ຮອງຫົວໜ້າຫ້ອງວ່າການສະພາແຫ່ງຊາດ ຕ້ອນຮັບຄະນະຜູ້ແທນຄະນະເລຂາທິການສະພາແຫ່ງຊາດລາວ

	ຮອງຫົວໜ້າກົມໃຫຍ່ການເມືອງກອງທັບ ຕ້ອນຮັບຄະນະສິລະປະກອນມະຫາວິທະຍາໄລວັດທະນະທຳ ກອງທັບປະຊາຊົນຫວຽດນາມ
	ທ່ານ ພັນເອກ ເລ ວັນ ທ້ວນ ຮອງຫົວຫນ້າກົມການເງິນກອງທັບ ປະຊາຊົນຫວຽດນາມ ຕ້ອນຮັບ ຮອງລັດຖະມົນຕີກະຊວງປ້ອງກັນປະເທດ ແຫ່ງ ສປປ ລາວ.

ຕອນບ່າຍວັນທີ 19 ຕຸລາ, ຢູ່ສຳນັກງານຫ້ອງວ່າການສະພາແຫ່ງຊາດ, ສະຫາຍ ຫວູມິງຕວນ ຮອງຫົວໜ້າຫ້ອງວ່າການສະພາແຫ່ງຊາດ ໄດ້ໃຫ້ການຕ້ອນຮັບຄະນະຜູ້ແທນຄະນະເລຂາທິການສະພາແຫ່ງຊາດລາວ ນໍາໂດຍສະຫາຍ ເພັດພອນໃຈ ສິນລະປະກິດ ຫົວໜ້າຫ້ອງການຄຸ້ມຄອງຫໍສະພາແຫ່ງຊາດລາວ ທີ່ພວມຢ້ຽມຢາມ ແລະເຮັດວຽກ ຢູ່ຫວຽດນາມ.

ດ້ວຍຄວາມຍິນດີຕ້ອນຮັບຄະນະເລຂາທິການສະພາແຫ່ງຊາດລາວ ມາຢ້ຽມຢາມ ແລະເຮັດວຽກຢູ່ຫວຽດນາມ, ສະຫາຍ ຫວູມິງຕວນ ຢືນຢັນວ່າ ນີ້ແມ່ນປະກົດການທີ່ມີຊີວິດຊີວາຂອງສາຍພົວພັນທີ່ຈົງຮັກພັກດີ, ການຮ່ວມມືຮອບດ້ານ, ຍືນຍົງ, ເລິກເຊິ່ງກວ້າງຂວາງລະຫວ່າງ ຫວຽດນາມ - ລາວ ເວົ້າລວມ ແລະບັນດາອົງການທີ່ຊ່ວຍວຽກຂອງສະພາແຫ່ງຊາດຂອງສອງປະເທດເວົ້າສະເພາະ.

ສະຫາຍ ເພັດພອນໃຈ ສິນລະປະກິດ ໄດ້ສະແດງຄວາມຂອບໃຈທ່ານຮອງຫົວໜ້າຫ້ອງວ່າການສະພາແຫ່ງຊາດ ຫວູມິງຕວນ ທີ່ໄດ້ສະຫຼະເວລາຕ້ອນຮັບ; ທ່ານຊີ້ແຈ້ງວ່າ ຈຸດປະສົງຂອງການຢ້ຽມຢາມແມ່ນເພື່ອແນໃສ່ຖອດຖອນບົດຮຽນໃນການເຄື່ອນໄຫວວຽກງານຂອງຫໍສະພາແຫ່ງຊາດ ກໍ່ຄືໃນການຜັນຂະຫຍາຍໜ້າທີ່ຮັບໃຊ້ກອງປະຊຸມ ແລະການເຄື່ອນໄຫວຂອງສະພາແຫ່ງຊາດ.

ທ່ານຮອງຫົວໜ້າຫ້ອງວ່າການສະພາແຫ່ງຊາດ ຫວູມິນງຕວນ ຕ້ອນຮັບຄະນະຜູ້ແທນຄະນະເລຂາທິການສະພາແຫ່ງຊາດລາວ ນໍາໂດຍສະຫາຍ ເພັດພອນໃຈ ສິນລະປະກິດ ຫົວໜ້າຫ້ອງການຄຸ້ມຄອງຫໍສະພາແຫ່ງຊາດລາວ. ພາບ: ຫງວຽນແທ່ງ.

ສະຫາຍ ຫວູມິງຕວນ ໃຫ້ຮູ້ວ່າ ໃນຊຸມປີຜ່ານມາ, ການພົວພັນລະຫວ່າງສະພາແຫ່ງຊາດຫວຽດນາມ ແລະສະພາແຫ່ງຊາດລາວ ໄດ້ມີບາດກ້າວພັດທະນາຢ່າງດີງາມ, ດ້ວຍການເຄື່ອນໄຫວແລກປ່ຽນຄະນະຜູ້ແທນທຸກຂັ້ນ. ປະຕິບັດບົດບັນທຶກຊ່ວຍຈຳວ່າດ້ວຍການຮ່ວມມືລະຫວ່າງຫ້ອງວ່າການສະພາແຫ່ງຊາດຫວຽດນາມ ແລະຄະນະເລຂາທິການສະພາແຫ່ງຊາດລາວ, ອົງການຊ່ວຍວຽກໃຫ້ສະພາແຫ່ງຊາດສອງປະເທດ ໄດ້ຕັ້ງໜ້າສົມທົບກັນຜັນຂະຫຍາຍບັນດາການເຄື່ອນໄຫວຮ່ວມມືຢ່າງມີປະສິດທິຜົນ. ຜ່ານນັ້ນ, ກໍ່ປະກອບສ່ວນຮັດແໜ້ນສາຍພົວພັນລະຫວ່າງສອງປະເທດ ແລະເພີ່ມທະວີຄວາມເຂົ້າໃຈ, ຄວາມໄວ້ເນື້ອເຊື່ອໃຈລະຫວ່າງບັນດາອົງການຊ່ວຍວຽກຂອງສະພາແຫ່ງຊາດສອງປະເທດ.

ສະຫາຍ ຫວູມິງຕວນ ຢືນຢັນວ່າ ຫ້ອງວ່າການສະພາແຫ່ງຊາດຫວຽດນາມ ຈະແຕ່ງຕັ້ງພະນັກງານວິຊາການໃນຂົງເຂດຕ່າງໆສະໜອງຂໍ້ມູນຂ່າວສານ, ແລກປ່ຽນ ແລະແບ່ງປັນບົດຮຽນປະສົບການໃນວຽກງານຄຸ້ມຄອງ, ນໍາໃຊ້ໃນໂອກາດທີ່ຄະນະຜູ້ແທນ ເຮັດວຽກຢູ່ຫໍສະພາແຫ່ງຊາດ; ເຊື່ອໝັ້ນວ່າ, ບັນດາບົດຮຽນປະສົບການຂອງຫ້ອງວ່າການສະພາແຫ່ງຊາດຫວຽດນາມ ຈະປະກອບສ່ວນຍົກສູງຄຸນນະພາບ, ປະສິດທິຜົນໃນວຽກງານຮັບໃຊ້, ຮັບປະກັນດ້ານເຕັກນິກໃຫ້ແກ່ການເຄື່ອນໄຫວ ແລະການຄຸ້ມຄອງຫໍສະພາແຫ່ງຊາດລາວ.

ສະຫາຍ ເພັດພອນໃຈ ສິນລະປະກິດ ກໍ່ຕີລາຄາສູງປະສິດທິຜົນໃນວຽກງານເປັນເສນາທິການສັງລວມ, ຮັບໃຊ້ສະພາແຫ່ງຊາດຂອງຫ້ອງວ່າການສະພາແຫ່ງຊາດຫວຽດນາມ; ໃຫ້ຮູ້ວ່າ ການແບ່ງປັນບົດຮຽນໃນວຽກງານຄຸ້ມຄອງ, ນຳໃຊ້ຫໍສະພາແຫ່ງຊາດ ຈະຊ່ວຍໃຫ້ຄະນະເລຂາທິການສະພາແຫ່ງຊາດລາວ ມີແຫຼ່ງຂໍ້ມູນຕື່ມອີກເພື່ອປະຕິບັດໜ້າທີ່ທີ່ໄດ້ຮັບມອບໝາຍໃຫ້ເປັນຢ່າງດີ.