
| ການພົບປະມິດຕະພາບຊາວໜຸ່ມ ຫວຽດນາມ - ລາວ ໃນປີ 2023 |
ວັນຫວຽດນາມ ຢູ່ ຝະລັ່ງ 2023 ໄດ້ແນະນຳໃຫ້ບັນດາເພື່ອນມິດສາກົນກ່ຽວກັໍບຮູບພາບຂອງຫວຽດນາມ ທີ່ມີຄວາມສວຍງາມ, ສັນຕິສຸກ, ຮັກແພງແຂກຄົນ, ພັດທະນາຢ່າງຂະຫຍັນຂັນເຄື່ອນ ແລະ ມີມູນເຊື້ອວັດທະນະທຳທີ່ອຸດົມສົມບູນ.
ວັນຫວຽດນາມ ຢູ່ ຝະລັ່ງ 2023 ມີ 2 ພາກສ່ວນຕົ້ນຕໍຄື: ລາຍການສະແດງສິລະປະ ແລະ ພື້ນທີ່ວັດທະນະທຳ ຫວຽດນາມ ຢູ່ ຝະລັ່ງ. ໃນນັ້ນ, ລາຍການສະແດງສິລະປະດ້ວຍຫົວເລື່ອງສີສັນຫວຽດນາມ ໄດ້ນຳເອົາບັນດາລາຍການສະແດງບົດເພງ, ຟ້ອນ, ດົນຕີ ແລະ ການສະແດງທີ່ຫຼາຍຮູບແບບ, ເປັນເອກະລັກພິເສດ, ແນະນຳຫຼາຍສີສັນຂອງສິລະປະພື້ນເມືອງຂອງຫວຽດນາມ ເຊັ່ນ: ກອນລຳຫວີ້ຢ່ຳ, ກອນລຳພາກໃຕ້, ຟ້ອນຈຳ, ຟ້ອນສິງໂຕ, ມວຍ VOVINAM... ໃນລາຍການຍັງໄດ້ນຳສາກສະແດງຊຸດເສື້ອຍາວທີ່ປະທັບໃຈ, ໂດຍໄດ້ໂຮມ 20 ຊຸດເສື້ອຜ້າອາພອນເກົ່າຂອງສະໄໝລາຊະວົງ ຫງວຽນ ມານຳສະເໜີຢ່າງເປັນມືອາຊີບຕື່ມອີກ.
 |
| (ພາບ: ກະຊວງການຕ່າງປະເທດຫວຽດນາມ). |
ໃນຂົງເຂດວັດທະນະທຳຫວຽດນາມ, ແຂກຈະໄດ້ຊົມ 25 ບົດນິພົນສີຂັດມັນ ດ້ວຍກະທູ້ສຳຄັນ “ຮ່ອງຮອຍສະຖາປັດຕະຍະກຳຂອງຝະລັ່ງ ຢູ່ໃຈກາງນະຄອນຫຼວງຮ່າໂນ້ຍ”, ເປັນຫຼັກຖານພະຍານໃຫ້ເຫັນຄວາມປະສົມປະສານກັນດ້ານວັດທະນະທຳລະຫວ່າງ 2 ປະເທດ ແລະ ປະຊາຊົນ 2 ປະເທດ. ໃນລາຍການຍັງມີບັນດາການເຄື່ອນໄຫວພົວພັນທາງດ້ານວັດທະນະທຳຄື: ການຫຼິ້ນເຄື່ອງດົນຕີພື້ນເມືອງຂອງຫວຽດນາມ, ເຂົ້າຮ່ວມການປັ້ນຕໍເເຮ່ຂອງຫວຽດນາມ, ເຂົ້າຮ່ວມເຮັດຮູບດົງໂຮ່, ລອງນຸ່ງບັນດາຊຸດເສື້ອຜ້າອາພອນເກົ່າຂອງລາຊະວົງ ຫງວຽນ, ຫຼື ຊິມອາຫານພິເສດຄື: ເຝີທີ່ນ ຮ່າໂນ້ຍ ອາຫານຫວຽດນາມ ທີ່ມີລົດຊາດຂອງຄວາມຮັກ ແລະ ຄິດເຖິງ.
ງານວາງສະແດງຮູບພາບຫວຽດນາມທີ່ຂ້າພະເຈົ້າຮັກ, ໂດຍທ່ານນາງ Armelle DG, ພັນລະຍາອະດີດເອກອັກຄະລັດຖະທູດ ຝະລັ່ງ ປະຈຳ ຫວຽດນາມ ໄດ້ເຮັດໃຫ້ຜູ້ຊົມມີຄວາມປະທັບໃຈຢ່າງເລິກເຊິ່ງ. ທ່ານນາງ Armelle DG ແບ່ງປັນວ່າ: “ແຕ່ລະຮູບແມ່ນຄ້າຍຄືດັ່ງເມັດໄຂ່ມຸກທີ່ຂ້າພະເຂົ້າສະສົມໄວ້ໃນເວລາດຳລົງຊີວິດ ແລະ ເຮັດວຽກຢູ່ ຫວຽດນາມ”.
ຜູ້ຕາງໜ້າຄະນະຈັດຕັ້ງ, ທ່ານ ດ່າວກວ່ຽນເຈື່ອງ, ຮອງຫົວໜ້າກົມການຕ່າງປະເທດວັດທະນະທຳ ແລະ UNESCO ໃຫ້ຮູ້ວ່າ: “ຜ່ານລາຍການ, ພວກຂ້າພະເຈົ້າປາດຖະໜາວ່າ ຈະເພີ່ມທະວີການໂຄສະນາຮູບພາບ, ປະເທດຊາດ ແລະ ປະຊາຊົນ ຫວຽດນາມ ໃຫ້ແກ່ປະຊາຄົມຊາວຫວຽດນາມ ຢູ່ຕ່າງປະເທດ, ມະຫາຊົນ ແລະ ເພື່ອນມິດສາກົນ. ລາຍການກໍ່ຫວັງວ່າຈະປະກອບສ່ວນຊ່ວຍສາຍພົວພັນມິດຕະພາບທີ່ເປັນມູນເຊື້ອອັນຍາວນານລະຫວ່າງ ຫວຽດນາມ ແລະ ຝລັ່ງ ໃຫ້ນັບມື້ນັບແໜ້ນແຟ້ນກ່ວາອີກ”.
ຫຼັງຈາກ ອາຟຣິກາໃຕ້ ແລະ ຝຣັ່ງ, ວັນຫວຽດນາມຢູ່ຕ່າງປະເທດ 2023 ຈະສືບຕໍ່ຈັດຂຶ້ນຢູ່ຍີ່ປຸ່ນ ໃນທ້າຍເດືອນພະຈິກປີນີ້.
ດີງເລື້ອງ
