 |
| ທ່ານນາງ ຟ້າມທູຮັ່ງ ໂຄສົກກະຊວງການຕ່າງປະເທດ ຫວຽດນາມ (ພາບ: ຖາວ ຟ້າມ) |
ທີ່ການຖະແຫຼງຂ່າວນັດສາມັນຂອງກະຊວງການຕ່າງປະເທດ ຫວຽດນາມ ຈັດຂຶ້ນໃນຕອນບ່າຍວັນທີ 3 ສິງຫາ, ຢູ່ຮ່າໂນ້ຍ, ເມື່ອຕອບສຳພາດຕໍ່ນັກຂ່າວກ່ຽວກັບເລື່ອງ ຈີນ ດຳເນີນການຝຶກຊ້ອມການທະຫານ ປົກຄຸມສ່ວນໜຶ່ງຂອງໝູ່ເກາະ ຮວ່າງຊາ ເຊິ່ງເປັນອະທິປະໄຕຂອງ ຫວຽດນາມ, ທ່ານນາງ ຟ້າມທູຮັ່ງ ໂຄສົກກະຊວງການຕ່າງປະເທດ ຫວຽດນາມ ຢັ້ງຢືນວ່າ:
“ເລື່ອງ ຈີນ ນຳເອົາສ່ວນໜຶ່ງຂອງໝູ່ເກາະ ຮວ່າງຊາ ເພື່ອຝືກຊ້ອມການທະຫານຢູ່ທະເລຕາເວັນອອກ ແຕ່ວັນທີ 29 ກໍລະກົດ ຫາວັນທີ 2 ສິງຫາ ແມ່ນການລ່ວງລ້ຳອະທິປະໄຕຂອງ ຫວຽດນາມ ສຳລັບໝູ່ເກາະແຫ່ງນີ້ຢ່າງແຮງ ແລະ ໄປຝືນກັບເນື້ອໃນຈິດໃຈຂອງຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC), ເຮັດໃຫ້ສະພາບການສັບສົນຂຶ້ນຕື່ມ ແລະ ບໍ່ມີຜົນປະໂຫຍດແກ່ວິວັດທະນາການເຈລະຈາລະຫວ່າງ ຈີນ ກັບ ອາຊຽນ ກ່ຽວກັບກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ໃນປັດຈຸບັນ ກໍຄືການຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບ ແລະ ຮ່ວມມືຢູ່ທະເລຕາເວັນອອກ. ຫວຽດນາມ ເດັດດ່ຽວຄັດຄ້ານ ແລະ ຮຽກຮ້ອງ ຈີນ ຈົ່ງເຄົາລົບອະທິປະໄຕຂອງ ຫວຽດນາມ ສຳລັບໝູ່ເກາະ ຮວ່າງຊາ ແລະ ບໍ່ໃຫ້ເກີດມີການກະທຳທີ່ຄ້າຍຄືກັນອີກ”.
ກ່ອນໜ້ານັ້ນ, ກົມຮັກສາຄວາມປອດໄພທາງທະເລຈີນ ກ່າວວ່າ ປະເທດນີ້ຈະດຳເນີນການຊ້ອມຮົບການທະຫານຢູ່ທະເລຕາເວັນອອກແຕ່ວັນທີ 29 ກໍລະກົດ ຫາວັນທີ 2 ສິງຫານີ້ ໃນພື້ນທີ່ກວ້າງ ລວມທັງໝູ່ເກາະ ຮວ່າງຊາ ທີ່ຂຶ້ນກັບອະທິປະໄຕຂອງຫວຽດນາມ.
ດີງເລື້ອງ
