| ຫວຽດນາມ - ອິນໂດເນເຊຍ ທິດເຖິງວົງເງິນການຄ້າສອງຝ່າຍບັນລຸ 15 ຕື້ USD | |
| ທ່ານເລຂາທິການສະພາແຫ່ງຊາດ ຫວຽດນາມ ບຸ່ຍວັນເກື່ອງ ຕ້ອນຮັບບັນດາເລຂາທິການ ສະພາຕ່ຳ ໄທ, ສະພາຕ່ຳ ອິນໂດເນເຊຍ ແລະ ສະພາແຫ່ງຊາດ ລາວ |
ຕາມທ່ານ ຫງວຽນທຶກຮ້ຽນ ແລ້ວ, ບັນດາຂົງເຂດສຳຄັນທີ່ແຂວງ ເກີ່ນເທີ ປາດຖະໜາການດຶງດູດການທຶນລົງທຶນຈາກ ອິນໂດເນເຊຍ ຄື: ອຸດສາຫະກຳປຸງແຕ່ງ, ການຮ່ວມມືຜະລິດກະສິກຳອົງຄະທາດ, ກະສິກຳເຕັກໂນໂລຊີສູງ, ການທ່ອງທ່ຽວ, ໂຮງແຮມ...
ນະຄອນຫວັງວ່າສະຖານກົງສຸນໃຫຍ່ ອິນໂດເນເຊຍ ປະຈຳນະຄອນ ໂຮ່ຈິມິນ ຈະສົມທົບກັນເພື່ອແຈ້ງກ່ຽວກັບບັນດາຜູ້ນຳເຂົ້າ, ມາດຕະຖານສິນຄ້າ, ບັນດາບູລິມະສິດດ້ານພາສີ, ຄວາມຕ້ອງການຂອງຕະຫຼາດ, ຮີດຄອງປະເພນີ, ວັດທະນະທຳການດຳເນີນທຸລະກິດ, ບັນດາເຫດການງານຕະຫຼາດນັດ ແລະ ວາງສະແດງຢູ່ອິນໂດເນເຊຍ. ນະຄອນເກີ່ນເທີ ຈະແນະນຳຄວາມສາມາດບົ່ມຊ້ອນ ແລະ ໂອກາດລົງທຶນໃຫ້ແກ່ບັນດາວິສາຫະກິດ ແລະ ຈັດຕັ້ງຄະນະນັກທຸລະກິດຈາກນະຄອນໄປສຳຫຼວດຕະຫຼາດ ພ້ອມທັງເຂົ້າຮ່ວມບັນດາຮ້ານວາງສະແດງເພື່ອໂຄສະນາບັນດາຜະລິດຕະພັນໃຫ້ແກ່ຜູ້ບໍລິໂພກ ແລະ ຜູ້ນຳເຂົ້າ ອິນໂດເນເຊຍ.
 |
| ບັນດາຜູ້ແທນໄດ້ຖ່າຍຮູບທີ່ລະນຶກທີ່ການຕ້ອນຮັບ. |
ການນຳນະຄອນ ເກີ່ນເທີ ຫວັງວ່າ ສະຖານກົງສຸນໃຫຍ່ ອິນໂດເນເຊຍ ປະຈຳ ນະຄອນ ໂຮ່ຈີມິນ ຈະສືບຕໍ່ສົມທົບກັນເປັນປະຈຳ ເພື່ອຈັດຕັ້ງງານບຸນພົບປະແລກປ່ຽນວັດທະນະທຳ ແລະ ການຄ້າ ອິນໂດເນເຊຍ ຢູ່ ນະຄອນ ເກີ່ນເທີ ເພື່ອເພີ່ມທະວີຄວາມເຂົ້າໃຈເຊິ່ງກັນ ແລະ ກັນ, ປະກອບສ່ວນຊຸກຍູ້ການພົວພັນລະຫວ່າງ 2 ຝ່າຍໃຫ້ນັບມື້ນັບດີຂຶ້ນ.
ທ່ານ Agustaviano Sofjan - ກົງສຸນໃຫຍ່ ສາທາລະນະລັດ ອິນໂດເນເຊຍ ປະຈຳ ນະຄອນ ໂຮ່ຈີມິນ ໄດ້ຕີລາຄາສູງທີ່ຕັ້ງ ແລະ ບົດບາດໃຈກາງຂອງນະຄອນ ເກີ່ນເທີ ຢູ່ເຂດທົ່ງພຽງແມ່ນ້ຳຂອງ. ທ່ານໃຫ້ຄຳໝັ້ນສັນຍາຈະເປັນຂົວເຊື່ອມຕໍ່ບັນດາວິສາຫະກິດ ແລະ ນັກລົງທຶນ ອິນໂດເນເຊຍ ມາຍັງນະຄອນ ເກີນເທີ ເພື່ອຊອກຫາກາລະໂອກາດຮ່ວມມື ແລະ ລົງທຶນ.
ຫວ່າງມໍ່ໆມານີ້, ນະຄອນ ເກີ່ນເທີ ແລະ ສະຖານກົງສູນໃຫຍ່ ອິນໂດເນເຊຍ ປະຈຳນະຄອນ ໂຮ່ຈີມິນ ໄດ້ສົມທົບກັນຈັດຕັ້ງບັນດາເຫດການ ແລະ ການເຄື່ອນໄຫວແລກປ່ຽນວັດທະນະທຳຢູ່ນະຄອນ ເກີ່ນເທີ. ຫວ່າງແລ້ວນີ້ແມ່ນເຫດການເຊັ່ນ “ວັນອິນໂດເນເຊຍ ຢູ່ນະຄອນເກີ່ນເທີ” ໄດ້ຈັດຂຶ້ນໃນປີ 2022, ຜ່ານນັ້ນ ກໍ່ໄດ້ປະກອບສ່ວນຊຸກຍູ້ ແລະ ເພີ່ມທະວີສາຍພົວພັນຮ່ວມມືອັນດີງາມລະຫວ່າງປະຊາຊົນສອງປະເທດຕື່ມອີກ.
ດີງເລື້ອງ
