| ລົງໂທດຢ່າງເຂັ້ມງວດກໍລະນີຫາປາທີ່ລະເມີດ IUU | |
| ກວາງຈິ ໜູນຊ່ວຍຊາວປະມົງໄປຫາປາຢູ່ໄກຝັ່ງ |
ຕາມການຄາດຄະເນຂອງສະຫະສະມາຄົມປຸງແຕ່ງ ແລະ ສົ່ງອອກສິນໃນນ້ຳສິນທະເລ ຫວຽດນາມ (VASEP), ວົງເງິນສົ່ງອອກສິນໃນນ້ຳ, ສິນທະເລ ຫວຽດນາມ ໄປຍັງບັນດາປະເທດໃນສະຫະພາບ ເອີຣົບ (ອີຢູ) ໃນປັດຈຸບັນ ແມ່ນເກືອບ 500 ລ້ານ USD ຕໍ່ປີ. ຖ້າຫາກວ່າລະເມີດຂໍ້ກຳນົດ, ຫວຽດນາມ ຈະຖືກຫ້າມສົ່ງອອກສິນໃນນ້ຳ, ສິນທະເລໄປຍັງຕະຫຼາດດັ່ງກ່າວ.
ຕໍ່ໜ້າສະພາບການນີ້, ທ່ານຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຟຸ່ງດຶກຕຽນ ຖືວ່າ:
“ຕ້ອງສຸມໃສ່ສະກັດກັ້ນກ່ຳປັ່ນຫາປາລ່ວງລ້ຳເຂດທະເລຕ່າງປະເທດຢ່າງຂ້ຽວຂາດ. ສິ່ງດັ່ງກ່າວ ມີຄວາມສຳຄັນ ແລະ ເປັນປັດໄຈຕັດສິນ. ກໍພ້ອມດຽວກັນນັ້ນ, ຕ້ອງຮັບປະກັນປະລິມານຂຸດຄົ້ນຢູ່ເຂດຕ່າງໆ, ທ້ອງຖິ່ນຕ່າງໆ ລ້ວນແຕ່ຊອກຄົ້ນຕົ້ນກຳເນີດ, ນັບແຕ່ການຈົດບັນທຶກປະຈຳວັນ, ຕະຫຼອດຮອດເຂດຂຸດຄົ້ນ… ລ້ວນແຕ່ມີຂໍ້ມູນຢ່າງຈະແຈ້ງ. ເມື່ອສົ່ງອອກ, ຕ້ອງມີເອກະສານຢ່າງຄົບຖ້ວນ, ນັບແຕ່ການຂຸດຄົ້ນ ຕະຫຼອດຮອດການສົ່ງອອກໄປຍັງຕະຫຼາດຕ່າງໆ.”
 |
| ທ່ານຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຟຸ່ງດຶກຕຽນ |
ເພື່ອບັນລຸຄາດໝາຍດັ່ງກ່າວ, ແຕ່ນີ້ຮອດເດືອນພຶດສະພາ 2023, ບັນດາກະຊວງ, ສາຂາ ແລະ ທ້ອງຖິ່ນທີ່ກ່ຽວຂ້ອງກວດກາ ແລະ ສັງລວມສະຖິຕິຈຳນວນກຳປັ່ນຫາປາທ້ອງຖິ່ນໃຫ້ສຳເລັດ 100% ໃນການຂຶ້ນທະບຽນ ແລະ ກວດກາເຄື່ອງໝາຍກຳປັ່ນຫາປາ, ມອບໃບອະນຸຍາດຫາປາ, ຕິດຕັ້ງອຸປະກອນໃຫ້. ຕິດຕາມການເດີນເຮືອຂອງເຮືອຫາປາຕາມລະບຽບ; ປັບປຸງ 100% ຂໍ້ມູນເຮືອຫາປາ ເຂົ້າໃນຖານຂໍ້ມູນການປະມົງແຫ່ງຊາດ (VNFishbase); ສ້າງບັນຊີລາຍການເຮືອຫາປາທີ່ບໍ່ເຂົ້າຮ່ວມການຫາປາ ແລະ ເຮືອທີ່ມີຄວາມສ່ຽງສູງຕໍ່ການລະເມີດການຫາປາ IUU ແລ້ວສົ່ງໃຫ້ອຳນາດການປົກຄອງ ແລະ ມອບໃຫ້ບັນດາໜ່ວຍງານ ແລະ ບຸກຄົນສະເພາະລົງຕິດຕາມ ແລະ ຄຸ້ມຄອງ; ສ້າງລະບຽບການປະສານງານລະຫວ່າງທ້ອງຖິ່ນເພື່ອຄວບຄຸມກຳປັ່ນຫາປາຂອງແຂວງໃຫ້ໄດ້ 100% ໃນເຂດນອກແຂວງ; ຮັບປະກັນ 100% ເຮືອຫາປາທີ່ມີຄວາມຍາວສູງສຸດ 15 ແມັດຂຶ້ນໄປຕ້ອງເຂົ້າຈອດຢູ່ທ່າກຳປັ່ນທີ່ກຳນົດໄວ້, ນາຍເຮືອຕ້ອງແຈ້ງລ່ວງໜ້າ 01 ຊົ່ວໂມງ ເມື່ອເຂົ້າຈອດ ແລະ ບັນທຶກ ແລະ ສົ່ງບັນທຶກການຫາປາຕາມລະບຽບການ; ຢຸດຕິການເຄື່ອນໄຫວຫາປາຜິດກົດໝາຍຢູ່ເຂດນ່ານນໍ້າຕ່າງປະເທດ; ສືບສວນ-ສອບສວນ ແກ້ໄຂ 100% ຄະດີລັກລອບຫາປາ ຢູ່ຕ່າງປະເທດ ແລະ ຂໍ້ມູນຂ່າວສານ ສື່ມວນຊົນ...
ຄຳຮຸ່ງ
