| ນັກຮຽນພາສາຫວຽດ ຢູ່ໂຮນລັງ ຫໍ່ເຂົ້າຕົ້ມຮັບປີໃໝ່ | |
| ຄົ້ນຫາວັດທີ່ເປັນເອກະລັກສະເພາະຢູ່ແຂວງຈ່າວິງ |
 |
| ພາບປະກອບ: Telegraph. |
ຫວຽດນາມ ລອດເຂົ້າໃນບັນຊີລາຍຊື່ຈຸດນັດພົບທີ່ຄວນຄົ້ນຫາຢູ່ອາຊີ
ຕາມໜັງສືພິມ Telegraph (ອັງກິດ) ແລ້ວ, ປັດຈຸບັນ ແມ່ນຈຸດເວລາເໝາະສົມທີ່ສຸດເພື່ອຄົ້ນຫາອາຊີ. ໃນນັ້ນ, ຫວຽດນາມ ແມ່ນໜຶ່ງໃນບັນດາຈຸດນັດພົບຄວນມາໃນທັນທີ.
ພາຍຫຼັງພະຍາດໂຄວິດ - 19, ອາຊີ ພວມເປີດການບໍລິການທ່ອງທ່ຽວໃຫ້ແກ່ແຂກທ່ອງທ່ຽວທົ່ວໂລກ. ການບໍລິການເດີນທາງທາງການບິນ, ທາງທະເລ ແລະ ທາງບົກພວມໄດ້ຮັບການຟື້ນຟູ, ບັນດາສະໜາມບິນພວມຄຶກຄື້ນມ່ວນຊື່ນ, ຖັນແຖວລົດແທັກຊີ ກໍ່ພວມກະຕື້ລືຫຼົ້ນ ເມື່ອຈຳນວນແຂກທ່ອງທ່ຽວມາເປັນຈຳນວນຫຼາຍ.
ດັ່ງນັ້ນ, ໜັງສືພິມ Telegraph ຖືວ່າ ປັດຈຸບັນ ແມ່ນຈຸດເວລາເໝາະສົມ ເພື່ອປະຕິບັດການເດີນທາງທ່ອງທ່ຽວ ໜຶ່ງ ຫຼື ຫຼາຍປະເທດທີ່ເປັນເອກະລັກສະເພາະຂອງອາຊີ. ສາຍເຫດແມ່ນຈຳນວນແຂກທ່ອງທ່ຽວຢູ່ແຫ່ງນີ້ຍັງບໍ່ຫຼາຍປານໃດ ແລະ ແຂກທ່ອງທ່ຽວອາດຈະມີການລົງພຶດຕິກຳຕົວຈິງທີ່ຈັບອົກຈັບໃຈຢູ່ ອາຊີ ຕື່ມອີກ.
ເພື່ອຊ່ວຍໃຫ້ແຂກທ່ອງທ່ຽວສາມາດມີການເລືອກເອົາຢ່າງງ່າຍດາຍ, ໜັງສືພິມ Telegraph ໄດ້ຍົກອອກບັນຊີລາຍຊື່ບັນດາສະຖານທີ່ທ່ອງທ່ຽວຢູ່ ອາຊີ ແລະ ຫວຽດນາມ ຢູ່ຕຳແໜ່ງທຳອິດ.
ເວົ້າເຖິງ ຫວຽດນາມ, ໜັງສືພິມນີ້ ໃຫ້ຮູ້ວ່າ ມີທິວທັດທຳມະຊາດທີ່ສວຍງາມ ແລະ ມີຫຼາຍສິ່ງທີ່ຈັບອົກຈັບໃຈ ແຕ່ເໜືອຮອດໃຕ້. ຢູ່ນະຄອນຫຼວງຮ່າໂນ້ຍ, ແຂກທ່ອງທ່ຽວອາດຈະຄົ້ນຫາເສັ້ນທາງຢູ່ອ້ອມແອ້ມໜອງ ຮ່ວານກຽມ ແລະ ຮັບຊົມການສະແດງຕຸກກະຕານ້ຳ ທີ່ເປັນມູນເຊື້ອ, ຫຼັງຈາກນັ້ນແມ່ນລົງພຶດຕິກຳຕົວຈິງ ດ້ວຍລົດໄຟ ທົ້ງເຍິດ ແລ່ນແຕ່ເໜືອຮອດໃຕ້ຂອງ ຫວຽດນາມ.
ກັບຄືນດ້ວຍຂະບວນການລົດໄຟ, ແຂກທ່ອງທ່ຽວສືບຕໍ່ມາຍັງນະຄອນໂຮ່ຈີມິນ ເພື່ອຄົ້ນຫາບາງເຂດຄ້າຂາຍ ແລະ ກິນດື່ມທີ່ເປັນຫຼາຍຮູບແບບ, ກໍ່ຄືຢ້ຽມຊົມຫໍພິພິຕະພັນຫຼັກຖານສົງຄາມ - ສະຖານທີ່ທ່ອງທ່ຽວທີ່ມີຊື່ສຽງ ເພື່ອຊອກຮູ້ກ່ຽວກັບປະຫວັດສາດ ຫວຽດນາມ.
ບຸນຄົງ
