| ການສຳມະນາວິທະຍາສາດ ກ່ຽວກັບການພົວພັນພິເສດສອງປະເທດຫວຽດນາມ - ລາວ | |
| ເວທີປາໄສນັກປັນຍາຊົນໜຸ່ມ ຫວຽດນາມ: ຊຸກຍູ້ການນຳໃຊ້ວິທະຍາສາດ ແລະ ເຕັກໂນໂລຢີ ປະກອບສ່ວນເຂົ້າໃນການພັດທະນາປະເທດຊາດ |
ຕອນບ່າຍວັນທີ 30 ມິຖຸນາ, ຢູ່ຮ່າໂນ້ຍ, ສະຖາບັນການເມືອງແຫ່ງຊາດໂຮ່ຈີມິນ, ສະພາບັນດິດວິທະຍາສາດສັງຄົມຫວຽດນາມ, ສະຖາບັນການເມືອງ ແລະການປົກຄອງແຫ່ງຊາດລາວ, ສະຖາບັນວິທະຍາສາດເສດຖະກິດ ແລະສັງຄົມແຫ່ງຊາດລາວ ໄດ້ຈັດພິທີລົງນາມຂໍ້ຕົກລົງຮ່ວມມືວິທະຍາສາດລະຫວ່າງສີ່ຝ່າຍ.
ການລົງນາມໃນຂໍ້ຕົກລົງດັ່ງກ່າວ ແມ່ນເພື່ອແນໃສ່ເພີ່ມທະວີການແລກປ່ຽນວິທະຍາສາດ, ສົມທົບກັນໜູນຊ່ວຍເຊິ່ງກັນ ແລະ ກັນ ເພື່ອຜັນຂະຫຍາຍບັນດາໂຄງການຄົ້ນຄວ້າ, ຈັດຕັ້ງກອງປະຊຸມວິທະຍາສາດສາກົນ; ກໍ່ສ້າງ ແລະ ພັດທະນາສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ, ລາວ - ຫວຽດນາມ; ປັບປຸງຄວາມສາມາດຂອງພະນັກງານໃນການຄຸ້ມຄອງ, ວຽກງານວິທະຍາສາດ ແລະ ການສິດສອນ, ເພື່ອຕອບສະໜອງຄວາມຮຽກຮ້ອງຕ້ອງການຂອງການພັດທະນາພາຍໃນ ແລະ ເຊື່ອມໂຍງເຂົ້າກັບສາກົນ; ຊຸກຍູ້ບັນດາຜົນງານການຄົ້ນຄວ້າວິທະຍາສາດສັງຄົມຂອງແຕ່ລະຝ່າຍ.
 |
ກ່າວຄຳເຫັນທີ່ພິທີ, ທ່ານ ສຈ, ປອ ຫງວຽນຊວນຖັງ, ກຳມະການກົມການເມືອງ, ຫົວໜ້າສະຖາບັນການເມືອງແຫ່ງຊາດໂຮ່ຈີມິນ, ປະທານສະພາທິດສະດີສູນກາງພັກ ໄດ້ຕີລາຄາສູງຕໍ່ການລົງນາມຂໍ້ຕົກລົງຮ່ວມມືດ້ານວິທະຍາສາດລະຫວ່າງສະຖາບັນການເມືອງແຫ່ງຊາດໂຮ່ຈີມິນ, ສະພາບັນດິດວິທະຍາສາດສັງຄົມຫວຽດນາມ, ສະຖາບັນການເມືອງ ແລະການປົກຄອງແຫ່ງຊາດລາວ, ແລະສະຖາບັນວິທະຍາສາດເສດຖະກິດ ແລະສັງຄົມແຫ່ງຊາດລາວ.
ທ່ານຫົວໜ້າສະຖາບັນການເມືອງແຫ່ງຊາດໂຮ່ຈີມິນ ເນັ້ນໜັກວ່າ: ການລົງນາມຂໍ້ຕົກລົງຮ່ວມມືດ້ານວິທະຍາສາດຄັ້ງນີ້ແມ່ນອີງໃສ່ຫຼັກການສະເໝີພາບ, ຕ່າງຝ່າຍຕ່າງມີຜົນປະໂຫຍດ ແລະການພົວພັນຊ່ວຍເຫຼືອເຊິ່ງກັນ ແລະກັນແບບພິເສດ, ໂດຍເລີ່ມຈາກຜົນປະໂຫຍດພັດທະນາວິທະຍາສາດສັງຄົມຂອງຫວຽດນາມ ແລະລາວ.
ຕາມຂໍ້ຕົກລົງດັ່ງກ່າວ, ບັນດາຝ່າຍຈະເພີ່ມທະວີຊຸກຍູ້ການຄົ້ນຄວ້າຮ່ວມກັນ; ແລກປ່ຽນ ແລະແບ່ງປັນບົດຮຽນກ່ຽວກັບບັນຫາທິດສະດີ ແລະພຶດຕິກໍາຕົວຈິງຂອງການພັດທະນາປະເທດຊາດ ແລະການເຊື່ອມໂຍງເຂົ້າກັບສາກົນຂອງຫວຽດນາມ - ລາວ; ໜູນຊ່ວຍເຊິ່ງກັນ ແລະກັນໃນການບໍາລຸງສ້າງທິດສະດີການເມືອງ, ວິຊາສະເພາະ, ພາສາຕ່າງປະເທດ ແລະບໍາລຸງສ້າງນັກຊ່ຽວຊານ; ແລກປ່ຽນນັກຮຽນຮູ້, ສົມທົບກັນຈັດກອງປະຊຸມສຳມະນາ ແລະກອງປະຊຸມໂອ້ລົມສົນທະນາວິທະຍາສາດດ້ວຍການເຂົ້າຮ່ວມຂອງຝ່າຍຕ່າງໆ; ເປີດກວ້າງການຮ່ວມມື ແລະເຊື່ອມໂຍງເຂົ້າກັບສາກົນ, ໜູນຊ່ວຍເຊິ່ງກັນ ແລະກັນເພື່ອເຂົ້າຮ່ວມຕາໜ່າງການຄົ້ນຄວ້າຢູ່ພາກພື້ນ ແລະໃນໂລກ.
ຂໍ້ຕົກລົງວ່າດ້ວຍການຮ່ວມມືມີຜົນສັກສິດນັບແຕ່ວັນລົງນາມ ແລະມີກຳນົດເວລາຮອດທ້າຍປີ 2027. ໃນປີ 2027, ບັນດາຝ່າຍຈະຕີລາຄາໝາກຜົນການຮ່ວມມື ແລະສ້າງເອກະສານຮ່ວມມືໃນຕໍ່ໜ້າ.
ຄຳຮຸ່ງ
