 |
| ທ່ານລັດຖະມົນຕີການຕ່າງປະເທດ ຫວຽດນາມ ບຸຍແທັງເຊີນ ແລະ ທ່ານນາງ Pauline Tamesis, ຜູ້ປະສານງານປະຈຳສະຫະປະຊາຊາດ ປະຈຳຫວຽດນາມ (ພາບ: baoquocte.vn) |
ໂດຍເນັ້ນໜັກເຖິງບົດບາດຂອງສະຫະປະຊາຊາດ ໃນການສົມທົບກັນມານະພະຍາຍາມຫຼາຍຝ່າຍ ເພື່ອຮັບມືກັບບັນດາສິ່ງທ້າທາຍລວມຂອງປະຊາຄົມໂລກ, ທ່ານລັດຖະມົນຕີໃຫ້ຮູ້ວ່າ ຫວຽດນາມ ຖືສະຫະປະຊາຊາດແມ່ນໜຶ່ງໃນບັນດາຄູ່ຮ່ວມມືບຸລິມະສິດອັນດັບໜຶ່ງ.
ໂດຍຢືນຢັນ ຫວຽດນາມ ຍາມໃດກໍ່ຈົດຈຳການຮ່ວມມື ແລະ ການໜູນຊ່ວຍອັນລ້ຳຄ່າຂອງສະຫະປະຊາຊາດ ໃນໄລຍະເກືອບ 50 ປີແຫ່ງການພັດທະນາຂອງປະເທດຊາດ, ທ່ານລັດຖະມົນຕີ ບຸຍແທັງເຊີນ ປາດຖະໜາວ່າ ທ່ານນາງ Tamesis ຈະເປັນຂົວຕໍ່ທີ່ມີປະສິດທິຜົນລະຫວ່າງ ອົງການສະຫະປະຊາຊາດ ແລະ ລັດຖະບານ ຫວຽດນາມ; ອົງການ, ກະຊວງ ແລະ ຂະແໜງການ ຫວຽດນາມ; ຊຸກຍູ້ການພົວພັນຮ່ວມມືລະຫວ່າງ ຫວຽດນາມ - ສະຫະປະຊາຊາດ.
ໃນສະພາບການນັ້ນ, ທ່ານລັດຖະມົນຕີສະເໜີ ໃນໄລຍະຈະມາເຖິງບັນດາອົງການສະຫະປະຊາຊາດຈົ່ງໃຫ້ບຸລິມະສິດຊຸກຍູ້ 4 ຂົງເຂດບຸລິມະສິດໃນການຮ່ວມມື. ນັ້ນແມ່ນ, ລະດົມແຫຼ່ງກຳລັງ, ຜັນຂະຫຍາຍການປະຕິບັດກອບຍຸດທະສາດການຮ່ວມມືພັດທະນາແບບຍືນຍົງ ຫວຽດນາມ - ສະຫະປະຊາຊາດ ໄລຍະ 2022-2026, ປະກອບສ່ວນຊຸກຍູ້ການປະຕິບັດບັນດາຈຸດໝາຍພັດທະນາແບບຍືນຍົງຢູ່ ຫວຽດນາມ; ພ້ອມກັນນັ້ນ, ກໍ່ໃຫ້ຄຳແນະນຳດ້ານນະໂຍບາຍ ແລະ ການຊ່ວຍເຫຼືອດ້ານເຕັກນິກໃຫ້ຫວຽດນາມ ໃນຂະບວນການຟື້ນຟູ ແລະ ພັດທະນາເສດຖະກິດ - ສັງຄົມ; ໜູນຊ່ວຍຫວຽດນາມ ປັບຕົວເຂົ້າກັບການປ່ຽນແປງຂອງດິນຟ້າອາກາດ, ການຫັນປ່ຽນດ້ານພະລັງງານ, ລະດົມການເງິນສີຂຽວ...
ບຸນຄົງ
