ວັນທີ 15 ກໍລະກົດນີ້, ຄະນະຊາວໜຸ່ມນະຄອນ ດ່ານັງ ໄດ້ມີໜ້າຢູ່ແຂວງ ສາລະວັນ (ລາວ) ເພື່ອປະຕິບັດລາຍການອາສາສະໝັກສາກົນຢູ່ທີ່ສາທາລະນະລັດ ປະຊາທິປະໄຕ ປະຊາຊົນລາວ. ສະຫາຍເລຂາຄະນະຊາວໜຸ່ມແຂວງສາລະວັນ ແລະ ຜູ້ຕາງໜ້າພະແນກພົວພັນຕ່າງປະເທດນະຄອນດ່ານັງ ໄດ້ຮັບຕ້ອນຄະນະອາສາສະໝັກສາກົນຂອງຊາວໜຸ່ມແຂວງ ດ່ານັງ ດ້ວຍດອກໄມ້ທີ່ສົດໃສສວຍງາມ ແລະ ການຈັບມືເພື່ອມິດຕະພາບ.
ຄະນະອາສາສະໝັກໂດຍຮອງເລຂາຄະນະຊາວໜຸ່ມນະຄອນ ດ່ານັງ ສະຫາຍ ເລກົງຮຸ່ງ, ເປັນຫົວໜ້າຄະນະໂດຍມີການເຂົ້າຮ່ວມຂອງອາສາສະໝັກ 36 ຄົນທີ່ເປັນ ພະນັກງານ, ສະມາຊິກຄະນະຊາວໜຸ່ມ, ຊາ່ວໜຸ່ມ; ບັນດາແພດໝໍ ຈາກບັນດາຫົວໜ່ວຍໃນສັງກັດຄະນະຊາວໜຸ່ມນະຄອນ ດ່ານັງ.
 |
| ຄະນະຊາວໜຸ່ມນະຄອນ ດ່ານັງ ໄດ້ມີໜ້າຢູ່ແຂວງ ສາລະວັນ (ລາວ) ເພື່ອປະຕິບັດບັນດາເຄື່ອນໄຫວອາສາສະໝັກໃນປີ 2023. |
ກ່າວຄຳປາໄສກ່ຽວກັບລາຍການອາສາສະໝັກສາກົນຢູ່ລາວຂອງຊາວໜຸ່ມນະຄອນ ດ່ານັງ, ສະຫາຍ ເລກົງຮຸ່ງ ໃຫ້ຮູ້ວ່າ: : “ຫວຽດນາມ ແລະ ລາວ ແມ່ນສອງປະເທດບ້ານໃກ້ເຮືອນຄຽງທີ່ມີສາຍພົວພັນມິດຕະພາບອັນເປັນມູນເຊື້ອທີ່ໄດ້ຮັບການປົກປັກຮັກສາ, ເສີມສ້າງ ແລະ ພັດທະນາໃນຊຸມປີຜ່ານມາ. ເພື່ອເສີມຂະຫຍາຍບົດບາດປະຈັນບານຂອງຊາວໜຸ່ມ, ຮ່ວມແຮງຮ່ວມໃຈເຂົ້າໃນຜົນງານສາຍພົວພັນມິດຕະພາບທີ່ເຂັ້ມແຂງນັ້ນ, ຊາວໜຸ່ມນະຄອນ ດ່ານັງ ຈະມານະພະຍາຍາມເພື່ອມີຫຼາຍເຄື່ອນໄຫວອາສາສະໝັກຮ່ວມເດີນທາງທີ່ມີຄຸນນະພາບ, ແທດຈິງເພື່ອສະໜອງແຫຼ່ງກຳລັງຊ່ວຍເຫຼືອປະຊາຊົນລາວ ໃນການເດີນທາງໄປຄັ້ງນີ້; ປະກອບສ່ວນຊຸກຍູ້ການພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ”.
ຕາມແຜນການ, ບັນດາກິດຈະກຳໃນການເດີນທາງອາສາສະໝັກລວມມີ: ກວດພະຍາດ ແລະ ແຈກຢາຍຢຸກຢາໃຫ້ປະຊາຊົນ 2.000 ຄົນໂດຍບໍ່ເສຍຄ່າ; ມອບເຂົ້າສານ, ເຄື່ອງໃຊ້ທີ່ຈຳເປັນໃຫ້ 200 ຄອບຄົວ (ແຕ່ລະພູດ 500.000 ດົ່ງ); ມອບຂອງຂວັນໃຫ້ນັກຮຽນ ແລະ ເດັກນ້ອຍ 40 ຄົນ (ບັນດາອຸປະກອນການຮຽນ: ກະເປົ໋າ, ບິກ, ປຶ້ມ...) ທີ່ມີສະພາບຫຍຸ້ງຍາກ; ມອບຂອງຂວັນທີ່ເປັນເຄື່ອງສາຍ (ໂປເຈັກເຕີ) 1 ເຄື່ອງໃຫ້ຄະນະຊາວໜຸ່ມແຂວງສາລະວັນ; ຈັດຕັ້ງບັນດາການເຄື່ອນໄຫວແລກປ່ຽນ, ຊອກຮູ້ວັດທະນະທຳ, ສິລະປະ ແລະ ກິລາລາວ. ຍອດມູນຄ່າການເຄື່ອນໄຫວຄັ້ງນີ້ແມ່ນກວ່າ 300 ລ້ານດົ່ງ
ດີງເລື້ອງ
