| ການເຈລະຈານະໂຍບາຍປ້ອງກັນປະເທດຫວຽດນາມ - ອາເມລິກາໃນປີ 2023 | |
| ນັກຮຽນ ຫວຽດນາມ ຢູ່ອາເມລິກາ ຂົວເຊື່ອມຕໍ່ສຳຄັນລະຫວ່າງປະຊາຊົນ ຫວຽດນາມ - ອາເມລິກາ |
ດ້ວຍການໜູນຊ່ວຍຈາກ USAID, ບັນດາການເຄື່ອນໄຫວດ້ານການຄ້າດິຈິຕອນຫວຽດນາມ ຈະໄດ້ຮັບການປະຕິບັດໃນໄລຍະ 3 ປີ ເພື່ອໜູນຊ່ວຍກະຊວງອຸດສາຫະກຳ ແລະ ການຄ້າ ປະຕິບັດບັນດາຂອບນະໂຍບາຍ, ອຳນວຍຄວາມສະດວກໃຫ້ແກ່ການຄ້າດີຈີຕອນ ດ້ວຍການນຳເຂົ້າຈາກພາກເອກະຊົນ.
ເອີ້ນວ່າ “ການເຄື່ອນໄຫວການຄ້າດິຈິຕອລຫວຽດນາມ”, ການເຄື່ອນໄຫວຮ່ວມມືແມ່ນສ່ວນໜຶ່ງຂອງການພົວພັນຄູ່ຮ່ວມມືຍຸດທະສາດຮອບດ້ານ ໄດ້ປະກາດໃນການຢ້ຽມຢາມຫວຽດນາມ ຂອງທ່ານປະທານາທິບໍດີ ອາເມລິກາ Joe Biden ເມື່ອເດືອນກັນຍາ ຜ່ານມາ.
 |
ທ່ານ Aler Grubbs ຜູ້ອຳນວຍການ USAID ຫວຽດນາມ ໃຫ້ຮູ້ວ່າ, ໃນການຢ້ຽມຢາມ ຫວຽດນາມ ຫວ່າງມໍ່ໆມານີ້, ທ່ານປະທານາທິບໍດີ Biden ເນັ້ນໜັກເຖິງຄຳໝັ້ນສັນຍາຂອງ ອາເມລິກາ ໜູນຊ່ວຍ ຫວຽດນາມ ປັບປຸງຄວາມສາມາດແຂ່ງຂັນໃນພື້ນຖານເສດຖະກິດດີຈີຕອນທົ່ວໂລກ.
“ການເຄື່ອນໄຫວໃໝ່ນີ້ຮ່ວມກັນໂດຍ USAID ແລະ ກະຊວງອຸດສາຫະກຳການຄ້າ ແມ່ນການເຄື່ອນໄຫວທຳອິດໃນຂອບເຂດການພົວພັນຄູ່ຮ່ວມມືທີ່ໄດ້ຮັບການປັບປຸງໃໝ່ລະຫວ່າງ 2 ປະເທດ ແລະ ມີຄວາມໝາຍສຳຄັນເຂົ້າໃນການປະກອບສ່ວນເປີດກ້ວາງຄວາມສາມາດບົ່ມຊ້ອນດ້ານການຄ້າດິຈິຕອນ. ເພື່ອກາຍເປັນກຳລັງຊຸກຍູ້ການເຕີບໂຕຂອງປະເທດຢ່າງຕໍ່ເນື່ອງ,” ທ່ານ Aler Grubbs ຜູ້ອຳນວຍການ USAID ຫວຽດນາມ ແບ່ງປັນວ່າ.
ນອກຈາກນັ້ນ, “ກິດຈະກຳການຄ້າດີຈີຕອນຫວຽດນາມ” ຍັງຊຸກຍູ້ໃຫ້ວິສາຫະກິດຂະໜາດນ້ອຍ ແລະ ກາງເຂົ້າຮ່ວມການຄ້າດີຈີຕອນ ໂດຍແນະນຳບັນດາຮູບແບບທຸລະກິດໃໝ່ ແລະ ການປະຕິບັດທີ່ດີທີ່ສຸດ ເຊັ່ນ: ການຕິດຕາມມາຂອງສິນຄ້າ, ພ້ອມທັງສ້າງຄວາມສະດວກໃຫ້ແກ່ການເຊື່ອມຈອດລະຫວ່າງບັນດາວິສາຫະກິດຜ່ານດິຈິຕອນ DECOBIZ. ເວທີສົ່ງເສີມການຄ້າຂອງກະຊວງອຸດສາຫະກຳ ແລະ ການຄ້າ.
ບັນດາການເຄື່ອນໄຫວໜູນຊ່ວຍສະຫະພັນການຄ້າ ແລະ ອຸດສາຫະກຳ ຫວຽດນາມ (VCCI) ແລະ ສະມາຄົມ E-Commerce ຫວຽດນາມ (VECOM) ຊຸກຍູ້ການຄ້າດີຈີຕອນໃນທົ່ວປະເທດ ຈະດຳເນີນໂດຍກະຊວງອຸດສາຫະກຳ ແລະ ການຄ້າ ແລະ ບັນດາສະມາຄົມວິສາຫະກິດ ດ້ວຍຈຸດໝາຍມຸ່ງໄປເຖິງແມ່ຍິງ - ທຸລະກິດເປັນເຈົ້າຂອງ ແລະຊຸມຊົນຊົນເຜົ່າສ່ວນນ້ອຍ ເພື່ອຊ່ວຍສົ່ງເສີມການເຕີບໂຕທາງດ້ານເສດຖະກິດລວມ.
ຄຳຮຸ່ງ
