| ຫວຽດນາມ - ລາວ ເພີ່ມທະວີການຮ່ວມມືຕໍ່ສູ້ຕ້ານອາດຊະຍາກຳ | |
| ບັກຢ່າງ ໜູນຊ່ວຍແຂວງໄຊສົມບູນ (ລາວ) ປະຕິບັດຮູບແບບການຜະລິດກະສິກຳ |
“ດ້ວຍຄວາມເອົາໃຈໃສ່ ແລະ ການຊີ້ນຳຢ່າງໃກ້ຊິດຂອງການນຳຂັ້ນສູງຂອງສອງພັກ, ສອງລັດ, ພ້ອມກັບຄວາມມານະພະຍາຍາມຂອງບັນດາກະຊວງ, ຄະນະ, ຂະແໜງການ, ອົງການຈັດຕັ້ງຂັ້ນສູນກາງ ແລະ ທ້ອງຖິ່ນ, ຂອງບັນດາວິສາຫະກິດ, ພວກເຮົາ ມີພື້ນຖານຢ່າງພຽງພໍເພື່ອຮັກສາຄວາມເຊື່ອໝັ້ນໃນອະນາຄົດອັນສົດໃສຂອງສາຍພົວພັນສາມັກຄີແບບພິເສດ ລະຫວ່າງຫວຽດນາມ ແລະ ລາວ ທີ່ສວຍສົດງົດງາມ ແລະ ໝັ້ນຄົງທະນົງແກ່ນໄປຊົ່ວກາລະນານ”, ນີ້ແມ່ນການແບ່ງປັນຂອງທ່ານ ຫງວຽນບ໋າຮຸ່ງ ເອກອັກຄະລັດຖະທູດຫວຽດນາມ ປະຈຳລາວ ທີ່ໄດ້ໃຫ້ສຳພາດຕໍ່ນັກຂ່າວຈາກສຳນັກຂ່າວສານຫວຽດນາມ ປະຈຳລາວ ກ່ຽວກັບບັນດາຜົນງານອັນພົ້ນເດັ່ນຂອງການພົວພັນຫວຽດນາມ - ລາວ ໃນຊຸມປີມໍ່ໆມານີ້, ເປັນຕົ້ນແມ່ນບັນດາມາດຕະການທີ່ຫວຽດນາມ ແລະ ລາວ ຕ້ອງຍູ້ແຮງເພື່ອເຮັດໃຫ້ສາຍພົວພັນນີ້ຄົງຕົວພ້ອມກັບການເວລາ.
ທ່ານເອກອັກຄະລັດຖະທູດ ຫງວຽນບ໋າຮຸ່ງ ຊີ້ແຈ້ງວ່າ ຫວຽດນາມ ແລະ ລາວ ແມ່ນສອງປະເທດບ້ານໃກ້ເຮືອນຄຽງທີ່ມີພູຜາແມ່ນ້ຳຂອງເຊື່ອມໂຍງເຂົ້າກັນ, ມີມູນເຊື້ອອັນດີງາມທີ່ຕິດພັນກັນມາແຕ່ດົນນານ, ພ້ອມກັນຄຽງບ່າຄຽງໄຫຼ່ກັນຜ່ານຜ່າບໍ່ຈັກວ່າເທົ່າໃດໃນໄລຍະປະຫວັດສາດ.
 |
| ທ່ານເອກອັກຄະລັດຖະທູດ ຫງວຽນບ໋າຮຸ່ງ |
ນັບແຕ່ເມື່ອພັກກອມມູນິດອິນດູຈີນກຳເນີດເປັນຕົ້ນມາ, ຕໍ່ມາແມ່ນພັກກອມມູນິດຫວຽດນາມ ແລະ ພັກປະຊາຊົນປະຕິວັດລາວ, ການພົວພັນລະຫວ່າງສອງປະເທດນັບມື້ນັບພິເສດ, ສະໜິດຕິດພັນ, ບໍລິສຸດຜຸດຜ່ອງ.
ການພົວພັນ ຫວຽດນາມ - ລາວ ໄດ້ກາຍເປັນສາຍພົວພັນທີ່ເປັນແບບຢ່າງ ແລະ ຫາຍາກໃນການພົວພັນສາກົນ, ຄືດັ່ງທ່ານປະທານ ໄກສອນ ພົມວິຫານ ຢັ້ງຢືນວ່າ: “ໃນປະຫວັດສາດການປະຕິວັດໂລກ ໄດ້ມີບັນດາແບບຢ່າງທີ່ໃສແຈ້ງກ່ຽວກັບຈິດໃຈສາກົນ, ແຕ່ບໍ່ມີບ່ອນໃດ ແລະ ບໍ່ເຄີຍມີຄວາມສາມັກຄີສຳພັນສູ້ຮົບແບບພິເສດໃນໄລຍະຍາວ, ຢ່າງຮອບດ້ານໃດຄືແນວນີ້”.
ໂດຍສືບຕໍ່ມູນເຊື້ອສາຍພົວພັນອັນແໜ້ນແຟ້ນ, ພາຍຫຼັງການປະຕິວັດຂອງສອງປະເທດຍາດໄດ້ໄຊຊະນະຢ່າງສົມບຸນໃນປີ 1975, ການນຳລຸ້ນຫຼັງຂອງສອງພັກ, ສອງລັດ ແລະ ປະຊາຊົນສອງປະເທດສືບຕໍ່ຄຽງບ່າຄຽງໄຫຼ່ກັນໃນຂະບວນການປົກປັກຮັກສາ ແລະ ການສ້າງສາປະເທດຊາດຢູ່ແຕ່ລະປະເທດ.
ພິເສດ, ຕໍ່ໜ້າບັນດາຄວາມຫຍຸ້ງຍາກຂອງວິກິດການເສດຖະກິດ - ສັງຄົມທີ່ຢູ່ທັງ ຫວຽດນາມ ແລະ ລາວ ໃນຊຸມປີ 80 ຂອງສະຕະວັດທີ 20, ທີ່ກອງປະຊຸມໃຫຍ່ຄັ້ງທີ 6 ຂອງພັກກອມມູນິດຫວຽດນາມ ແລະ ກອງປະຊຸມໃຫຍ່ຄັ້ງທີ 4 ຂອງພັກປະຊາຊົນປະຕິວັດລາວ, ສອງພັກໄດ້ມີການສະເໜີແນວທາງການປ່ຽນແປງໃໝ່ຮອບດ້ານຢູ່ທັງສອງປະເທດ, ກ່ອນອື່ນໝົດແມ່ນການປ່ຽນແປງໃໝ່ທາງດ້ານເສດຖະກິດ. ນັບແຕ່ນັ້ນມາ, ບົນພື້ນຖານສາຍພົວພັນແບບພິເສດ ຫວຽດນາມ - ລາວ, 2 ປະເທດຍາມໃດກໍ່ຮ່ວມເດີນທາງ ແລະ ຊ່ວຍເຫຼືອເຊິ່ງກັນ ແລະ ກັນບົນເສັ້ນທາງແຫ່ງການປ່ຽນແປງໃໝ່.
 |
ການພົວພັນດ້ານການເມືອງ - ການຕ່າງປະເທດນັບມື້ນັບສະໜິດແໜ້ນ ແລະ ໄວ້ເນື້ອເຊື່ອໃຈ ດ້ວຍການແລກປ່ຽນບັນດາຄະນະຜູ້ແທນຂັ້ນສູງ ແລະ ບັນດາຂັ້ນ, ໃນທຸກຊ່ອງທາງລະຫວ່າງ 2 ຝ່າຍຢ່າງເປັນປະຈຳ .
ຜ່ານບັນດາການຢ້ຽມຢາມ, ການນຳຂອງສອງພັກ, ສອງລັດ ສາມາດບັນລຸໄດ້ຫຼາຍຂໍ້ຕົກລົງສຳຄັນທີ່ມີລັກສະນະຍຸດທະສາດ, ກຳນົດທິດໃຫ້ແກ່ການພົວພັນຮ່ວມມືລວມລະຫວ່າງ 2 ປະເທດ ກໍ່ຄືການແກ້ໄຂບັນດາສະພາບການ ແລະ ບັນຫາທີ່ເກີດຂຶ້ນໃໝ່.
ພິເສດແມ່ນນັບທັງໃນໄລຍະທີ່ປະສົບກັບຄວາມຫຍຸ້ງຍາກ ແລະ ສິ່ງທ້າທາຍຫລາຍຢ່າງຍ້ອນໂລກລະບາດໂຄວິດ-19, ແຕ່ຍ້ອນການປະສານງານທີ່ມີໄຫວພິບ ແລະ ມີຮູບແບບທີ່ຫຼາກຫຼາຍ, ຂໍ້ຕົກລົງສຳຄັນຫຼາຍສະບັບທີ່ມີລັກສະນະຍຸດທະສາດ, ກຳນົດທິດໃຫ້ແກ່ການພົວພັນລະຫວ່າງສອງປະເທດ ໄດ້ຮັກສາຄວາມຄືບໜ້າ ແລະ ຮັບປະກັນປະສິດທິຜົນ.
ຜົນສຳເລັດອັນພົ້ນເດັ່ນທີ່ມີຄວາມໝາຍຍຸດທະສາດແມ່ນ ຫວຽດນາມ ໄດ້ສ້າງເງື່ອນໄຂໃຫ້ປະເທດລາວ ມີເສັ້ນທາງອອກສູ່ທະເລຜ່ານທ່າເຮືອຫວຸງອາງ, ເປີດທິດທາງພັດທະນາເສດຖະກິດໃໝ່ໃຫ້ແກ່ລາວ.
ຫໍສະພາແຫ່ງຊາດຫຼັງໃໝ່ ແມ່ນຂອງຂວັນທີ່ຈິງໃຈເຊິ່ງພັກ, ລັດ ແລະ ປະຊາຊົນ ຫວຽດນາມ ມີຕໍ່ພັກ, ລັດ ແລະ ປະຊາຊົນລາວ, ແມ່ນໂຄງການທີ່ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ໄດ້ຕີລາຄາວ່າມີຄຸນຄ່າ “4 ທີ່ສຸດ”: “ທັນສະໄໝທີ່ສຸດ, ກົມກຽວກັບລັກສະນະສີສັນຊາດທີ່ສຸດ, ໝັ້ນແກ່ນທີ່ສຸດ, ດ້ວຍມູນຄ່າການລົງທຶນຫຼາຍທີ່ສຸດ” ເຊິ່ງໄດ້ກາຍເປັນສັນຍາລັກແຫ່ງການພົວພັນແບບພິເສດລະຫວ່າງ ຫວຽດນາມ ແລະ ລາວ ໃນໄລຍະໃໝ່.
ການຮ່ວມມືດ້ານການສຶກສາ ແລະ ບຳລຸງສ້າງຊັບພະຍາກອນມະນຸດ ຍາມໃດກໍໄດ້ຮັບຄວາມເອົາໃຈໃສ່ເປັນພິເສດຈາກສອງພັກ ແລະ ສອງລັດຖະບານ.
ໃນໄລຍະຜ່ານມາ, ມີນັກສຶກສາລາວນັບໝື່ນຄົນໄປຮ່ຳຮຽນ ແລະ ຄົ້ນຄ້ວາຢູ່ຫວຽດນາມ ແລະ ນັກສຶກສາຫວຽດນາມ ນັບພັນຄົນທີ່ໄປຮ່ຳຮຽນຢູ່ລາວ.
ນີ້ແມ່ນແຫຼ່ງຊັບພະຍາກອນມະນຸດໜຶ່ງທີ່ສຳຄັນທີ່ບໍ່ພຽງແຕ່ປະກອບສ່ວນເຂົ້າໃນການພັດທະນາເສດຖະກິດ - ສັງຄົມຂອງແຕ່ລະປະເທດເທົ່ານັ້ນ, ຫາກຍັງປະກອບສ່ວນຮັດແໜ້ນສາຍພົວພັນແບບພິເສດ ຫວຽດນາມ - ລາວ ນຳອີກ.
ບໍ່ພຽງແຕ່ເພີ່ມທະວີການຮ່ວມມືໃນຂອບເຂດສອງຝ່າຍເທົ່ານັ້ນ, ຫວຽດນາມ ແລະ ລາວ ກໍ່ເພີ່ມທະວີການເພີ່ມທະວີການຮ່ວມມື, ສະໜັບສະໜູນ ແລະ ຊ່ວຍເຫຼືອເຊິ່ງກັນ ແລະ ກັນຢູ່ບັນດາເວທີປາໄສພາກພື້ນ ແລະ ສາກົນ.
ຢູ່ທີ່ນີ້, 2 ຝ່າຍໄດ້ປະກອບສ່ວນເຂົ້າໃນການຮັກສາສັນຕິພາບຂອງໂລກ, ຄວາມໝັ້ນຄົງ ແລະ ສະຖຽນລະພາບຢູ່ພາກພື້ນ, ພິເສດແມ່ນຢູ່ ອາຊີ ແລະ ອາຊີຕາເວັນອອກສ່ຽງໃຕ້, ເພີ່ມທະວີການຮ່ວມມືສາກົນ...
2 ປະເທດໄດ້ສົມທົບກັນຢ່າງແໜ້ນແຟ້ນ ເພື່ອຊຸກຍູ້ການປະຕິບັດບັນດາການເຄື່ອນໄຫວເພີ່ມທະວີການຮ່ວມມືໃນເຂດອະນຸພາກພື້ນແມ່ນ້ຳຂອງ, ຮັດແຄບຊ່ອງຫວ່າງການພັດທະນາ, ປະກອບສ່ວນສ້າງປະຊາຄົມອາຊຽນທີ່ສະໜິດຕິດພັນ, ການຮ່ວມມືອັນດີງາມໃນບັນດາອົງການ, ຄື: ຄະນະກຳມາທິການແມ່ນ້ຳສາກົນ, ຄະນະກໍາມະການລະຫວ່າງລັດຖະບານອາຊຽນກ່ຽວກັບສິດທິມະນຸດ (AICHR).
ເພື່ອຮັກສາສົນທິສັນຍາມິດຕະພາບ ແລະ ການຮ່ວມມືໃຫ້ໝັ້ນຄົງຕະຫຼອດໄປ, ບໍ່ມີກຳລັງແຮງໃດສາມາດແບ່ງແຍກສາຍພົວພັນລະຫວ່າງສອງປະເທດໄດ້ ຄືດັ່ງຄຳເວົ້າຂອງທ່ານເລຂາທິການໃຫຍ່ຄະນະບໍລິຫານງານສູນກາງປະຊາຊົນ ປະຕິວັດລາວ ທອງລຸນ ສີສຸລິດ ທີ່ກ່າວວ່າ ຂ້າພະເຈົ້າເຊື່ອໝັ້ນວ່າ ສອງປະເທດພວກເຮົາຕ້ອງສືບຕໍ່ຄຽງບ່າຄຽງໄຫຼ່ກັນ ແລະ ເພີ່ມທະວີປະສິດທິຜົນການຮ່ວມມື.
ໃນໄລຍະຈະມາເຖິງ, 2 ປະເທດຄວນສຸມໃສ່ບຸລິມະສິດຄື:
ທີໜຶ່ງ, ສືບຕໍ່ນຳການພົວພັນດ້ານການເມືອງເຂົ້າສູ່ລວງເລິກ, ປະຕິບັດບັນດາຂໍ້ຕົກລົງຂັ້ນສູງເປັນຢ່າງດີ, ພິເສດແມ່ນຕ້ອງສືບຕໍ່ຮັກສາ ແລະ ຍົກສູງປະສິດທິຜົນຂອງກົນໄກການຮ່ວມມືລະຫວ່າງການນຳຂັ້ນສູງຂອງສອງປະເທດ; ຍົກສູງຄວາມຮັບຮູ້ລວມກ່ຽວກັບຄວາມສຳຄັນຂອງການພົວພັນແບບພິເສດ ຫວຽດນາມ - ລາວ ເຖິງປະຊສຊົນທຸກຊັ້ນວັນນະຂອງສອງປະເທດຢ່າງເຖິງຖອງ.
ທີສອງ, ຍົກລະດັບການຮ່ວມມືດ້ານເສດຖະກິດລະຫວ່າງສອງປະເທດ ໂດຍການເປີດກວ້າງ ແລະ ຍົກລະດັບການເຊື່ອມຈອດທາງຄົມມະນາຄົມທິດຕາເວັນອອກ - ຕາເວັນຕົກ; ສ້າງກົນໄກຮ່ວມມືທີ່ຄົບຊຸດ ແລະ ນະໂຍບາຍພິເສດ ເພື່ອປົດປ່ອຍແຫຼ່ງກຳລັງ ແລະ ສ້າງເງື່ອນໄຂສະດວກທີ່ສຸດໃຫ້ບັນດາວິສາຫະກິດ, ປະຊາຊົນສອງປະເທດລົງທຶນ ແລະ ດຳເນີນທຸລະກິດ; ແກ້ໄຂບັນຫາດ້ວຍມາດຕະການບຸກທະລຸ; ຊຸກຍູ້ບັນດາຮູບແບບການຮ່ວມມືໃໝ່ (ຕົວຢ່າງແມ່ນການຮ່ວມມື ຫວຽດນາມ - ລາວ +1) ເພື່ອໝູນໃຊ້ຄວາມສາມາດບົ່ມຊ້ອນ, ທ່າແຮງຂອງສອງປະເທດ ແລະ ຍາດແຍ່ງເອົາກຳລັງບົ່ມຊ້ອມກ່ຽວກັບແຫຼ່ງທຶນ, ປະສົບການ ແລະ ເຕັກໂນໂລຢີຂອງຄູ່ຮ່ວມມື; ໝູນໃຊ້ບັນດາຂໍ້ຕົກລົງການຄ້າເສລີ ເພື່ອເພີ່ມທະວີປະສິດທິຜົນດ້ານການຄ້າ, ເປີດກວ້າງຕະຫຼາດ ແລະ ດຶງດູດການລົງທຶນ.
ທີສາມ, ສຸມໃສ່ຍົກສູງຄຸນນະພາບ ແລະ ປະສິດທິຜົນໃນການພັດທະນາຊັບພະຍາກອນມະນຸດ ເພື່ອຕອບສະໜອງຄວາມຕ້ອງການໃນການພັດທະນາຂອງແຕ່ລະປະເທດ, ພ້ອມກັນນັ້ນ, ກໍ່ປະກອບສ່ວນຮັດແໜ້ນນ້ຳໃຈສະໜິດຕິດພັນລະຫວ່າງປະຊາຊົນສອງປະເທດ.
ທ່ານເອກອັກຄະລັດຖະທູດ ຫງວຽນບ໋າຮຸ່ງ ຢືນຢັນວ່າ: “ເມື່ອທົບທວນຄືນໄລຍະທາງທີ່ຜ່ານມາ, ພວກຂ້າພະເຈົ້າຮູ້ສຶກພາກພູມໃຈຕໍ່ບັນດາຄວາມມານະພະຍາຍາມອັນໃຫຍ່ຫຼວງຂອງຫຼາຍລຸ້ນຄົນໃນການກໍ່ສ້າງ ແລະ ພັດທະນາສາຍພົວພັນມິດຕະພາບ ຫວຽດນາມ - ລາວ ໃຫ້ນັບມື້ນັບພັດທະນາຢ່າງບໍ່ຢຸດຢັ້ງ, ເຮັດໃຫ້ສາຍພົວພັນນີ້ມີຄວາມເປັນແບບຢ່າງ, ຊື່ສັດ, ບໍລິສຸດ, ໂປ່ງໃສ ແລະ ເປັນແບບຢ່າງດຽວໃນໂລກ”.
ຄຳຮຸ່ງ
