ການພັດທະນາສາຍພົວພັນມິດຕະພາບທີ່ເປັນມູນເຊື້ອ ແລະ ຄວາມສາມັກຄີແບບພິເສດຫວຽດນາມ - ລາວ ໄດ້ສ້າງພື້ນຖານໃຫ້ບັນດາວິສາຫະກິດ ຫວຽດນາມ ປະກອບສ່ວນເຂົ້າໃນການພົວພັນຮ່ວມມື ລາວ - ຫວຽດນາມ ໃນລະດັບສູງທີ່ບໍ່ເຄີຍມີມາກ່ອນໃນປະຫວັດສາດຂອງການພົວພັນລະຫວ່າງ 2 ປະເທດ.
ບໍລິສັດ Star Telecom (Unitel) ໄດ້ຮັບຖືວ່າແມ່ນຮູບຕົວແບບການຮ່ວມມືດ້ານເສດຖະກິດລະຫວ່າງ ຫວຽດນາມ ແລະ ລາວ. ສ້າງຕັ້ງຂຶ້ນໃນປີ 2008 ເປັນບໍລິສັດຮ່ວມທຶນລະຫວ່າງກຸ່ມອຸດສາຫະກຳໂທລະຄົມມະນາຄົມກອງທັບ ແລະ ບໍລິສັດ ໂທລະຄົມມະນາ ຄົມ ລາວເອເຊຍ, ປະຈຸບັນວິສາຫະກິດແຫ່ງນີ້ໄດ້ກາຍເປັນບໍລິສັດ ໂທລະຄົມມະນາ ຄົມແຖວໜ້າໃນລາວ, ກວມເອົາ 58% ຂອງ ທ້ອງຕະຫຼາດເຄື່ອນຍ້າຍ ທີ່ມີຫຼາຍກວ່າ 3.5 ລ້ານຈອງ, ເຄືອຂ່າຍ 3G. ; 4G; 4.5G ກະຈາຍຄື່ນໄປເຖິງທົ່ວປະເທດ, ສ້າງວຽກເຮັດງານທຳທີ່ໝັ້ນຄົງໃຫ້ແກ່ຄົນອອກແຮງງານທ້ອງຖິ່ນຫຼາຍກວ່າ 27,000 ຄົນ.
 |
| ຫຼາຍໂຄງການຂອງວິສາຫະກິດ ຫວຽດນາມ ເຄື່ອນໄຫວປະຕິບັດໄດ້ດີ, ປະກອບສ່ວນຢ່າງຕັ້ງໜ້າໃນຫຼາຍດ້ານໃຫ້ແກ່ເສດຖະກິດ, ສັງຄົມຂອງລາວ (ພາບ: ທູເຮື່ອງ) |
ໃນສະພາບເສດຖະກິດຫຍຸ້ງຍາກ, ໃນຮອດເດືອນ 8 ປີ 2023, ລາຍຮັບການບໍລິການຂອງວິສາຫະກິດຍັງບັນລຸວ່າ 188 ລ້ານ USD, ເພີ່ມຂຶ້ນ 16,5% ເມື່ອທຽບໃສ່ໄລຍະດຽວກັນຂອງປີ 2022 ແລະ ເພີ່ມຂຶ້ນສູງສຸດໃນ 4 ປີຜ່ານມາ.ສະຖິຕິສະແດງໃຫ້ເຫັນວ່າ, ປະຈຸບັນ, ຫວຽດນາມ ແມ່ນຢູ່ໃນ 3 ປະເທດທີ່ມີການລົງທຶນໂດຍກົງໃຫຍ່ກວ່າໝູ່ຢູ່ລາວ, ດ້ວຍຜົນບວກທຶນຈົດທະບຽນປະມານ 5,4 ຕື້ USD.ບັນດາໂຄງການຂອງວິສາຫະກິດ ຫວຽດນາມ ພວມມີຢູ່ເກືອບທຸກແຂວງ, ນະຄອນຂອງລາວ ໃນຫຼາຍຂົງເຂດຄື: ການເງິນທະນາຄານ, ໂທລະຄົມມະນາ ຄົມ, ການບໍລິການ, ກະສິກຳ, ປ່າໄມ້, ບໍ່ແຮ່, ໄຟຟ້ານ້ຳຕົກ...
ຫຼາຍໂຄງການຂອງວິສາຫະກິດ ຫວຽດນາມ ເຄື່ອນໄຫວປະຕິບັດໄດ້ດີ, ປະກອບສ່ວນຢ່າງຕັ້ງໜ້າໃນຫຼາຍດ້ານໃຫ້ແກ່ເສດຖະກິດ, ສັງຄົມຂອງລາວ; ພ້ອມກັນນັ້ນ, ກໍ່ສ້າງວຽກເຮັດງານທຳໃຫ້ແຮງງານນັບໝື່ນຄົນ, ສ້າງລາຍຮັບ, ປົວແປງຊີວິດ, ເພີ່ມລາຍຮັບເຂົ້າງົບປະມານແຫ່ງລັດຂອງລາວ ໂດຍປານກາງປະມານ 200 ລ້ານ USD/ປີ.
ບໍ່ພຽງແຕ່ປະກອບສ່ວນເຂົ້າໃນການພັດທະນາເສດຖະກິດຂອງລາວເທົ່ານັ້ນ, ບັນດາວິສາຫະກິດຫວຽດນາມ ທີ່ມາລົງທຶນຢູ່ລາວ ໄດ້ເຂົ້າຮ່ວມການໜູນຊ່ວຍປະຊາຄົມອີກດ້ວຍ. ຜົນບວກຄຸນຄ່າສະສົມມາຮອດປະຈຸບັນນີ້ບັນລຸວ່າ 100 ລ້ານ USD, ເພື່ອກໍ່ສ້າງໂຮງຮຽນ, ສຸກສາລາ, ເສັ້ນທາງ, ເຮືອນຄືນໃໝ່ປະຈຳຖິ່ນທີ່ໃຫ້ປະຊາຊົນຢູ່ເຂດໂຄງການ ແລະ ປະຊາຊົນທຸກຍາກຢູ່ເຂດຫ່າງໄກສອກຫຼີກຂອງລາວ.
ດີງເລື້ອງ
