| ຫວຽດນາມ - ລາວ ເພີ່ມທະວີການແລກປ່ຽນ, ແບ່ງປັນບົດຮຽນໃນວຽກງານໂຄສະນາສຶກສາ | |
| ໄວໜຸ່ມສອງປະເທດ ຫວຽດນາມ - ລາວ ຂໍຂານອາສາຂຽນຕໍ່ໜ້າປະຫວັດສາດໃໝ່ກ່ຽວກັບການພົວພັນລະຫວ່າງ ຫວຽດນາມ - ລາວ |
ນັກສຶກສາລາວ 162 ຄົນ ພວມຮ່ຳຮຽນຢູ່ໂຮງຮຽນມິດຕະພາບ T78 (ຕາແສງ ເທາະລົກ, ເມືອງຝຸເທາະ, ຮ່າໂນ້ຍ) ຈະຢູ່ນຳກັນ, ດຳລົງຊີວິດນຳກັນ ແລະ ຮ່ຳຮຽນນຳກັນ ກັບພໍ່ແມ່, ອ້າຍເອື້ອຍນ້ອງຊາວຫວຽດນາມ ເປັນເວລາ 20 ວັນ ນັບແຕ່ວັນທີ 15 ມີນາ ຫາວັນທີ 4 ເມສາ ປີ 2023. ນີ້ແມ່ນໂຄງການທີ່ແທດຈິງຂອງໂຮງຮຽນມິດຕະພາບ T78 ປຸກລະດົມໃນວັນທີ 15 ມີນາ ພາຍຫຼັງຢຸດຊົ່ວຄາວ 3 ປີຍ້ອນຜົນກະທົບຈາກພະຍາດໂຄວິດ - 19.
ນອກຈາກ "3ນຳກັນ" ກັບຄອບຄົວຫວຽດນາມ, ບັນດານັກສຶກສາລາວ ຍັງເຂົ້າຮ່ວມບັນດາການເຄື່ອນໄຫວພົບປະແລກປ່ຽນວັດທະນະທຳຄື: ໄວ້ອາໄລສຸສານນັກຮົບທີ່ເສຍສະຫຼະຊີວິດເພື່ອຊາດ, ແນະນຳພໍ່ແມ່ຫວຽດ ຟ້ອນລຳວົງ, ເຕັ້ນບາສະລົບ, ເວົ້າພາສາລາວ, ອອກແຮງງານທຳຄວາມສະອາດຖະໜົນຫົນທາງ.
 |
| ນ້ອງໆນັກສຶກສາລາວ (ພາບ: ແທັງລວນ) |
ທິບພາພອນ ນາມມະວົງ (ອາຍຸ 14 ປີ, ຫ້ອງຮຽນພາສາຫວຽດ 4) ເວົ້າວ່າ ເມື່ອໄດ້ຮັບຂ່າວ, ນ້ອງຮູ້ສຶກມັກຫຼາຍ, ທັງລໍຄອຍທັງຕື່ນເຕັ້ນ, ຮູ້ສຶກກັງວົນອີກ. “ພາສາຫວຽດ ຂອງນ້ອງບໍ່ໄດ້ດີປານໃດ, ມີຫຼາຍຄັ້ງນ້ອງບໍ່ຮູ້ວ່າຈະນຳໃຊ້ຄຳສັບຫຍັງເພື່ອພັນລະນາ. ນ້ອງຫວັງວ່າໂອກາດທີ່ໄດ້ດຳລົງຊີວິດພ້ອມກັບພໍ່ແມ່ຫວຽດນາມ, ພາສາຫວຽດ ຂອງນ້ອງຈະດີຂຶ້ນ. ນ້ອງກໍ່ຈະມີຕື່ມອີກຄອບຄົວໜຶ່ງ” ນ້ອງທິບພາພອນ ນາມມະວົງແບ່ງປັນ.
ສ່ວນນ້ອງ ອານີຊາ ແພງຄຳພຽນ (ອາຍຸ 20 ປີ, ຫ້ອງຮຽນພາສາຫວຽດ 5) ຫວັງວ່າ ຈະສາມາດຮຽນໄດ້ວິທີການປຸງແຕ່ງເຍື່ອງອາຫານຫວຽດນາມ ບາງເຍື່ອງ ນ້ອງມັກກິນອາຫານຄື: ບັ້ນແຕ, ເຂົ້າປຸ້ນຊີ້ນປິ້ງ… ອານີຊາ ກໍ່ພວມກຽມພ້ອມວິທີການປຸງແຕ່ງບາງເຍື່ອງອາຫານທີ່ເປັນມູນເຊື້ອຂອງລາວ ຄື ລາບ, ຕ່ຳໝາກຮຸ່ງ…ເພື່ອເຊີນພໍ່ແມ່ຄົນຫວຽດ ຊິມ.
ທ່ານ ຄວັດຮຶວຄອຍ (ອາຍຸ 58 ປີ, ນາຍບ້ານ ເບືອມ, ຕາແສງ ເທາະລົກ) ໃຫ້ຮູ້ວ່າ ປີນີ້ບ້ານໄດ້ຮັບນັກສຶກສາລາວ 56 ຄົນກມາດຳລົງຊີວິດພ້ອມກັບຄອບຄົວ. ສ່ວນຫຼາຍບັນດາຄອບຄົວໃນບ້ານໄດ້ກະກຽມຫ້ອງນອນ, ລົດຖີບໃຫ້ແກ່ພວກລູກ. ບັນດາຄອບຄົວໃນບ້ານຖືນ້ອງໆນັກສຶກສາຄືລູກຫຼານໃນເຮືອນ, ບໍ່ພຽງແຕ່ເບິ່ງແຍງດູແລນ້ອງໆໃນການກິນ, ການຢູ່ເທົ່ານັ້ນຫາກຍັງຊ່ວຍເຫຼືອໃຫ້ນ້ອງໆສາມາດເວົ້າພາສາຫວຽດ ໄດ້ດີ, ເຂົ້າໃຈຕື່ມອີກກ່ຽວກັບຮີດຄອງປະເພນີ, ວັດທະນະທຳໃນຄອບຄົວ, ປັບຕົວໃຫ້ແທດເໝາະກັບການດຳລງົຊີວິດຂອງຫວຽດນາມອີກດ້ວຍ,
ກ່າວຄຳເຫັນທີ່ພິທີມອບຮັບ, ທ່ານເລຝຸທັ້ງ, ອຳນວຍການໂຮງຮຽນມິດຕະພາບ T78 ໃຫ້ຮູ້ວ່າ ນີ້ແມ່ນປີທີ 6 ທີ່ຜັນຂະຫຍາຍໂຄງການນຳນັກສຶກສາລາວລົງພຶດຕິກຳຕົວຈິງຢູ່ເຮືອນຂອງປະຊາຊົນ ແລະ ກໍ່ແມ່ນປີທີ່ມີຈຳນວນນັກສຶກສາຫຼາຍທີ່ສຸດດ້ວຍ 162 ຄົນ.
ເວລານັກສຶກສາລາວຢູ່ເຮືອນຂອງປະຊາຊົນພຽງແຕ່ 15 – 20 ວັນແຕ່ມີປະສິດທິຜົນ ແລະ ແທດຈິງຫຼາຍ. ນ້ອງໆນັກສຶກສາໄດ້ຮັບການເບິ່ງແຍງດູແລ, ຊ່ວຍເຫຼືອຂອງພໍ່ແມ່ປະຊາຊົນ, ພ້ອມທັງແນະນຳການຮຽນຊ່ວຍໃຫ້ນ້ອງໆມີຄວາມໝັ້ນໃຈ, ສາມາດເວົ້າພາສາຫວຽດໄດ້ດີ. ສ່ວນການດຳລົງຊີວິດພ້ອມກັບພໍ່ແມ່ຄົນຫວຽດ ຊ່ວຍໃຫ້ນ້ອງໆຮູ້ຕື່ມອີກກ່ຽວກັບຮີດຄອງປະເພນີ, ວັດທະນະທຳຂອງ ຫວຽດນາມ ພ້ອມທັງແມ່ນໂອກາດເພື່ອແນະນຳ, ໂຄສະນາວັດທະນະທລາວ. ທ່ານ ທັ້ງ ໃຫ້ຮູ້ວ່າ ທ່ານກໍ່ສະແດງຄວາມຫວັງວ່າດ້ວຍການສະໜັບສະໜູນຂອງອຳນາດການປົກຄອງ, ພໍ່ແມ່ປະຊາຊົນ, ໂຄງການຈະກາຍເປັນການເຄື່ອນໄຫວປະຈຳປີຂອງໂຮງຮຽນ.
ໂດຍຕີລາຄາສູງຜົນສຳເລັດຂອງໂຄງການ, ທ່ານ ຫງວຽນຮູຍຈຸງ, ປະທານຄະນະກຳມະການປະຊາຊົນຕາແສງເທາະລົກ ໄດ້ສະເໜີບັນດານາຍບ້ານ, ໝູ່ຄະນະຂັ້ນຮາກຖານຢຶ້ຢາມຖາມຂ່າວ, ລະດົມກຳລັງໃຈບັນດານັກສຶກສາ ແລະ ບັນດາຄອບຄົວຫວຽດຢ່າງທັນການ. ທ່ານຫວັງວ່າ ພໍ່ແມ່ປະຊາຊົນຈະຕັ້ງໜ້າຊີ້ນຳ, ໃກ້ຊິດ, ສົມທົບກັບບັນດາຄູອາຈານຮັບປະກັນການດຳລົງຊີວິດຂອງນ້ອງໆນັກຮຽນ. ນ້ອງໆນັກສຶກສາກໍ່ຕ້ອງຍາດແຍ່ງກາລະໂອກາດ, ກ້າຫານໃນການສື່ສານ, ຕັ້ງໜ້າເຂົ້າຮ່ວມການເຄື່ອນໄຫວເພື່ອມີຄວາມສະໜິດຕິດພັນ. ທ່ານ ຈຸງ ກໍ່ຫວັງວ່າໃນໄລຍະຈະມາເຖິງໂຮງຮຽນມິດຕະພາບ T78 ຈະເປີດຫ້ອງສອນພາສາລາວໃຫ້ແກ່ປະຊາຊົນເພື່ອສ້າງຄວາມສະດວກໃນການສື່ສານກັບນ້ອງໆນັກສຶກສາລາວ.
ບຸນຄົງ
