 |
| ທ່ານປະທານສະພາໃຫ້ຄຳປຶກສາທຸລະກິດ ອາຊຽນ (ASEAN-BAC) ) Arsjad Rasjid (ພາບ: TTXVN) |
"ຫວຽດນາມ ປະກອບສ່ວນຢ່າງຕັ້ງໜ້າເຂົ້າໃນບັນດາບຸລິມະສິດດ້ານເສດຖະກິດຂອງ ອາຊຽນ" ນັ້ນແມ່ນການຕີລາຄາຂອງທ່ານປະທານສະພາໃຫ້ຄຳປຶກສາທຸລະກິດ ອາຊຽນ (ASEAN-BAC) ) Arsjad Rasjid ກ່ອນກອງປະຊຸມຂັ້ນສູງ ອາຊຽນຄັ້ງທີ 42, ຄາດວ່າຈະດຳເນີນໃນລະຫວ່າງວັນທີ 9 – 11 ພຶດສະພາຢູ່ Labuan Bajo ຂອງອິນໂດເນເຊຍ. ຕາມສຳນັກຂ່າວສານ ຫວຽດນາມ ແລ້ວ, ທ່ານ ໃຫ້ຮູ້ວ່າ ຫວຽດນາມ ສວມບົດບາດສຳຄັນໃນການຊຸກຍູ້ການຄ້າ ແລະ ການລົງທຶນທັງຢູ່ພາຍໃນ ແລະ ນອກພາກພື້ນ, ກໍ່ຄືຕັ້ງໜ້າເຂົ້າງຮ່ວມບັນດາຂໍ້ລິເລີ່ມຂອງພາກພື້ນ ການຄ້າເສລີ ອາຊຽນ.
ຕາມທ່ານ Rasjid ແລ້ວ, ເລື່ອງ ຫວຽດນາມ ເປັນເຈົ້າພາບຈັດຕັ້ງເຫດການພະລັງງານແຮງລົມ ອາຊຽນ 2023 ຈະມາເຖິງ ແມ່ນໜຶ່ງໃນບັນດາການປະກອບສ່ວນຫຼາຍພໍສົມຄວນໃຫ້ແກ່ບັນດາເປົ້າໝາຍພະລັງງານທົດແທນຂອງພາກພື້ນ. ຕາມອົງການພະລັງງານທົດແທນສາກົນແລ້ວ, ຫວຽດນາມ ແມ່ນຕະຫຼາດແຮງລົມໃຫຍ່ທີ່ສຸດໃນພາກພື້ນ, ດ້ວຍສະມັດຕະພາບໃນການຜະລິດໄຟຟ້າ ຄາດວ່າຈະຂຶ້ນ 13,9 GW ໃນປີ 2025. ທ່ານປະທານ ASEAN-BAC ຢັ້ງຢືນວ່າ ບັນດາການປະກອບສ່ວນຂອງ ຫວຽດນາມ ແມ່ນສຳຄັນທີ່ສຸດໃນການຊຸກຍູ້ໂຄງການດຳເນີນງານດ້ານເສດຖະກິດຂອງ ອາຊຽນ. ທ່ານເນັ້ນໜັກວ່າ ຄຳໝັ້ນສັນຍາຂອງ ຫວຽດນາມ ໃນບັນດາຂໍ້ລິເລີ່ມທີ່ແຕກຕ່າງກັນ ໄດ້ສະແດງໃຫ້ເຫັນຄວາມພ້ອມຂອງ ຮ່າໂນ້ຍ ໃນການມຸ່ງໄປເຖິງພາກພື້ນ ທີ່ເຊື່ອມໂຍງ ແລະ ວັດທະນາຖາວອນກ່ວາ.
ບັນດາໂຄງການລວມມີລະຫັດ QR ASEAN, ພື້ນຖານຕະຫຼາດໃຫ້ກູ້ຢຶມ, ວັດຈະນານຸກົມເປີດຂອງນັກທຸລະກິດ, ສູນປ່ອຍທາດພິດລົງ 0 ອາຊຽນ, ສູນກາກບອນທີ່ກ້າວໜ້າ, ຍຸດທະສາດສັກວັກຊິນ ASEAN One Shot, ຮູບແບບຈຳລອງຄົບວົງຈອນກວມລວມສຳລັບບັນດາຜະລິດຕະພັນກະເສດ ແລະ ໝູ່ຄະນະດຳເນີນທຸລະກິດ ອາຊຽນ. ບັນດາຂໍ້ລິເລີ່ມບຸລິມະສິດນີ້ ໄດ້ຮັບການສະໜັບສະໜູນຂອງທຸກລັດຖະມົນຕີ ເສດຖະກິດ ອາຊຽນ ແລະ ລ້ວນແຕ່ບັນລຸໄດ້ຄວາມກ້າວໜ້າ.
ທ່ານປະທານ ASEAN-BAC Rasjid ຢ້ຳຄືນວ່າ ກ່ອນໜ້ານັ້ນ, ທ່ານລັດຖະມົນຕີກະຊວງການຕ່າງປະເທດ ອິນໂດເນເຊຍ ປະກາດວ່າ ອາຊຽນ ເຫັນດີເປັນເອກະພາບໃນການສ້າງສະພາບແວດລ້ອມໃຫ້ແກ່ລົດໄຟຟ້າ. ທຸກປະເທດສະມາຊິກກໍ່ສະແດງຄວາມຊົມເຊີຍຕໍ່ຫົວຂໍ້ຂອງປີປະທານ ອາຊຽນ ອິນໂດເນເຊຍ 2023 “ອາຊຽນ ຂອບຂະໜາດໃຫຍ່: ໃຈກາງຂອງການເຕີບໂຕ” ດ້ວຍສາມຍຸດທະສາດປາຍແຫຼມ ລວມມີ ການຟື້ນຟູ ແລະ ສ້າງຄືນໃໝ່, ເສດຖະກິດດີຈີຕອນ, ການພັດທະນາແບບຍືນຍົງ.
ບຸນຄົງ
