| ເສີມຂະຫຍາຍກຳລັງແຮງຊາວໜຸ່ມ ຮ່ວມແຮງຮ່ວມໃຈກັນກໍ່ສ້າງເຂດຊາຍແດນ ຫວຽດນາມ - ລາວ ສັນຕິພາບ, ມິດຕະພາບ, ຮ່ວມມື ແລະ ພັດທະນາ | |
| ຖະແຫຼງການຮ່ວມ ກ່ຽວກັບໝາກຜົນຂອງກອງປະຊຸມສາກົນ ກ່ຽວກັບວຽກງານສ້າງເສັ້ນຊາຍແດນລາວ-ຫວຽດນາມ |
ທີ່ດ່ານຊາຍແດນ ອ່າເດີດ - ຕະວາງ, ສະມາຊິກສະຫະພັນກຳມະບານເກືອບ 100 ຄົນ, ໄວໜຸ່ມດ່ານຊາຍແດນອ່າເດີດ, ສະຫະພັນເສດຖະກິດ - ປ້ອງກັນປະເທດ 92 (ທະຫານເຂດ 4), ສະຫະພັນຕາແສງຮ່ວາງຟອງ ແມ່ນພ້ອມແລ້ວທີ່ຈະຈັດຕັ້ງພິທີເປີດບັ້ນຮົບ “ຊາວໜຸ່ມອາສາສະໝັກລະດູຮ້ອນ”. ພິເສດ, ຄັ້ງນີ້ມີພະນັກງານ-ນັກຮົບປ້ອມຕຳຫຼວດຕະວາງ, ກອງຮ້ອຍປ້ອງກັນຊາຍແດນ 531, ແຂວງເຊກອງ, ປະເທດລາວ ເຂົ້າຮ່ວມ.
 |
ທີ່ການເຄື່ອນໄຫວ “ຊາວໜຸ່ມອາສາສະໝັກລະດູຮ້ອນ”, ບັນດາຫົວໜ່ວຍໄດ້ຈັດຕັ້ງບັນດາການເຄື່ອນໄຫວທີ່ມີຄວາມໝາຍ, ເຊັ່ນ: ການເຄົາລົບທຸງຢູ່ຫຼັກໝາຍຊາຍແດນ; ໂຄສະນາເຜີຍແຜ່ໃຫ້ບັນດາສະມາຊິກຊາວໜຸ່ມ ແລະ ໄວໜຸ່ມຮູ້ຄວາມໝາຍຂອງເສັ້ນຊາຍແດນ, ຫຼັກໝາຍ, ອະທິປະໄຕຜືນແຜ່ນດິນ ແລະ ຄວາມໝັ້ນຄົງທາງຊາຍແດນ; ອະນາໄມລວມເຂດຫຼັກໝາຍ 666 ແລະ ເຂດດ່ານຊາຍແດນ ອ່າເດີດ - ຕະວາງ; ກໍ່ສ້າງປ້ອມຍາມຊາວໜຸ່ມ ໃຫ້ແກ່ປ້ອມຕຳຫຼວດຕະວາງ…
ການເຄື່ອນໄຫວທີ່ແທດຈິງ ແລະ ມີຄວາມໝາຍນີ້ ແມ່ນເພື່ອແນໃສ່ໂຄສະນາເຜີຍແຜ່, ສຶກສາພະນັກງານ, ນັກຮົບ, ສະມາຊິກຊາວໜຸ່ມ ແລະ ໄວໜຸ່ມກ່ຽວກັບມູນເຊື້ອຄວາມສາມັກຄີແບບພິເສດລະຫວ່າງກຳລັງປະກອບອາວຸດ 2 ປະເທດ ແລະ ສອງຊາດ ຫວຽດນາມ - ລາວ. ຜ່ານນັ້ນ, ກໍ່ຍູ້ແຮງບົດບາດ, ຄວາມຮັບຜິດຊອບ, ຄວາມຮັກແພງ ແລະ ຈິດໃຈອາສາສະໝັກຂອງຊາວໜຸ່ມບັນດາຫົວໜ່ວຍ ສົມທົບກັບທະຫານປ້ອງກັນຊາຍແດນໃນການຄຸ້ມຄອງ, ປົກປັກຮັກສາອະທິປະໄຕຜືນແຜ່ນດິນ, ຄວາມໝັ້ນຄົງຊາຍແດນແຫ່ງຊາດໃນສະພາບການໃໝ່; ກໍ່ສ້າງເຂດຊາຍແດນສັນຕິພາບ, ມິດຕະພາບ, ການຮ່ວມມື ແລະ ພັດທະນາ.
ຄຳຮຸ່ງ
