| ນະຄອນ ໂຮ່ຈີມິນ ໃຕ້ໄຟ LED 500,000 ດອກ ຢູ່ສວນສາທາລະນະ ເບັ້ນແບກດັ່ງ | |
| ປະທານຄະນະກຳມະການປະຊາຊົນນະຄອນ ໂຮ່ຈີມິນ ໂອ້ລົມສົນທະນາ ກັບການນຳສະມາຄົມວິສາຫະກິດຕ່າງປະເທດ |
ຕອນບ່າຍວັນທີ 2 ຕຸລາ, ຄະນະຜູ້ແທນນະຄອນໂຮ່ຈີມິນ ໂດຍທ່ານເຈີ່ນດຶກຮຽນ, ຮອງປະທານກຳມະການຊາວຫວຽດນາມ ອາໄສຢູ່ຕ່າງປະເທດນະຄອນໂຮ່ຈິມິນ ໄດ້ມີການເຮັດວຽກກັບບັນດາການນໍາຂອງສະຫະພັນບັນດາສະມາຄົມຊາວຫວຽດນາມ ຢູ່ຍີ່ປຸ່ນ (VUAJ), ສະມາຄົມວິສາຫະກິດຫວຽດນາມຢູ່ຍີ່ປຸ່ນ, ສະມາຄົມຊາວໜຸ່ມ ແລະ ນັກສຶກສາຫວຽດນາມຢູ່ຍີ່ປຸ່ນ (VYSA); ສະມາຄົມຊາວຫວຽດນາມ ຢູ່ ຍີ່ປຸ່ນ (VAIJ), ສະມາຄົມພຸດທະສາສະໜາຫວຽດນາມ ຢູ່ ຍີ່ປຸ່ນ, ສະມາຄົມ ຫວຽດນາມ ຢູ່ Osaka ຢູ່ ສະຖານທູດຫວຽດນາມ ປະຈຳ ຍີ່ປຸ່ນ.
ທີ່ການຢ້ຽມຢາມ, ທ່ານເຈີ່ນດຶກຮຽນ ໄດ້ແຈ້ງໃຫ້ປະຊາຄົມຊາວຫວຽດນາມ ອາໄສຢູ່ ຍີ່ປຸ່ນ ກ່ຽວກັບບັນດາທິດທາງ, ນະໂຍບາຍ, ກົນໄກສະເພາະຂອງນະຄອນໂຮ່ຈີມິນ. ພ້ອມກັນນັ້ນ, ເຊື່ອມຕໍ່ບັນດາອົງການຜູ້ຕາງໜ້າການທູດ ແລະ ປະຊາຄົມຊາວຫວຽດນາມ ອາໄສຢູ່ຕ່າງປະເທດ ເຂົ້າຮ່ວມການແນະນຳຜະລິດຕະພັນ ແລະ ພັດທະນາຊ່ອງທາງຈຳໜ່າຍສິນຄ້າຂອງນະຄອນ ໂຮ່ຈີມິນ ຢູ່ ຍີ່ປຸ່ນ.
 |
ປະຊາຄົມຊາວຫວຽດນາມ ຢູ່ ຍີ່ປຸ່ນ ປາດຖະໜາຢາກຮ່ວມມື ແລະ ສ້າງແຜນການພັດທະນານະຄອນ ໂຮ່ຈີມິນ |
ຢູ່ທີ່ນີ້, ການນຳບັນດາສະມາຄົມ ແລະ ຄະນະຜູ້ແທນ ກໍ່ໄດ້ປຶກສາຫາລືກ່ຽວກັບສະພາບການເຄື່ອນໄຫວຂອງປະຊາຄົມຊາວຫວຽດນາມ ຢູ່ປະເທດປະຈຳຖິ່ນໃນໄລຍະມໍ່ໆມານີ້ ແລະ ທິດທາງໃນໄລຍະຈະມາເຖິງ. ໂດຍທົ່ວໄປ, ສະມາຄົມ ແລະ ຄະນະຍາມໃດກໍ່ສະແດງຄວາມສາມັກຄີ, ຮັກສາບົດບາດເຊື່ອມໂຍງ, ນຳປະຊາຄົມຊາວຫວຽດນາມ ຢູ່ ຍີ່ປຸ່ນ ນັບມື້ນັບພັດທະນາ, ມຸ່ງໄປເຖິງບ້ານເກີດເມືອງນອນ ແລະ ປະເທດຊາດ. ພ້ອມກັນນັ້ນ, ພະຍາຍາມສ້າງກາລະໂອກາດເຊື່ອມຕໍ່ບັນດາວິສາຫະກິດຂອງສອງປະເທດ ເຂົ້າຮ່ວມຢ່າງຕັ້ງໜ້າໃນການເຄື່ອນໄຫວຊຸກຍູ້ການຄ້າ ແລະ ສົ່ງອອກສິນຄ້າຫວຽດນາມ.
ແບ່ງປັນທິດທາງໃນຕໍ່ໜ້າ, ທ່ານນາງ ໂຕງທິກິມຢາວ, ປະທານສະມາຄົມນັກທຸລະກິດຫວຽດນາມ ປະຈຳ ຍີ່ປຸ່ນ ໃຫ້ຮູ້ວ່າ: “ໃນໄລຍະຈະມາເຖິງ, ນອກຈາກເປີດກວ້າງເຄືອຂ່າຍວິສາຫະກິດຢູ່ ຍີ່ປຸ່ນ ແລ້ວ, ສະມາຄົມຈະພັດທະນາບັນດາສະມາຊິກສະມາຄົມວິສາຫະກິດຫວຽດນາມ ໃນທົ່ວໂລກ. ຜ່ານນັ້ນ, ສ້າງສະພາບແວດລ້ອມແຫ່ງການດຳເນີນທຸລະກິດທີ່ເປັນມິດ, ຊຸກຍູ້ການແລກປ່ຽນຂໍ້ມູນຂ່າວສານ ແລະ ນະວັດຕະກຳລະຫວ່າງສະມາຄົມວິສາຫະກິດ ຫວຽດນາມ ຢູ່ ຍີ່ປຸ່ນ ກັບບັນດາວິສາຫະກິດພາຍໃນ ແລະ ປະເທດອື່ນໆ.”
ຄຳຮຸ່ງ
