| ກາວບັງມີເຂດຮ່ອງຮອຍປະຫວັດສາດແຫ່ງຊາດຕື່ມອີກ 2 ແຫ່ງ | |
| ຄົ້ນຫາເຂດພູຜາປ່າໄມ້ ແມ່ນ້ຳລຳເຊ ທາງທິດຕາເວັນອອກຂອງແຂວງ ກາວບັງ |
ທີ່ກອງປະຊຸມ, ບັນດາບົດສະເໜີຂອງບັນດາວິສາຫະກິດ, ບັນດາອົງການບໍ່ຂຶ້ນກັບລັດຖະບານ, ສະຖານທູດບັນດາປະເທດປະຈຳຫວຽດນາມ... ໄດ້ແບ່ງປັນເພື່ອຊ່ວຍໃຫ້ Cao Bang ກາຍເປັນແຂວງທີ່ຂະຫຍັນຂັນເຄື່ອນ, ພັດທະນາຢ່າງວ່ອງໄວ ແລະ ຍືນຍົງ.
ທ່ານ HongSun, ປະທານ Kocham: ພັດທະນາການທ່ອງທ່ຽວໂດຍຜ່ານຜູ້ມີຊື່ສຽງ
ກາວບັງ ເປັນສະຖານທີ່ທ່ອງທ່ຽວທາງທຳມະຊາດ ທີ່ມີນ້ຳຕົກຕາດ ປ້ານໂຢກ- ຫນຶ່ງໃນ 10 ແຫ່ງນ້ຳຕົກຕາດທີ່ງາມທີ່ສຸດ ໃນໂລກ ຫຼື ປ່າສະຫງວນແຫ່ງຊາດ ພູຜາແມ່ນ້ຳລຳເຊກາວບັງ UNESCO. ຕາມຄວາມຄິດເຫັນຂອງຂ້າພະເຈົ້າ, ກາວບັງຕ້ອງດຶງດູດນັກທ່ອງທ່ຽວ ສ.ເກົາຫຼີ ແລະ ມີການເຄື່ອນໄຫວໂຄສະນາຢ່າງຕັ້ງໜ້າ. ອາດສາມາດເຊື້ອເຊີນບຸກຄົນທີ່ມີຊື່ສຽງໃນສ.ເກົາຫຼີ ໄປສໍາຜັດເພື່ອສົ່ງເສີມການທ່ອງທ່ຽວໃນແຂວງ. ດາຫນັງ ໄດ້ເຮັດແບບຢ່າງນີ້ເປັນຢ່າງດີ. ພຽງແຕ່ຫນຶ່ງນັກສິລະປິນທີ່ມີຊື່ສຽງຂອງເກົາຫຼີ ເຊັກອິນກໍ່ຈະນໍາເອົາຄົນທີ່ຢາກໄປຢ້ຽມຢາມ. ກາວບັງ ຍັງສາມາດຂຸດຄົ້ນຈຸດແຂງຂອງຕົນກັບຊົນເຜົ່າສ່ວນໜ້ອຍ (95%) ເພື່ອພັດທະນາການທ່ອງທ່ຽວ.
ຄຽງຄູ່ກັນນັ້ນ, ກາວບັງຕັ້ງຢູ່ພາກເໜືອສຸດຂອງຊາຍແດນຈີນ, ສະນັ້ນເສດຖະກິດດ່ານຊາຍແດນພວມພັດທະນາ. ແນວໃດກໍດີ, ເຂດນີ້ຍັງຄົງເປັນເຂດທີ່ວິສາຫະກິດຫຼາຍແຫ່ງບໍ່ສາມາດລົງທຶນໄດ້ຍ້ອນເຫດຜົນດ້ານພູມສາດ ແລະ ພື້ນຖານໂຄງລ່າງ. ສະມາຄົມ Kocham ມີ 10.000 ວິສາຫະກິດດຳເນີນທຸລະກິດຢູ່ຫວຽດນາມ ແຕ່ບໍ່ມີວິສາຫະກິດ ສ.ເກົາຫຼີ ໄດ້ລົງທຶນຢູ່ ກາວບັງ. ແຂວງ ກາວບັງ ຕ້ອງເສີມຂະຫຍາຍກຳລັງແຮງໃນປະຈຸບັນ ເພື່ອໃຫ້ບັນດາຄູ່ຮ່ວມມືພາຍໃນ ແລະ ຕ່າງປະເທດມາກາວບັງ, ໂດຍສະເພາະແມ່ນປັບປຸງພື້ນຖານໂຄງລ່າງພ້ອມກັບການສັນຈອນ ເພື່ອລົບລ້າງສິ່ງກີດຂວາງໃນການຄົມມະນາຄົມຂົນສົ່ງ. ຖ້າຫາກການຂົນສົ່ງໄດ້ຮັບການຍົກລະດັບ, Kocham ຍັງຈະຊອກຫາວິສາຫະກິດທີ່ມີຄວາມສົນໃຈ ແລະ ສ້າງຄະນະຜູ້ແທນວິສາຫະກິດໄປຢ້ຽມຢາມ ແລະ ເຮັດວຽກຢູ່ແຂວງ ກາວບັງ.
ທ່ານນາງ ລັດຕະນາ ສີຫາລາດ, ຮອງເອກອັກຄະລັດຖະທູດລາວ ປະຈໍາ ຫວຽດນາມ: ການຮ່ວມມືສາມແຂວງພາກເໜືອຂອງລາວ
 |
| ທ່ານນາງ ລັດຕະນາ ສີຫາລາດ, ຮອງເອກອັກຄະລັດຖະທູດລາວ ປະຈໍາ ຫວຽດນາມ |
ປະຈຸບັນ, ມີ 18 ແຂວງຂອງລາວຮ່ວມມື ແລະ ເປັນແຮກສ່ຽວກັບບັນດາແຂວງຂອງຫວຽດນາມ. ການຮ່ວມມືທ້ອງຖິ່ນລະຫວ່າງສອງປະເທດ ໄດ້ດຳເນີນໄປຢ່າງຟົດຟື້ນ ແລະ ມີປະສິດທິຜົນ. ເຖິງຢ່າງໃດກໍຕາມ, ກາວບັງເປັນທ້ອງຖິ່ນທີ່ບໍ່ມີຊາຍແດນຕິດກັບລາວ ແລະ ຍັງບໍ່ທັນມີການຮ່ວມມືກັບທ້ອງຖິ່ນຂອງລາວ.
ຕາມຄວາມຄິດເຫັນຂອງຂ້າພະເຈົ້າແລ້ວ, ຂ້າພະເຈົ້າມີຄວາມປະທັບໃຈກັບຄວາມງາມຂອງກາວບັງ. ກາວບັງມີທີ່ຕັ້ງພູມສາດຄ້າຍຄືກັນກັບບັນດາແຂວງພາກເໜືອຂອງລາວ. ສະນັ້ນ, ກາວບັ່ງສາມາດພິຈາລະນາການຮ່ວມມືກັບ 3 ແຂວງພາກເໜືອຂອງລາວ, ແນະນຳບັນດານັກລົງທຶນຈາກແຂວງ ກາວບັ່ງ ມາລົງທຶນ, ປະກອບສ່ວນຊຸກຍູ້ການເຕີບໂຕເສດຖະກິດຂອງສອງປະເທດ.
ທ່ານ Marko Moric, ປະທານສະມາຄົມວິສາຫະກິດເອີລົບກາງ ແລະ ຕາເວັນອອກ ປະຈຳຫວຽດນາມ (CEEC): ຕ້ອງການເປີດຂໍ້ມູນ
ຂ້າພະເຈົ້າໄດ້ມີໂອກາດໄປເມືອງກາວບັງຫຼາຍເທື່ອ. ຄວາມງາມທໍາມະຊາດຂອງ ກາວບັງ ໄດ້ຖືກປຽບທຽບກັບເພັດຂອງຫວຽດນາມ. ສະນັ້ນ, ແຂວງຕ້ອງຍາດແຍ່ງກາລະໂອກາດ, ຊຸກຍູ້ການຮ່ວມມື, ເປີດກວ້າງຂໍ້ມູນຂ່າວສານ ເພື່ອໃຫ້ສາມາດຮ່ວມມືກັບວິສາຫະກິດຈາກບັນດາປະເທດ. ໃນໄລຍະຈະມາເຖິງ, ບັນດາວິສາຫະກິດ ກາວບັງ ແລະ ບັນດາວິສາຫະກິດເອີລົບກາງ ແລະ ຕາເວັນອອກ ສາມາດຮ່ວມມືດ້ານກະສິກຳເຕັກໂນໂລຢີສູງ. ສະມາຄົມວິສາຫະກິດເອີລົບກາງ ແລະ ຕາເວັນອອກ ຈະສະໜັບສະໜູນການຮ່ວມມືຢ່າງມີປະສິດທິຜົນລະຫວ່າງ 2 ຝ່າຍ.
 |
| ທ່ານ Marko Moric, ປະທານສະມາຄົມວິສາຫະກິດເອີລົບກາງ ແລະ ຕາເວັນອອກ ປະຈຳຫວຽດນາມ (CEEC) |
ທ່ານ ເລງອກບາວ, ຫົວໜ້າຜູ້ປະສານງານໂຄງການ, ອົງການ ChildFund, ອົດສະຕາລີ: ຕ້ອງຍາດແຍ່ງກາລະໂອກາດ ແລະ ຮ່ວມມືຢ່າງມີປະສິດທິຜົນ
ChildFund ໄດ້ດຳເນີນຢູ່ແຂວງ ກາວບັງ ແຕ່ປີ 2009 ແລະ ມາຮອດປະຈຸບັນ ChildFund ໄດ້ປະຕິບັດ 46 ໂຄງການຢູ່ 3 ເມືອງຄື ກວາງຮ່ວາ, ຈຸງແຄ໋ງ ແລະ ແທກອານ ດ້ວຍຍອດຈຳນວນທຶນເກືອບ 300 ຕື້ດົ່ງ, ປັບປຸງຊີວິດການເປັນຢູ່ຂອງ 20.000 ຄອບຄົວໃນບັນດາໂຄງການ. ນັບຕັ້ງແຕ່ນັ້ນມາ, ໂດຍຜ່ານການຮ່ວມມືທີ່ເຂັ້ມແຂງ ແລະ ມີປະສິດທິຜົນລະຫວ່າງອົງການ ChildFund ແລະບັນດາຄູ່ຮ່ວມທ້ອງຖິ່ນ, ການປ່ຽນແປງຢ່າງຕັ້ງໜ້າຫຼາຍຢ່າງໄດ້ມາສູ່ຊີວິດຂອງເດັກນ້ອຍ ແລະປະຊາຊົນໃນເມືອງໂຄງການ.
ໃນຂະບວນການຮ່ວມມື, ພວກເຮົາຮູ້ບຸນຄຸນຢ່າງແທ້ຈິງ ຕໍ່ຈິດໃຈຂອງການຮ່ວມມືເປັນເຈົ້າການ, ຂໍ້ລິເລີ່ມ ແລະ ການເພີ່ມທະວີຄວາມສາມາດຂອງເຈົ້າໜ້າທີ່ທ້ອງຖິ່ນ. ຂ້າພະເຈົ້າຫວັງວ່າງານວາງສະແດງໃນມື້ນີ້ຈະເປີດກາລະໂອກາດການລົງທຶນໃໝ່ ແລະ ໜູນຊ່ວຍບັນດາຄຳໝັ້ນສັນຍາໃຫ້ແຂວງ ກາວບັງ. ຂ້າພະເຈົ້າເຊື່ອໝັ້ນວ່າ ດ້ວຍຈິດໃຈສາມັກຄີ ແລະ ຄວາມຕັ້ງໃຈເປັນເອກະພາບທີ່ພວກເຮົາໄດ້ເຫັນໃນທົດສະວັດຜ່ານມາ, ປະຊາຊົນ ແລະ ລັດຖະບານທຸກຂັ້ນຂອງແຂວງ ກາວບັງ ຍາມໃດກໍຖືກາລະໂອກາດ ແລະ ຮ່ວມມືຢ່າງມີປະສິດທິຜົນ ເພື່ອນຳມາເຊິ່ງອານາຄົດອັນສົດໃສໃຫ້ແກ່ເດັກ ແລະ ທົ່ວປວງຊົນ.”
ຄຳຮຸ່ງ
