| ໃນ 9 ເດືອນຕົ້ນປີ 2023 ກ່າເມົາ ດຶງດູດ16 ຕື້ດົ່ງຈາກບັນດາອົງການຈັດຕັ້ງທີ່ບໍ່ສັງກັດລັດຖະບານຕ່າງປະເທດ | |
| ໃນ 9 ເດືອນຂອງປີ 2023 ແຂກທ່ອງທ່ຽວສາກົນມາຢ້ຽມຢາມ ຫວຽດນາມ ບັນລຸ 8,9 ລ້ານເທື່ອຄົນ |
ຕາມສຳນັກຂ່າວສານ ຊິນຮວາ ແລ້ວ, ຍອດມູນຄ່າສົ່ງອອກໝາກທຸລຽນຂອງຫວຽດນາມ ບັນລຸ 1,63 ຕື້ USD ໃນ 9 ເດືອນຕົ້ນປີ 2023, ເພີ່ມຂຶ້ນກວ່າ 14 ເທົ່າເມື່ອທຽບໃສ່ໄລຍະດຽວກັນຂອງປີກາຍ, ເຮັດໃຫ້ໝາກທຸລຽນເປັນລາຍຮັບຈາກຕ່າງປະເທດຫຼາຍກວ່າໝູ່ໃນຂະແໜງຜັກ ແລະ ໝາກໄມ້ຂອງຫວຽດນາມ.
ໝາກທຸລຽນໄດ້ລື່ນກາຍໝາກມີ້, ໝາກມັງກອນ, ໝາກໂມ, ໝາກກ້ວຍ, ໝາກລິ້ນຈີ່ ໂດຍໄດ້ຂຶ້ນເປັນອັນດັບໜຶ່ງ, ກວມເອົາ 38,7% ຍອດການສົ່ງອອກທັງໝົດຂອງຂະແໜງ. ປະຈຸບັນ, ຈີນແມ່ນຕະຫຼາດສົ່ງອອກໝາກທຸລຽນຕົ້ນຕໍຂອງຫວຽດນາມ.
ຕາມຂໍ້ມູນຫຼ້າສຸດຂອງກົມໃຫຍ່ພາສີ, ການສົ່ງອອກໝາກໄມ້ຂອງຫວຽດນາມ ໃນ 9 ເດືອນຕົ້ນປີນີ້ບັນລຸ 4,21 ຕື້ USD, ເພີ່ມຂຶ້ນ 72,5% ເມື່ອທຽບໃສ່ໄລຍະດຽວກັນຂອງປີກາຍ.
 |
| ໝາກທຸລຽນ ໄດ້ບໍລິໂພກຫຼາຍໃນຕະຫຼາດຈີນ |
ໃນສະພາບການການຄ້າທົ່ວໂລກໄດ້ຮັບຜົນກະທົບຫຍໍ້ທໍ້ຍ້ອນກຳລັງຊື້ທີ່ຫຼຸດລົງ ເເຕ່ວ່າວົງເງິນສົ່ງອອກໄປຈີນ ຍັງເຕີບໂຕຢ່າງຕັ້ງໜ້າ, ໂດຍປົກກະຕິການສົ່ງອອກຜັກ ແລະ ໝາກໄມ້ກວມ 64% ຂອງຍອດການສົ່ງອອກຜັກ ແລະ ໝາກໄມ້ຂອງປະເທດ. ຈີນແມ່ນຕະຫຼາດນຳເຂົ້າໝາກໄມ້ໃຫຍ່ທີ່ສຸດຂອງຫວຽດນາມ ດ້ວຍວົງເງິນບັນລຸ 2,75 ຕື້ USD, ເພີ່ມຂຶ້ນກວ່າ 160% ເມື່ອທຽບໃສ່ໄລຍະດຽວກັນຂອງປີກາຍ.
ຫວຽດນາມມີຈຳນວນ 422 ເຂດປູກ ແລະ 153 ຮາກຖານຫໍ່ທີ່ມີເງື່ອນໄຂເພື່ອສົ່ງອອກໝາກໄມ້ໄປຈີນ.
ໝາກຜົນດັ່ງກ່າວແມ່ນຍ້ອນ ຫວຽດນາມ ໄດ້ລົງນາມໃນຫຼາຍອະນຸສັນຍາການສົ່ງອອກຜັກ ແລະ ໝາກໄມ້ເຂົ້າຕະຫຼາດນີ້ຢ່າງເປັນທາງການ. ໂດຍສະເພາະແມ່ນຜູ້ບໍລິໂພກຈີນທ ນິຍົມໝາກທຸລຽນເປັນພິເສດ, ສະນັ້ນ ປະລິມານການສົ່ງອອກຂອງສິນຄ້າດັ່ງກ່າວໄດ້ເພີ່ມຂຶ້ນຢ່າງຫຼວງຫຼາຍ.
ຫວຽດນາມ ພວມສືບຕໍ່ເຈລະຈາບັນດາອະນຸສັນຍາກ່ຽວກັບການນຳເຂົ້າ ແລະ ສົ່ງອອກກັບຈີນ, ພິເສດແມ່ນບັນດາປະເພດສິນຄ້າລວມມີ: ໝາກໂມ, ໝາກທຸລຽນແຊ່ເຢັນ, ໝາກເຜັດ, ສະໝູນໄພ ແລະ ໝາກໄມ້ເປັນງີມ.
ດີງເລື້ອງ
