 |
| ທ່ານນາຍົກລັດຖະມົນຕີ ຟ້າມມິງຈີງ ແລະ ທ່ານນາຍົກລັດຖະມົນຕີ ສິງກະໂປ ຫຼີິຊຽນຫຼົງ (ພາບ: TTXVN) |
ຕາມທ່ານ ປ.ອ ຟ້າມດຶກມິງ, ສັງກັດອົງການວິທະຍາສາດ, ເຕັກໂນໂລຊີ ແລະ ຄົ້ນຄວ້າຂອງລັດຖະບານ ສິງກະໂປ ແລ້ວ, ການຢ້ຽມຢາມມີລັກສະນະເປີດສາກໃຫ້ແກ່ບັນດາການເຄື່ອນໄຫວສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ລະຫວ່າງ ສອງປະເທດ.
ຕີລາຄາກ່ຽວກັບການຢ້ຽມຢາມ ສິງກະໂປ ຢ່າງເປັນທາງການຂອງທ່ານນາຍົກລັດຖະມົນຕີ ຟ້າມມິງຈີງ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງ ຫວຽດນາມ ນັບແຕ່ວັນທີ 8 ເຖິງ 10 ກຸມພາ, ທ່ານ ປ.ອ ຟ້າມດຶກມິງ ສັງກັດອົງການວິທະຍາສາດ, ເຕັກໂນໂລຊີ ແລະ ຄົ້ນຄວ້າຂອງລັດຖະບານ ສິງກະໂປ ໃຫ້ຂໍ້ສັງເກດວ່າ ການຢ້ຽມຢາມໄດ້ປະກອບສ່ວນຊຸກຍູ້ການພົວພັນສອງຝ່າຍ, ໂດຍສະເພາະການຮ່ວມມືດ້ານເສດຖະກິດ ໃນສະພາບການທີ່ທົ່ວໂລກມີຄວາມຜັນແປຫຼາຍຢ່າງໃນໄລຍະມໍ່ໆມານີ້.
ເມື່ອແລກປ່ຽນກັບນັກຂ່າວສຳນັກຂ່າວສານ ຫວຽດນາມ ປະຈຳ ສິງກະໂປ, ທ່ານ ປ.ອ ຟ້າມດຶກມິງ ໄດ້ຊີ້ແຈ້ງວ່າ ການຢ່ຽມຢາມໄດ້ເປີດສາກໃຫ້ແກ່ການເຄື່ອນໄຫວສະເຫຼີມສະຫຼອງ ວັນສ້າງຕັ້ງສາຍພົວພັນທາງການທູດ ລະຫວ່າງ ຫວຽດນາມ - ສິງກະໂປ ຄົບຮອບ 50 ປີ. ການຢ້ຽມຢາມກໍ່ໄດ້ປະກອບສ່ວນປັບປຸງ, ຊຸກຍູ້ການພົວພັນຂອງ ຫວຽດນາມ ກັບບັນດາປະເທດ ອາຊຽນ ແລະ ສະແດງໃຫ້ເຫັນບົດບາດ, ຖານະບົດບາດຂອງ ຫວຽດນາມ ທີ່ກໍາລັງສູງຂຶ້ນໃນພາກພື້ນ.
ທ່ານ ປ.ອ ຟ້າມດຶກມິງ ກໍ່ຕີລາຄາວ່າການຢ້ຽມຢາມບັນລຸໄດ້ໝາກຜົນທີ່ແທດຈິງທີ່ສຸດ, ໃນນັ້ນນຳມາເຊິ່ງກຳລັງໜູນພັດທະນາ ເສດຖະກິດດີຈີຕອນ, ເສດຖະກິດສີຂຽວ - ເຊິ່ງແມ່ນສອງຂະແໜງປາຍແຫຼມຂອງພື້ນຖານເສດຖະກິດ ຫວຽດນາມ ໃນໄລຍະຈະມາເຖິງ.
ບຸນຄົງ
