| ລົງໂທດຢ່າງເຂັ້ມງວດກໍລະນີຫາປາທີ່ລະເມີດ IUU | |
| ຕ້ານການຂຸດຄົ້ນ IUU, ເພີ່ມທະວີການຄຸ້ມຄອງກອງກ່ຳປັ່ນຢູ່ທ້ອງຖິ່ນຕ່າງໆ |
ແບ່ງປັນໝາກຜົນເບື້ອງຕົ້ນພາຍຫຼັງການກວດກາຄັ້ງທີ 4 ໂດຍຄະນະກວດກາຂອງຄະນະກຳມາທິການເອີຣົບ (EC) (ແຕ່ວັນທີ 10 – 18 ຕຸລາ 2023) ກ່ຽວກັບການຕ້ານການຂຸດຄົ້ນອາຫານທະເລທີ່ຜິດກົດໝາຍ ແລະ ບໍ່ຖືກຕ້ອງຕາມລະບຽບກົດໝາຍ (IUU), ຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ທ່ານ ຟຸ່ງດຶກຕ໋ຽນ ຖືວ່າ, ຕາມນັ້ນແລ້ວ, ຄະນະກຳມະການເອີຣົບ (EC) ຕີລາຄາສູງຕໍ່ຄວາມຕັດສິນໃຈດ້ານການເມືອງ, ຄວາມເອົາໃຈໃສ່, ການຊີ້ນຳຂອງລັດຖະບານ ແລະ ຄວາມມານະພະຍາຍາມຂອງ ຫວຽດນາມ ໃນການຕ້ານການຂຸດຄົ້ນສິນໃນນ້ຳຜິດກົດໝາຍ IUU.
ຄະນະຜູ້ແທນສືບຕໍ່ຮັບຮູ້ ແລະ ຕີລາຄາສູງບັນດາຄວາມມານະພະຍາຍາມຕໍ່ສູ້ກັບການຂຸດຄົ້ນອາຫານທະເລທີ່ຜິດກົດໝາຍ IUU, ພິເສດແມ່ນຄວາມຕັດສິນໃຈດ້ານການເມືອງ, ຄວາມເອົາໃຈໃສ່ ແລະ ທິດທາງຂອງລັດຖະບານ ແລະ ທ່ານນາຍົກລັດຖະມົນຕີ.
 |
ຄະນະກຳມະການເອີລົບ (EC) ຕີລາຄາສູງບັນດາຄວາມມານະພະຍາຍາມຂອງຫວຽດນາມ ໃນການຕ້ານການຂຸດຄົ້ນສິນທະເລຢ່າງຜິດກົດໝາຍIUU |
ຄະນະກຳມະການກວດກາໄດ້ຕີລາຄາຕໍ່ຄວາມຄືບໜ້າຢ່າງຕັ້ງໜ້າ, ຖືກທິດ ແລະ ການຊີ້ນຳທີ່ໃກ້ຊິດຂອງລັດຖະບານ ຫວຽດນາມ. ຄະນະກຳມະການກວດກາກໍມີຄວາມເຫັນດີເຫັນພ້ອມກັບທັດສະນະຂອງລັດຖະບານ ຫວຽດນາມ ກ່ຽວກັບການຫັນຈາກອາຊີບຫາປາ ຂອງປະຊາຊົນ ມາເປັນອາຊີບຫາປາຢ່າງມີຄວາມຮັບຜິດຊອບ ແລະ ການຫັນປ່ຽນຢ່າງຕັ້ງໜ້າຂອງ ຫວຽດນາມ ໃນສະພາບການຕົວຈິງ ກໍໄດ້ໄປຕາມທິດທາງດັ່ງກ່າວ.
ໄປຄຽງຄູ່ກັນນັ້ນ, ຄະນະກຳມະການກວດກາ ກໍສະເໜີແນະໃຫ້ ຫວຽດນາມ ມີວິທີການແກ້ໄຂຢ່າງເຂັ້ມງວດສຳລັບອົງການ, ສ່ວນບຸກຄົນຢູ່ທ້ອງຖິ່ນຕ່າງໆ ທີ່ບໍ່ປະຕິບັດສຳເລັດໜ້າທີ່ທີ່ໄດ້ຮັບການມອບໝາຍ; ສະເໜີໃຫ້ບັນດາທ້ອງຖິ່ນສຸມໃສ່ປະຕິບັດບັນດາຂໍ້ກຳນົດ, ກົດໝາຍກ່ຽວກັບສິນໃນນ້ຳ, ສິນທະເລຢ່າງເຂັ້ມງວດ.
ທ່ານຮອງນາຍົກລັດຖະມົນຕີ ຟຸ່ງດຶກຕ໋ຽນ ໃຫ້ຮູ້ວ່າ, ຄະນະຜູ້ແທນຍັງໄດ້ຕີລາຄາສູງບັນດາການຜັນແປໃນແງ່ດີ, ດຳເນີນໄປໃນທິດທາງທີ່ຖືກຕ້ອງ ແລະ ທິດທາງອັນໃກ້ຊິດຂອງລັດຖະບານສູນກາງຫວຽດນາມ. ຄະນະຜູ້ແທນຍັງເຫັນດີກັບຫວຽດນາມວ່າ: ການຫັນປ່ຽນຈາກການຫາປາເອກະຊົນໄປຫາປາຢ່າງມີຄວາມຮັບຜິດຊອບໄດ້ມີການປ່ຽນແປງຢ່າງຕັ້ງໜ້າ.
ກ່ຽວກັບຂອບເຂດກົດໝາຍ, ຄະນະຜູ້ແທນໄດ້ເຫັນດີເປັນເອກະພາບໂດຍພື້ນຖານກ່ຽວກັບຮ່າງດຳລັດ 2 ສະບັບປັບປຸງ ແລະ ເພີ່ມເຕີມຄື: ດຳລັດ 26/2019/ND-CP ຂອງລັດຖະບານ ໄດ້ລາຍລະອຽດບັນດາມາດຕາ ແລະ ມາດຕະການປະຕິບັດກົດໝາຍວ່າດ້ວຍອາຫານທະເລ ສະບັບເລກທີ 42/ນຍ ປີ 2019/ND-CP ຂອງລັດຖະບານກ່ຽວກັບການລົງໂທດຕໍ່ການລະເມີດທາງບໍລິຫານຂະແໜງການປະມົງ.
ຄະນະຜູ້ແທນ EC ສືບຕໍ່ສະເໜີໃຫ້ ຫວຽດນາມ ຕ້ອງມີບັນດາມາດຕະການປັບໄໝຢ່າງເຂັ້ມງວດ ເພື່ອແນໃສ່ປະຕິບັດໜ້າທີ່ຮັບຜິດຊອບຂອງບັນດາອົງການຈັດຕັ້ງທ້ອງຖິ່ນ, ບຸກຄົນທີ່ບໍ່ປະຕິບັດໜ້າທີ່ໄດ້ຮັບມອບໝາຍ; ວິສາຫະກິດທຳມາຫາກິນທີ່ຜິດກົດໝາຍ.
ຄຳຮຸ່ງ
