ພ້ອມກັບບັນດາທ້ອງຖິ່ນທະເລ ແລະ ໝູ່ເກາະຂອງແຂວງ ກຽນຢາງ, ຟູ໋ກວກໄດ້ສົມທົບກັນຜັນຂະຫຍາຍຫຼາຍວິທີແກ້ໄຂ ແລະ ມີຄວາມມານະພະຍາຍາມຢ່າງຂ້ຽວຂາດໃນໄລຍະຈຸດສຸມການຕ້ານການຫາປາທີ່ຜິດກົດໝາຍ, ບໍ່ມີການລາຍງານ ແລະ ບໍ່ປະຕິບັດຕາມຂໍ້ກຳນົດ (IUU) ຮອດເດືອນ ພຶດສະພາ ປີ2023 ໃນທົ່ວບໍລິເວນນະຄອນ.
ທ່ານຮອງປະທານຄະນະກຳມະການປະຊາຊົນແຂວງ ຟູ໋ກວກ ດ່ວານວັນຕຽນ ໃຫ້ຮູ້ວ່າ ແຂວງ ຟູ໋ກວກ ສືບຕໍ່ຍູ້ແຮງການໂຄສະນາເຜີຍແຜ່ໃຫ້ປະຊາຊົນ, ພິເສດແມ່ນບັນດາເຈົ້າຂອງກຳປັ່ນ, ເຮືອ, ລູກເຮືອ, ພໍ່ແມ່ປະຊາຊົນຊາວປະມົງ ກ່ຽວກັບເນື້ອໃນຫຼັກຂອງກົດໝາຍວ່າດ້ວຍສິນໃນນ້ຳ ປີ 2017 ແລະ ບັນດາບັນຫາທີ່ກ່ຽວຂ້ອງ, ໄດ້ແຈກຢາຍໜັງສືຮຽກຮ້ອງຂອງຄະນະພັກແຂວງ ແລະ ຄະນະກຳມະການປະຊາຊົນແຂວງ ກຽນຢາງ ເພື່ອຕອບສະໜອງການຕ້ານ IUU ຕາມຄຳແນະນຳຂອງຄະນະກຳມະການເອີລົບ (EC), ສຸມໃສ່ການເຄື່ອນໄຫວຕ້ານ IUU ດ້ວຍຈິດໃຈທີ່ຂ້ຽວຂາດ ແລະ ເຂັ້ມແຂງ.
 |
| ກຳປັ່ນ, ເຮືອຫາປາຂອງຊາວປະມົງ (ພາບ: TTXVN) |
ຟູ໋ກວກ ໄດ້ສຳເລັດການຂຶ້ນທະບຽນ, ອອກໃບອະນຸຍາດ ແລະ ສ້າງເຄື່ອງໝາຍກຳປັ່ນຫາປາຂອງກຸ່ມກຳປັ່ນແຕ່ 6 ແມັດ ຫາຕ່ຳກວ່າ 12 ແມັດ ທີ່ບໍ່ໄດ້ຂຶ້ນທະບຽນໃນໄຕມາດທີ 1 ປີ 2023; ສ້າງຕັ້ງຄະນະກວດກາຄວາມຮັບຜິດຊອບຂອງຄະນະກຳມະການປະຊາຊົນ, ປະທານຄະນະກຳມະການປະຊາຊົນບັນດາຕາແສງ, ບ້ານໃນການຕ້ານ IUU; ກວດກາຄືນໃໝ່ການປະຕິບັດລະບຽບການລົບລ້າງການຈົດທະບຽນກຳປັ່ນຫາປາ ແຕ່ 6 ແມັດ ຫາຕ່ຳກວ່າ 12m 1.146 ລຳ ທີ່ມີການເຄື່ອນໄຫວບໍ່ຖືກຕ້ອງຕາມຂໍ້ກຳນົດ.
ຄຽງຄູ່ກັນນັ້ນ, ຟູ໋ກວກ ກໍ່ສືບຕໍ່ຊີ້ນໍາບັນດາກໍາລັງ, ໝູ່ຄະນະ, ອົງຄະນະພັກທຸກຂັ້ນ, ອຳນາດການປົກຄອງທ້ອງຖິ່ນມີການກະທຳກ່ຽວກັບວິທີການແກ້ໄຂຮີບດ່ວນຢ່າງຂ້ຽວຂາດ ແລະ ຄົບຊຸດ, ປະກອບສ່ວນແກ້ໄຂ “ບັດເຫຼືອງ” ຂອງ EC ແລະ ສະກັດກັ້ນບັນດາກຳປັ່ນຫາປາ, ຊາວປະມົງລະເມີດເຂດນ່ານນໍ້າຂອງຕ່າງປະເທດໄປຫາປາຢ່າງຜິດກົດໝາຍ.
ນະຄອນໄດ້ປະສານສົມທົບກັບບັນດາກຳລັງເຈົ້າທີ່ ແລະ ຫົວໜ່ວຍທີ່ກ່ຽວຂ້ອງ ເພີ່ມທະວີການລາດຕະເວນ, ຄວບຄຸມ ແລະ ແກ້ໄຂບັນດາການກະທຳລະເມີດບັນດາກຳປັ່ນຫາປາຢູ່ເຂດຫາປາຢ່າງເຄັ່ງຄັດ.
ໄປຄຽງຄູ່ກັນນັ້ນ, ກໍ່ຄຸ້ມຄອງກຳປັ່ນຫາປາຢ່າງເຂັ້ມງວດ, ໂດຍສະເພາະແມ່ນກຳປັ່ນຫາປານອກຊາຍຝັ່ງ, 100% ເຈົ້າຂອງພາຫະນະຫາປາ ແລະ ລູກເຮືອໄດ້ລົງນາມໃນຄຳໝັ້ນສັນຍາບໍ່ລ່ວງລ້ຳເຂດນ່ານທະເລຕ່າງປະເທດໄປຫາສິນທະເລຢ່າງຜິດກົດໝາຍ ແລະ ແກ້ໄຂບັນດາການລະເມີດຂອງກຳປັ່ນຫາປາຢ່າງເຂັ້ມງວດ.
ໂດຍປະຕິບັດແຜນການຈຸດສຸມຕ້ານ IUU ຮອດເດືອນພຶດສະພາ 2023, ນັບແຕ່ຕົ້ນປີມາຮອດປະຈຸບັນ, ຟູ໋ກວກໄດ້ສ້າງກຸ່ມໃນສື່ສັງຄົມອອນໄລ Zalo ໃຫ້ຄະນະຊີ້ນຳ IUU ນະຄອນ ແລະ ໜ່ວຍຊ່ວຍວຽກໃຫ້ແກ່ຄະນະຊີ້ນຳນີ້ ເພື່ອຊີ້ນຳ, ອັບເດດ, ແລກປ່ຽນ ແລະ ແກ້ໄຂຂໍ້ມູນຢ່າງທັນການ.
ບັນດາຕາແສງ ຕ້ອງໂຄສະນາລົງກ່ຽວກັບແຜນນະໂຍບາຍຂອງແຂວງ, ນະຄອນໃນການຈັດຕັ້ງປະຕິບັດແຜນການກະທຳຈຸດສຸມຕ້ານ IUU , ແຈກຢາຍຈົດໝາຍຮຽກຮ້ອງຂອງຄະນະພັກ, ຄະນະກຳມະການປະຊາຊົນແຂວງ ກຽນຢາງ ເຖິງໝູ່ບ້ານ, ຄຸ້ມບ້ານ, ໜ່ວຍປະຊາຊົນປົກຄອງຕົນເອງ ແລະ ຊາວປະມົງ ເພື່ອຕອບສະໜອງການຕ້ານ IUU ຕາມການແນະນຳຂອງຄະນະກຳມະການເອີຣົບ (EC)...
ນອກນັ້ນ, ຟູ່ກວກ ຍັງໄດ້ລົງນາມໃນບັນດາຂໍ້ກຳນົດ ແລະ ແຜນການສົມທົບກັບບັນດາເມືອງ, ນະຄອນ ແລະ ຂະແໜງສິນທະເລ ກຽນຢາງ ໃນການລາດຕະເວນ, ຄວບຄຸມ ແລະ ຈັບກຳປັ່ນຫາປາທີ່ລະເມີດ IUU ຢູ່ບໍລິເວນແຂວງ.
ຄະນະກວດກາລະຫວ່າງຂະແໜງຂົງເຂດສິນໃນນ້ຳຂອງແຂວງ ຟູ໋ກວກ ໄດ້ສົມທົບກັບບັນດາກອງກົມກອງທະຫານປ້ອງກັນຊາຍແດນ ກຽນຢາງ ທີ່ຕັ້ງທັບໃນບໍລິເວນແຂວງໄປກວດກາ ແລະ ຄວບຄຸມຢ່າງເຂັ້ມງວດຕໍ່ບັນດາກຳປັ່ນຫາປາອອກຈາກທ່າກຳປັ່ນ ແລະ ເຂົ້າ, ອອກທ່າເຮືອ, ຮັບປະກັນເງື່ອນໄຂຄວາມປອດໄພດ້ານເຕັກນິກຂອງກຳປັ່ນຫາປາ, ຈົດທະບຽນ, ໃບອະນຸຍາດການຫາປາ, ໃບຢັ້ງຢືນຂອງກັບຕັນເຮືອ, ຫົວໜ້າວິສະວະກອນ…ໂດຍສະເພາະແມ່ນການຄວບຄຸມຢ່າງເຂັ້ມງວດໃນການຕິດຕັ້ງ ແລະ ການເຊື່ອມຕໍ່ອຸປະກອນຕິດຕາມກຳປັ່ນຫາປາ (VMS) ສໍາລັບກຸ່ມກຳປັ່ນຫາປາ 15 ແມັດ ຫຼືຫຼາຍກວ່ານັ້ນ.
ບຸນຄົງ
