 |
| ພາບປະກອບ |
ຕາມການຕີລາຄາຂອງບັນດານັກຊ່ຽວຊານແລ້ວ, ຂະແໜງ logistics ຢູ່ຫວຽດນາມ ແມ່ນຂະແໜງທີ່ມີການເຕີບໂຕໂດຍໄວ ແລະ ມີສະຖຽນລະພາບທີ່ສຸດ, ດ້ອຍອັດຕາການເຕີບໂຕແຕ່ 14 – 16%/ປີ, ຂອບຂະໜາດແມ່ນ 40 – 42 ຕື້ USDຕໍ່ປີ. ຕາມບົດລາຍງານກ່ຽວກັບັດຊະນີ logistics ຕະຫຼາດຫາກໍ່ພົ້ນເດັ່ນປີ 2022 ໂດຍນັກສະໜອງການບໍລິການຂົນສົ່ງ ແລະ ພະລາທິການສາງຂົນສົ່ງ Agility ປະກາດ, ຫວຽດນາມ ໄດ້ຈັດຢູ່ອັນດັບທີ 11 ໃນກຸ່ມ 50 ຕະຫຼາດ logistics ຫາກໍ່ພົ້ນເດັ່ນຂຶ້ນທົ່ວໂລກ.
ດ້ວຍສະຖຽນລະພາບກ່ຽວກັບດ້ານການເມືອງ, ສັງຄົມ ແລະ ທີ່ຕັ້ງພູມສາດທີ່ມີສະດວກ, ຫວຽດນາມພວມໄດ້ຮັບຜົນປະໂຫຍດຈາກກະແສຫັນປ່ຽນລະບົບສະໜອງ.
ຍິ່ງໄປກ່ວານັ້ນ, ຫວຽດນາມ ໄດ້ສຸມໃສ່ບັນດາທ່າໄດ້ປຽບຈາກເສັ້ນທາງແຄມທະເລທີ່ຍາວໄກເພື່ອມີລະບົບທ່າກຳປັ່ນທີ່ບັນລຸສະມັດຕະພາບສູງ ດ້ວຍອັດຕາການເຕີບໂຕດ້ານເສດຖະກິດທີ່ເປັນໜ້າປະເອີບໃຈ, ຮັກສາການຜະລິດເປັນປົກກະຕິ. ພ້ອມກັນນັ້ນກໍ່ແມ່ນການລະເບີດຂຶ້ນຂອງການຄ້າເອເລັກໂຕນິກ ທີ່ພວມພັດທະນາຢ່າງແຮງຢູ່ທັງສອງດ້ານແມ່ນສົ່ງອອກ ແລະ ນຳໃຊ້ຢູ່ພາຍໃນປະເທດ ໄດ້ຊ່ວຍໃຫ້ ຫວຽດນາມ ຍົກສູງລັກສະນະແກ້ງແຍ້ງ ກາຍເປັນສູນຂົນສົ່ງສິນຄ້າຂອງໂລກ, ແມ່ນຕ່ອງໂສ້ໃນລະບົບສະໜອງທົ່ວໂລກ. ຫວຽດນາມ ໄດ້ຮັບການຕັ້ງຫວັງວ່າຈະກາຍເປັນສູນ logistics ຂອງອາຊີ ໃນໄລຍະຈະມາເຖິງ.
ໄປຄຽງຄູ່ກັບທ່າໄດ້ປຽບ, ບັນດາຄວາມຫຍຸ້ງຍາກ ແລະ ສິ່ງທ້າທາຍ ກໍ່ພວມເກີດຂຶ້ນຄື ຄ່າການບໍລິການ, ຄວາມກົດດັນຕໍ່ພື້ນຖານໂຄງລ່າງນັບມື້ນັບສູງຂຶ້ນ. ຕາມບັນດານັກຊ່ຽວຊານແລ້ວ, ຂະແໜງ logistics ຍັງຕ້ອງການພັດທະນາການເຊື່ອມຕໍ່ພື້ນຖານໂຄງລ່າງ, ການຮ່ວມມືລະຫວ່ງພາກລັດ - ເອກະຊົນ ເປີດກວ້າງກາຍເປັນບັນດາສູນ logistics ແລະ ລະບົບສະໜອງຢ່າງຮອບດ້ານກ່ຽວກັບການຂົນສົ່ງ, ປຸງແຕ່ງ, ເກັບຮັກສາ ແລະ ຈຳໜ່າຍ.
ບຸນຄົງ
