| ຄະນະຜູ້ແທນຂັ້ນສູງກອງທັບປະຊາຊົນລາວ ມາຢ້ຽມຢາມ ແລະເຮັດວຽກຢູ່ກອງບັນຊາການທະຫານນະຄອນຫຼວງຮ່າໂນ້ຍ | |
| ທ່ານຫົວໜ້າກົມໃຫຍ່ເສນາທິການ ກອງທັບປະຊາຊົນລາວ ຢ້ຽມຢາມ ຫວຽດນາມ ຢ່າງເປັນທາງການ |
ນີ້ແມ່ນການເຄື່ອນໄຫວຂອງຄະນະຊີ້ນຳກໍ່ສ້າງການເມືອງຮາກຖານ ແລະພັດທະນາ 3 ຈຸດສຸມຂອງແຂວງໄຊສົມບຸນ, ເຊິ່ງກອງທັບປະຊາຊົນລາວ ໄດ້ແຮກສ່ຽວກັບແມ່ທັບນ້ອຍ 15, ກອງທັບປະຊາຊົນຫວຽດນາມ.
ຢູ່ທີ່ບໍລິສັດ 715, ຄະນະປະຕິບັດງານໄດ້ຢ້ຽມຢາມ ແລະເຮັດວຽກຢູ່ສຸກສາລາເສນາຮັກຂອງບໍລິສັດ 715; ມາຢ້ຽມຢາມຕ່ອງໂສ້ການປຸງແຕ່ງຢາງພາລາ ແລະຮູບແບບປູກໝາກນັດທີ່ສະມັດຕະພາບສູງຂອງກົມກອງ.
 |
ຄະນະປະຕິບັດງານມາຢ້ຽມຊົມ ແລະຊອກຮູ້ກ່ຽວກັບຮູບແບບການປູກໝາກນັດທີ່ສະມັດຕະພາບສູງ. ພາບ: qdnd/ຕວນເຊີນ |
ກ່າວຄຳເຫັນທີ່ການເຮັດວຽກກັບການນຳບໍລິສັດ 715, ສະຫາຍພົນຈັດຕະວາ ບົວໄລ ພົມມະວົງ ຂອບໃຈຕໍ່ຄວາມເອົາໃຈໃສ່, ໜູນຊ່ວຍຂອງກອງທັບປະຊາຊົນຫວຽດນາມ ເວົ້າລວມ ແລະແມ່ທັບນ້ອຍ 15 ເວົ້າສະເພາະ ໃນວຽກງານກໍ່ສ້າງການເມືອງຮາກຖານ - ການພັດທະນາຊົນນະບົດຮອບດ້ານຂອງກະຊວງປ້ອງກັນປະເທດລາວ. ສະຫາຍພົນຈັດຕະວາ ບົວໄລ ພົມມະວົງ ຕີລາຄາສູງຕໍ່ການເຄື່ອນໄຫວຂອງສຸກສາລາເສນາຮັກບໍລິສັດ 715 ດ້ວຍລະບົບອຸປະກອນຄົບຊຸດ ແລະບັນດາພະນັກງານ, ແພດໝໍທີ່ມີລະດັບວິຊາສະເພາະສູງ; ລະບົບການຜະລິດ ແລະປຸງແຕ່ງຢາງພາລາຄົບຊຸດ ແລະຮັບປະກັນປັດໃຈເປັນມິດກັບສິ່ງແວດລ້ອມ.
ພິເສດ ສະຫາຍພົນຈັດຕະວາ ບົວໄລ ພົມມະວົງ ຕີລາຄາສູງຮູບແບບການປູກໝາກນັດທີ່ສະມັດຕະພາບສູງຂອງບໍລິສັດ 715 ແລະຫວັງວ່າຜ່ານການເຄື່ອນໄຫວຮ່ວມມືກັບແມ່ທັບນ້ອຍ 15, ຮູບແບບນີ້ຈະໄດ້ຮັບການຖ່າຍທອດເພື່ອໃຫ້ເພື່ອນລາວປະຕິບັດຢູ່ປະເທດຕົນ.
ຕາມແຜນການແລ້ວ, ວັນທີ 22 ກັນຍາ, ຄະນະປະຕິບັດງານກົມໃຫຍ່ການເມືອງກອງທັບປະຊາຊົນລາວ ຈະລົງນາມໃນບົດບັນທຶກຊ່ວຍຈຳກ່ຽວກັບການແຮກສ່ຽວກັບແມ່ທັບນ້ອຍ 15 ກອງທັບປະຊາຊົນຫວຽດນາມ ແລະຕ້ອນຮັບນັກສໍາມະນະກອນທີ່ຮຽນຈົບກ່ຽວກັບກະສິກໍາຢູ່ຫວຽດນາມ ດ້ວຍທຶນການສຶກສາຂອງແມ່ທັບນ້ອຍ 15.
qdnd
