ການປະຕິຮູບການບໍລິຫານ: ໄມ້ງັດເພື່ອພັດທະນາເສດຖະກິດ, ສັງຄົມ
	ທ່ານ​ປະທານາທິບໍດີ Benin ຊົມ​ເຊີຍ​ບັນດາ​ຜົນງານ​ພັດທະນາ​ເສດຖະກິດ - ສັງຄົມ​ຂອງ ຫວຽດນາມ

ທີ່ການພົບປະກັບທ່ານລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ດາວງອກຢຸງ, 2 ຝ່າຍໄດ້ປຶກສາຫາລືກ່ຽວກັບການສືບຕໍ່ຮ່ວມມືເພື່ອຊຸກຍູ້ ແລະ ປະຕິບັດກອບໂຄງການວຽກເຮັດງານທຳທີ່ເໝາະສົມໄລຍະ 2022-2026. ທ່ານນາງ Asada-Miyakawa ແບ່ງປັນວ່າ: ອົງການແຮງງານສາກົນຕີລາຄາສູງຄຳໝັ້ນສັນຍາຂອງ ຫວຽດນາມ ໃນການຮັບປະກັນການປະກັນສັງຄົມ ແລະ ວິວັດການປະຕິຮູບກົດໝາຍວ່າດ້ວຍແຮງງານ, ໃນນັ້ນມີການປະກາດໃຊ້ປະມວນກົດໝາຍວ່າດ້ວຍແຮງງານປີ 2019 ພ້ອມທັງມານະພະຍາຍາມແກ້ໄຂບັນດາກົດໝາຍອື່ນຄື: ກົດໝາຍວ່າດ້ວຍວຽກເຮັດວານທຳ. ກົດໝາຍ ວ່າດ້ວຍການປະກັນສັງຄົມ, ກົດໝາຍວ່າດ້ວຍ ກຳມະບານ; ເນັ້ນໜັກວ່າ, ILO ພ້ອມແລ້ວທີ່ຈະໃຫ້ການຊ່ວຍເຫຼືອດ້ານເຕັກນິກ, ພ້ອມກັບຫວຽດນາມ ແລະ ກະຊວງແຮງງານ, ທະຫານເສຍອົງຄະ ແລະ ສັງຄົມໃນບັນດາບັນຫາສຳຄັນດັ່ງກ່າວ.

ທ່ານນາງ Asada-Miyakawa ແລະ ​ທ່ານ​ລັດຖະມົນຕີ ດາວງອກຢຸງ

ເນື່ອງ​ໃນ​ໂອກາດ​ນີ້, ທ່ານນາງ Asada-Miyakawa ​ໄດ້​ສົ່ງ​ຄຳ​ເຊີນ​ທ່ານ​ລັດຖະມົນຕີ ດາວງອກຢຸງ ​ເພື່ອ​ເຊີນ​ຫວຽດນາມ ກາຍ​ເປັນ​ປະ​ເທດນຳໜ້າໃຫ້​ຂໍ້​ລິ​ເລີ່​ມ “ການ​ສົ່ງ​ເສີມ​ວຽກ​ເຮັດ​ງານ​ທຳ ​ແລະ ການ​ປະກັນ​ສັງຄົມ​ທົ່ວ​ໂລກ​ມຸ່ງ​ໄປ​ສູ່​ການ​ຫັນປ່ຽນ​ຢ່າງ​ສະ​ເໝີ​ພາບ” ຂອງ​ທ່ານ​ເລຂາທິການ​ໃຫຍ່ ສະ​ຫະ​ປະ​ຊາ​ຊາດ. ທ່ານ Asada-Miyakawa ຢືນຢັນວ່າ: ຫວຽດນາມ ຖືເປັນປະເທດມີຄວາມສາມາດບົ່ມຊ້ອນອັນໃຫຍ່ຫຼວງ ເພື່ອນຳຂໍ້ລິເລີ່ມນີ້ໃຫ້ປະສົບຜົນສຳເລັດ ແລະ ເປັນແຮງບັນດານໃຈໃຫ້ບັນດາປະເທດອື່ນ, ພິເສດແມ່ນບັນດາບຸລິມະສິດຂອງ ຫວຽດນາມ ກ່ຽວກັບການສ້າງວຽກເຮັດງານທຳ, ປະກັນສັງຄົມ ແລະ ຄວາມຍືນຍົງດ້ານສິ່ງແວດລ້ອມ.

ຄຳຮຸ່ງ