| ການຮຽກສ່ຽວບ້ານຕໍ່ບ້ານ ເປັນການເຮັດໃຫ້ຄວາມສາມັກຄີ ຫວຽດນາມ-ລາວ ເລິກເຊິ່ງຂຶ້ນຕື່ມ | |
| ປຸກລຸກຄວາມຮັກຕໍ່ບ້ານເກີດເມືອງນອນ, ທະເລ, ໝູ່ເກາະໃຫ້ແກ່ລຸ້ນໜຸ່ມ |
ແຂວງເຫງະອ່ານ ເປັນໜຶ່ງໃນບັນດາແຂວງທີ່ໃຫຍ່ຢູ່ຫວຽດນາມ, ເຊິ່ງມີຊາຍແດນຕິດຈອດກັບລາວ ຍາວ 468 ກິໂລແມັດ. ມາຮອດປະຈຸບັນ, ຢູ່ແຂວງເຫງະອ່ານ ມີ 21 ຄູ່ບ້ານຢູ່ສອງຝັ່ງຊາຍແດນ ແລະ 8 ຄູ່ປ້ອມປ້ອງກັນຊາຍແດນ - ກອງຮ້ອຍປ້ອງກັນຊາຍແດນ ພ້ອມກັບກອງຮ້ອຍ, ປ້ອມຕຳຫຼວດໂດຍມີ 3 ແຂວງ: ແຂວງຫົວພັນ, ແຂວງຊຽງຂວາງ, ແຂວງບໍລິຄຳໄຊ ໄດ້ເປັນແຂວງແຮກສ່ຽວນໍາກັນ.
“ການຈັບມືກັນ” ຢູ່ສາຍພູຫຼວງ (ສາຍພູ ເຈື່ອງເຊີນ)
ແຂວງກວາງຈີ ແມ່ນທ້ອງຖິ່ນຢູ່ພາກກາງ ເຊິ່ງທີ່ມີຫຼາຍຮູບແບບການແຮກສ່ຽວລະຫວ່າງບ້ານ-ບ້ານ. ນີ້ແມ່ນແຂວງທີ່ມີຊາຍແດນຕິດກັບລາວ ຍາວກວ່າ 187 ກິໂລແມັດ, ໃນນັ້ນມີ 2 ເມືອງພູດອຍຄື ເຮື້ອງຮ້ວາ ແລະ ດັກກຣົງ. ໃນຊຸມປີຜ່ານມານີ້, ຮູບແບບແຮກສ່ຽວລະຫວ່າງບ້ານ-ບ້ານ ໄດ້ຮັບການຈັດຕັ້ງປະຕິບັດດ້ວຍຫຼາຍໝາກຜົນທີ່ແທດຈິງ, ປະກອບສ່ວນສຳຄັນເຂົ້າໃນການຮັກສາຄວາມສະຫງົບຢູ່ເຂດຊາຍແດນ ຫວຽດນາມ - ລາວ.
ຢູ່ແຂວງ ຮ່າຕິ້ງ, ນັບແຕ່ປີ 2014 ເປັນຕົ້ນມາ ກໍ່ໄດ້ມີຮູບແບບການແຮກສ່ຽວລະຫວ່າງ ຄະນະກຳມະການປະຊາຊົນ ຕາແສງ ເຊີ່ນກິມ 2, ເມືອງ ເຮື່ອງເຊີ່ນ ແລະ ບ້ານ ນາແປ, ເມືອງ ຄຳເກີດ, ແຂວງ ບໍລິຄຳໄຊ (ລາວ). ຜ່ານມາເປັນເວລາ 9 ປີ ການພົວພັນລະຫວ່າງ 2 ບ້ານ ແລະ 2 ທ້ອງຖິ່ນ ໄດ້ນັບມື້ນັບແໜ້ນແຟ້ນກ່ວາເກົ່າ. ຕາມກອງບັນຊາການທະຫານຊາຍແດນແຂວງຮ່າຕິ້ງ ໃຫ້ຮູ້ວ່າ ສອງຝ່າຍໄດ້ມີການເຄື່ອນໄຫວຮ່ວມຫຼາຍຢ່າງຄື: ການລາດຕະເວນ, ການຄວບຄຸມ, ຊ່ວຍເຫຼືອເຊິ່ງກັນ ແລະ ກັນໃນການຕິດຕໍ່ສື່ສານ, ກວດກາຜູ້ຄົນໄປ-ມາ.
ທະວີຄູນນໍ້າໃຈມິດຕະພາບຕື່ມອີກ
ຈາກການເຄື່ອນໄຫວແຮກສ່ຽວລະຫວ່າງບ້ານ-ບ້ານ, ບັນດາທ້ອງຖິ່ນ ໄດ້ມີໂອກາດແລກປ່ຽນ ແລະ ຖອດຖອນບົດຮຽນໃນວຽກງານການນຳພາ, ຄຸ້ມຄອງ, ບໍລິຫານຢ່າງເປັນປະຈຳ, ປະກອບສ່ວນຍົກສູງຄຸນນະພາບ ແລະ ປະສິດທິຜົນການເຄື່ອນໄຫວຂອງລະບົບການເມືອງຮາກຖານ ຢູ່ໝູ່ບ້ານ.
 |
| ກອງບັນຊາການທະຫານຊາຍແດນ ເຮື້ອງເລີບ (ກອງບັນຊາການທະຫານຊາຍແດນ ກວາງຈີ້) ມອບເຂົ້າສານ ແລະ ເຄື່ອງໃຊ້ສອຍໃຫ້ກໍາລັງປ້ອງກັນຊາຍແດນ ແລະ ພໍ່ແມ່ປະຊາຊົນບ້ານ ອາເວຍ - ລາວ |
ພົ້ນເດັ່ນຄືຢູ່ແຂວງກວາງຈິ. ພາຍຫຼັງ 16 ປີແຫ່ງການສ້າງສາຍພົວພັນແຮກສ່ຽວ, ບ້ານກ່າຕ່ຽງ, ເຮື້ອງຫວຽດ, ກວາງຈີ (ຫວຽດນາມ) ແລະ ບ້ານອາເວຍ, ກຸ່ມບ້ານລາໂກ, ເມືອງເຊໂປນ, ແຂວງສະຫວັນນະເຂດ (ລາວ) ໄດ້ສົມທົບກັບບັນດາກຳລັງ ຈັດການພົບປະໄດ້ 12 ຄັ້ງ, ເຮັດວຽກໂດຍກົງກັບຄອບຄົວທີ່ກ່ຽວພັນກັບ 3 ກໍລະນີບຸກລຸກປູກຝັງບໍລິເວນເຂດຫຼັກໝາຍເລກ 591, 592; ໄດ້ຊ່ວຍເຫຼືອເບ້ຍໄມ້ ຈຳນວນ 2.000 ເບ້ຍ ແລະ ໄດ້ຊ່ວຍຊອກຫາຝູງແບ້ ແລະ ຝູງງົວທີ່ຫຼົງເຂົ້າໄປໃນປ່າ. ໄດ້ຈັດຕັ້ງໃຫ້ປະຊາຊົນເຂົ້າຮ່ວມພ້ອມກັບກຳລັງວິຊາສະເພາະຂອງແຕ່ລະຝ່າຍໃນການໄປລາດຕະເວນ, ປົກປັກຮັກສາເສັ້ນຊາຍແດນ, ຫຼັກໝາຍຂອງປະເທດຊາດ ໄດ້ຈໍານວນ 52 ຄັ້ງ, ເຊິ່ງມີຜູ້ເຂົ້າຮ່ວມ 780 ເທື່ອຄົນ .
ທ່ານ ຮ່າ ສີ ດົງ, ຮອງປະທານຜູ້ປະຈຳການຄະນະກໍາມະການປະຊາຊົນ ແຂວງກວາງຈີ ມີຄວາມເອກອ້າງທະນົງໃຈ: ຜ່ານຮູບແບບການແຮກສ່ຽວລະຫວ່າງບ້ານ-ບ້ານ, ປະຊາຊົນເຂດຊາຍແດນ ໄດ້ມີເງື່ອນໄຂໜູນຊ່ວຍເຊິ່ງກັນແລະກັນ ໃນການພັດທະນາເສດຖະກິດ, ລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກແບບຍືນຍົງ.
ພາຍຫຼັງ 9 ປີແຫ່ງການແຮກສ່ຽວລະຫວ່າງ ຄະນະກໍາມະການປະຊາຊົນຕາແສງ ເຊີ່ນກິມ 2, ເມືອງ ເຮື້ອງເຊີນ ແລະ ບ້ານ ນາແປ, ເມືອງຄຳເກີດ, ແຂວງບໍລິຄຳໄຊ (ລາວ) ກໍ່ໄດ້ສະແດງໃຫ້ເຫັນຢ່າງຈະແຈ້ງວ່າ ທັງສອງທ້ອງຖິ່ນ ໄດ້ເຮັດໜ້າທີ່ວຽກງານໂຄສະນາເຜີຍແຜນນະໂຍບາຍ, ນະໂຍບາຍ, ລະບຽບກົດໝາຍຂອງແຕ່ລະປະເທດຢ່າງເປັນປະຈຳ, ໂດຍສະເພາະແມ່ນກ່ຽວກັບອະທິປະໄຕຜືນແຜ່ນດິນ, ເຂດຊາຍແດນແຫ່ງຊາດ, ສົນທິສັນຍາ, ຂໍ້ກຳນົດລະບຽບການຊາຍແດນໃຫ້ປະຊາຊົນ. ດ້ວຍບັນດາຮູບແບບ ແລະ ວິທີການໂຄສະນາເຜີຍແຜ່ຢ່າງເໝາະສົມ, ຊ່ວຍໃຫ້ປະຊາຊົນເຂົ້າໃຈຢ່າງຄົບຖ້ວນ ກ່ຽວກັບຈຸດປະສົງ ແລະ ຄວາມໝາຍຂອງການແຮກສ່ຽວກັບບັນດາກຸ່ມຊຸມຊົນຢູ່ເຂດຊາຍແດນ, ພ້ອມກັນນັ້ນ, ກໍ່ໄດ້ຮັກສາ ແລະ ເສີມຂະຫຍາຍມູນເຊື້ອວັດທະນະທຳ ຮີດຄອງປະເພນີຂອງບັນດາເຜົ່າຢູ່ສອງຟາກຊາຍແດນ.
|
ຕາມກອງບັນຊາການທະຫານຊາຍແດນ ແຂວງຮ່າຕິ້ງ ແລ້ວ, ໂດຍຜ່ານຮູບແບບແຮກສ່ຽວບ້ານ-ບ້ານ, ປະຊາຊົນທັງສອງຝ່າຍ ໄດ້ສະໜອງຫຼາຍຂໍ້ມູນຂ່າວສານອັນລ້ຳຄ່າ ທີ່ພົວພັນເຖິງອາດຊະຍາກຳ ແລະ ການຄ້າຢາເສບຕິດ. ຮູບແບບດັ່ງກ່າວ ກໍ່ຍັງໄດ້ປະກອບສ່ວນຊ່ວຍເຫຼືອປະຊາຊົນທັງສອງຝ່າຍ ພັດທະນາເສດຖະກິດ, ວັດທະນະທຳ -ສັງຄົມ, ກ້າວສູ່ການຍົກສູງຊີວິດທາງດ້ານວັດຖຸ ແລະ ຈິດໃຈເປັນເທື່ອລະກ້າວ. ພ້ອມກັນນັ້ນ, ກໍ່ຊ່ວຍເຫຼືອເຊິ່ງກັນ ແລະ ກັນ ເມື່ອປະສົບກັບຄວາມຫຍຸ້ງຍາກນາໆປະການ, ຕ້ານ ແລະ ສະກັດກັ້ນຜົນຮ້າຍຈາກໄພທຳມະຊາດ; ຊ່ວຍເຫຼືອເຊິ່ງກັນ ແລະ ກັນໃນການກວດ ແລະ ປິ່ນປົວພະຍາດ ...
ຢູ່ບັນດາທ້ອງຖິ່ນທີ່ມີຮູບແບບແຮກສ່ຽວບ້ານ-ບ້ານ, ສອງຝ່າຍກໍ່ໄດ້ຈັດຕັ້ງກອງປະຊຸມປະຈຳປີເປັນປະຈຳ, ປະກອບສ່ວນກໍ່ສ້າງເສັ້ນຊາຍແດນ ຫວຽດນາມ - ລາວ ແຫ່ງສັນຕິພາບ, ມິດຕະພາບ, ການຮ່ວມມື ແລະ ພັດທະນາ. ສັນຕິພາບ ແລະ ສະຖຽນລະພາບຢູ່ຊາຍແດນ ຫວຽດນາມ - ລາວ ນັບມື້ນັບໄດ້ຮັບການປັບປຸງ. ນັ້ນກໍ່ແມ່ນຄວາມມານະພະຍາຍາມທີ່ບໍ່ຮູ້ອິດເມື່ອຍຂອງທະຫານ ແລະ ປະຊາຊົນຢູ່ບັນດາບ້ານເຂດຊາຍແດນ ຫວຽດນາມ - ລາວ.
ອານຸໄຊ ສະຫວັດ
