| ນຳການພົວພັນຄູ່ຮ່ວມມື ແລະ ຮ່ວມມືຍຸດທະສາດ ຫວຽດນາມ - ຝລັ່ງ ໄປສູ່ໄລຍະພັດທະນາໃໝ່ | |
| ຕໍ່ກຳລັງໜູນໃໝ່ໃຫ້ແກ່ສາຍພົວພັນຄູ່ຮ່ວມມື, ການຮ່ວມມືຍຸດທະສາດຮອບດ້ານ ຫວຽດນາມ-ຈີນ |
 |
| ທ່ານເລຂາທິການໃຫຍ່ ຫງວຽນຝຸຈ້ອງ ແລະ ທ່ານນາຍົກລັດຖະມົນຕີ ເຢຍລະມັນ Olaf Scholz (ພາບ: TTXVN) |
ລັດຖະບານ ເຢຍລະມັນ ໃຫ້ຮູ້ວ່າ ການຮ່ວມມືກັບ ຫວຽດນາມ ແມ່ນຈຳເປັນເພື່ອສະໜອງສິນຄ້າສາທາລະນະທີ່ມີລັກສະນະທົ່ວໂລກ ແລະ ແກ້ໄຂບັນດາບັນຫາທົ່ວໂລກໃນອະນາຄົດ, ຍົກຕົວຢ່າງຄືການປ່ຽນແປງຂອງດິນຟ້າອາກາດ.
ລັດຖະບານ ເຢຍລະມັນ ຕີລາຄາສູງການຮ່ວມມືພັດທະນາກັບ ຫວຽດນາມ, ເນັນໜັກເຖິງລັກສະນະປະສິດທິຜົນ ແລະ ມີຄຸນນະພາບໃນການຮ່ວມມືສອງຝ່າຍ.
ການຕີລາຄາດັ່ງກ່າວ ໂດຍລັດຖະບານ ເຢຍລະມັນ ຍົກອອກມາເມື່ອຕອບຄຳຖາມຂອງສະມາຊິກລັດຖະສະພາປະເທດນີ້ກ່ຽວກັບບັນຫາຮ່ວມມືພັດທະນາຂອງ ເຢຍລະມັນ ກັບ ຫວຽດນາມ. ລັດຖະບານ ເຢຍລະມັນ ໄດ້ເລືອກເອົາ ຫວຽດນາມ ແມ່ນໜຶ່ງໃນ 8 ຄູ່ຮ່ວມມືທົ່ວໂລກ, ພ້ອມກັບ ບຣາຊິນ, ຈີນ, ອິນເດຍ, ອິນໂດເນເຊຍ, ເມັກຊີໂກ, ເປຣູ ແລະ ອາບຟຼິກກາໃຕ້. ການຮ່ວມມືກັບກຸ່ມປະເທດກວມເອົາ 45% ປະຊາກອນທົ່ວໂລກນີ້ ແມ່ນເພື່ອແນໃສ່ຊອກຫາວິທີການລວມໃຫ້ບັນດາບັນຫາທົ່ວໂລກໃນອະນາຄົດຕໍ່ການພັດທະນາແບບຍືນຍົງ, ຫຼຸດການປ່ອຍທາດກາກບອນລົງ, ມີຄວາມສາມາດຟື້ນຟູ ແລະ ມີລັກສະນະກວມລວມ.
ໄປຄຽງຄູ່ກັນນັ້ນ, ໃນການຮ່ວມມືພັດທະນາ, ເຢຍລະມັນ ກໍ່ຍູ້ແຮງການນຳໃຊ້ຮູບແບບ “ການຮ່ວມມືສາມແຈ” (ການຮ່ວມມືສາມຝ່າຍ) ດ້ວຍບັນດາປະເທດນີ້ ເພື່ອແນໃສ່ຊຸກຍູ້ການຮ່ວມມືຢ່າງທີ່ມີຍຸດທະສາດກ່ວາໃນຄວາມມານະພະຍາຍາມປົກປ້ອງສິນຄ້າສາທາລະນະທີ່ມີລັກສະນະທົ່ວໂລກ ຄືດິນຟ້າອາກາດ ຫຼື ບັນດາຜືນປ່າເຂດຮ້ອນ. ໂດຍອີງຕາມຄວາມສາມາດ ແລະ ຄວາມສຳຄັນໃນພາກພື້ນຂອງບັນດາປະເທດ, ລັດຖະບານ ເຢຍລະມັນ ຖືການຮ່ວມມືກັບກຸ່ມປະເທດນີ້ແມ່ນສຳຄັນເພື່ອພ້ອມກັນຮັບມືກັບບັນດາສິ່ງທ້າທາຍໃນທົ່ວໂລກ, ໃນນັ້ນແຕ່ລະປະເທດກໍ່ມີການປະກອບສ່ວນຕາມວິທີການສະເພາະຂອງຕົນ.
ລັດຖະບານ ເຢຍລະມັນ ຕີລາຄາສູງການພັດທະນາຢ່າງແຮງກ່ຽວກັບເສດຖະກິດຂອງ ຫວຽດນາມ ໃນ 3 ທົດສະວັດທີ່ຜ່ານມາ. ຖ້າວ່າໃນປີ 1993, ຫວຽດນາມ ຍັງມີ 80% ປະຊາກອນພວມປະສົບກັບຄວາມຫຍຸ້ງຍາກ ແລະ ທຸກຍາກ ແຕ່ຮອດປີ 2020, ຕົວເລກນີ້ພຽງແຕ່ 5% ເທົ່ານັ້ນ. ຫວຽດນາມ ມີການພັດທະນາຢ່າງຕັ້ງໜ້ານີ້ ສ່ວນຫຼາຍແມ່ນການປະຕິຮູບການຕະຫຼາດ, ເປີດປະຕູໃຫ້ແກ່ບັນດານັກລົງທຶນຕ່າງປະເທດ, ນຳໃຊ້ ແລະ ປົກປ້ອງສິດກຳມະສິດເອກະຊົນ.
ຍ້ອນການພັດທະນາທາງດ້ານເສດຖະກິດທີ່ພົ້ນເດັ່ນພ້ອມກັບບົດບາດແມ່ນສະມາຊິກທີ່ມີຜົນສະທ້ອນໃນອາຊຽນ, ລັດຖະບານ ເຢຍລະມັນ ກໍ່ສັງເຫດວ່າ ຫວຽດນາມ ມີຄວາມສຳຄັນໃນທົ່ວໂລກ ແລະ ພາກພື້ນ. ການຮ່ວມມືກັບ ຫວຽດນາມ ແມ່ນຈຳເປັນເພື່ອສະໜອງສິນຄ້າສາທາລະນະທີ່ມີລັກສະນະທົ່ວໂລກ ແລະ ແກ້ໄຂບັນດາບັນຫາທົ່ວໂລກໃນອະນາຄົດ, ຄືການປ່ຽນແປງຂອງດິນຟ້າອາກາດ, ປົກປ້ອງປ່າ, ປົກປັກຮັກສາຊີວະນາໆພັນ, ລະບົບສະໜອງແບບຍືນຍົງ, ພັດທະນາເສດຖະກິດແບບຍືນຍົງ.
ກ່ຽວກັບການຮ່ວມມືພັດທະນາກັບ ຫວຽດນາມ, ລັດຖະບານ ເຢຍລະມັນ ໃຫ້ຮູ້ວ່າ ຮັບແຕ່ປີ 2018 ມາຮອດປັດຈຸບັນ, ທຶນໜູນຊ່ວຍພັດທະນາຢ່າງເປັນທາງການເຊິ່ງ ເຢຍລະມັນ ສະໜອງໃຫ້ແກ່ ຫວຽດນາມ ຕາມຮູບແບບການຮ່ວມມືສາມແຈ ໄດ້ບັນລຸ 1,528 ລ້ານ ເອີໂຣ. ໃນປີ 2021, ລັດຖະບານ ເຢຍລະມັນ ໃຫ້ຄຳໝັ້ນສັນຍາໜູນຊ່ວຍການຮ່ວມມືພັດທະນາ ແລະ ການຮ່ວມມືດ້ານເຕັກນິກໃຫ້ແກ່ ຫວຽດນາມ ທີ່ມີມູນຄ່າ 152,11 ລ້ານ ເອີໂຣ. ໃນຂອບເຂດຂໍ້ລິເລີ່ມປົກປ້ອງດິນຟ້າອາກາດສາກົນ, ປັດຈຸບັນມີ 7 ໂຄງການສອງຝ່າຍທີ່ພວມໄດ້ຮັບການຜັນຂະຫຍາຍ ດ້ວຍມູນຄ່າປະມານ 25,4 ລ້ານ ເອີໂຣ, ສຸມໃສ່ການໃຫ້ຄຳປຶກສານະໂຍບາຍທາງດ້ານດິນຟ້າອາກາດກ່ຽວກັບຫົວຂໍ້ ຫຼຸດການປ່ອຍອາຍພິດເຮືອນແກ້ວລົງ, ຮັບມືກັບຜົນກະທົບຈາກການປ່ຽນແປງຂອງດິນຟ້າອາກາດ ແລະ ປົກປັກຮັກສາຊີວະນາໆພັນ.
ໂດຍລວມແລ້ວ, ລັດຖະບານ ເຢຍລະມັນ ຕີລາຄາວ່າ ໝາກຜົນການຮ່ວມມືພັດທະນາກັບ ຫວຽດນາມ ແມ່ນ “ປະສົບຜົນສຳເລັດ; ຄຸນນະພາບການຮ່ວມມືກໍຄືປະສິດທິຜົນຂອງການຮ່ວມມືສາມແຈກັບ ຫວຽດນາມ ແມ່ນ “ດີຫຼາຍ”. ນະໂຍບາຍພັດທະນາຂອງ ເຢຍລະມັນ ສວມບົດບາດສຳຄັນໃນການເພີ່ມທະວີການພົວພັນດ້ານການເມືອງກັບ ອາຊຽນ, ໃນນັ້ນມີບັນດານະໂຍບາຍສິ່ງແວດລ້ອມ-ດິນຟ້າອາກາດ-ພະລັງງານ, ການປົກຄອງທີ່ດີ, ບຳລຸງສ້າງວິຊາຊີບ, ເຊື່ອມໂຍງ, ກົດໝາຍສາກົນ, ຄວາມເປັນລະບຽບຮຽບຮ້ອຍທາງສາກົນທີ່ອີງໃສ່ກົດໝາຍ ແລະ ສິດທິມະນຸດ.
ລັດຖະບານ ເຢຍລະມັນ ກໍ່ມີແຜນນະໂຍບາຍຊຸກຍູ້ ແລະ ປັບປຸງການຮ່ວມມືດ້ານເສດຖະກິດກັບຫວຽດນາມ ໂດຍຜ່ານບັນດາວິທີການທີ່ມີຢູ່ແລ້ວຄື: ຄະນະກຳມະການປະສົມກ່ຽວກັບການຮ່ວມມືດ້ານເສດຖະກິດ ຫວຽດນາມ - ເຢຍລະມັນ, ພິເສດແມ່ນນັບແຕ່ເວລາສັນຍາການຄ້າເສລີລະຫວ່າງ ຫວຽດນາມ ແລະ ສະຫະພາບເອີລົບ (EVFTA) ມີຜົນສັກສິດແຕ່ປີ 2020. ຫວຽດນາມ ກໍ່ແມ່ນຈຸດສໍາຄັນ ເມື່ອເຢຍລະມັນ ຫັນລະບົບສະໜອງເປັນຫຼາຍຮູບແບບ. ການຫັນປ່ຽນດ້ານພະລັງງານຂອງຫວຽດນາມ ໄດ້ຮັບການໜູນຊ່ວຍຢ່າງສະເໝີພາບທາງສັງຄົມ.
ລັດຖະບານ ເຢຍລະມັນ ກໍ່ຕີລາຄາວ່າ: ການຮ່ວມມືພັດທະນາຂອງ ເຢຍລະມັນ ໄດ້ປະກອບສ່ວນໜູຊ່ວຍການເປີດປະຕູເສດຖະກິດຂອງຫວຽດນາມໃນຊຸມປີມໍ່ໆມານີ້, ຊ່ວຍໃຫ້ຫວຽດນາມພັດທະນາແບບຍືນຍົງ, ປະຕິບັດວິວັດການຫັນປ່ຽນພະລັງງານແບບຍືນຍົງ ແລະ ຄວາມຍຸຕິທຳສັງຄົມ, ເພີ່ມທະວີການຕ້ານການປ່ຽນແປງຂອງດິນຟ້າອາກາດ ແລະ ຄວບຄຸມພະຍາດລະບາດ...
ໃນການຢ້ຽມຢາມຫວຽດນາມ ໃນກາງເດືອນພະຈິກ 2022, ທ່ານນາຍົກລັດຖະມົນຕີ ເຢຍລະມັນ Olaf Scholz ໄດ້ຢືນຢັນຄວາມສຳຄັນຂອງທີ່ຕັ້ງ ແລະ ຖານະບົດບາດຂອງ ຫວຽດນາມ ໃນຍຸດທະສາດຂອງ ເຢຍລະມັນ ສຳລັບພາກພື້ນ ມະຫາສະໝຸດອິນເດຍ - ປາຊີຟິກ. ທ່ານນາຍົກລັດຖະມົນຕີ Olaf Scholz ຢືນຢັນວ່າ ສຳລັບ ເຢຍລະມັນ, ຫວຽດນາມ ແມ່ນຄູ່ຮ່ວມມືສຳຄັນທີ່ສຸດຂອງລັດຖະບານ ແລະ ວິສາຫະກິດ ເຢຍລະມັນ.
ເມື່ອເຕື້ອງເຖິງການປົກປັກຮັກສາສິ່ງແວດລ້ອມ ແລະ ການຫັນປ່ຽນພະລັງງານ, ທ່ານນາຍົກລັດຖະມົນຕີ ເຢຍລະມັນ ໃຫ້ຮູ້ວ່າ: ຫວຽດນາມ ແມ່ນໜຶ່ງໃນບັນດາປະເທດທີ່ໄດ້ຮັບຜົນກະທົບຢ່າງໜັກໜ່ວງຈາກການປ່ຽນແປງຂອງດິນຟ້າອາກາດ. ເຢຍລະມັນ ປາດຖະໜາຢາກໜູນຊ່ວຍ ຫວຽດນາມ ບັນລຸເປົ້າໝາຍຫຼຸດຜ່ອນການປ່ອຍອາຍພິດ CO2 . ບັນດາໂຄງການເຈລະຈາດ້ານພະລັງງານລະຫວ່າງ ຫວຽດນາມ ແລະ ເຢຍລະມັນ ໄດ້ເລີ່ມດຳເນີນໃນປີ 2022 ສ້າງພື້ນຖານໃຫ້ 2 ປະເທດແລກປ່ຽນກ່ຽວກັບບັນດາກາລະໂອກາດ ແລະ ສິ່ງທ້າທາຍ.
ນອກຈາກນັ້ນ, ທ່ານນາຍົກລັດຖະມົນຕີ Olaf Scholz ໃຫ້ຮຸ້ວ່າ ເຢຍລະມັນ ກໍ່ສະໜັບສະໜູນ ຫວຽດນາມ ໃນການເຄື່ອນໄຫວຂອງ ອາຊຽນ, ຜ່ານນັ້ນ ກໍ່ຊຸກຍູ້ການພົວພັນຄູ່ຮ່ວມມືລະຫວ່າງ ເຢຍລະມັນ ແລະ ອາຊຽນ ຕື່ມອີກ.
ບຸນຄົງ
