ຈົດໝາຍອວຍພອນບຸນເຕັດຂອງທ່ານປະທານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ

10:09 | 22/01/2023

ຍສໝ - ໂດຍຕາງໜ້າຄະນະປະທານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ, ຂ້າພະເຈົ້າຂໍສົ່ງຄຳອວຍພອນອັນປະເສີດໄປຍັງຜູ້ປະຕິບັດວຽກງານການທູດປະຊາຊົນ ຂອງສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ແລະ ຜູ້ອ່ານຂອງ ວາລະສານຍຸກສະໄໝ ເນື່ອງໃນໂອກາດລະດູບານໃໝ່ປີແມວ 2023 ນີ້!

	ສະຫະພັນບັນດາອົງການຈັດຕັ້ງມິດຕະພາບແຂວງ ອຽນບ໊າຍ ພ້ອມກັບບັນດາຜູ້ໃຈບຸນໃຈກຸສົນມອບເສື້ອກັນໜາວ ແລະ ຂອງຂວັນບຸນເຕັດໃຫ້ແກ່ນ້ອງນ້ອຍ
	ຢັ້ງຢືນທີ່ຕັ້ງຂອງ ຫວຽດນາມ ໃນການເຊື່ອມໂຍງເສດຖະກິດ

ຫວນຄືນປີຂານ 2022, ຂ້າພະເຈົ້າຮູ້ສຶກປິຕິຊົມເຊີຍເມື່ອເຫັນໄດ້ຄວາມຕັດສິນໃຈຕໍ່ການປ່ຽນແປງໃໝ່ນັບທັງທາງດ້ານແນວຄິດ ແລະ ການກະທຳ, ທົ່ວລະບົບສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ນັບແຕ່ຂັ້ນສູນກາງລົງຮອດທ້ອງຖິ່ນໄດ້ມີຄວາມສາມັກຄີ, ຮ່ວມແຮງຮ່ວມໃຈ, ຜ່ານຜ່າຄວາມຫຍຸ້ງຍາກ ແບບທີ່ບໍ່ເຄີຍມີມາກ່ອນ, ຜັນຂະຫຍາຍໜ້າທີ່ໃນທຸກຂົງເຂດຢ່າງຄົບຊຸດ ແລະ ຮອບດ້ານ: ເຄື່ອນໄຫວສັນຕິພາບ, ສາມັກຄີ, ມິດຕະພາບ, ການພົວພັນ, ວຽກງານຊາວຫວຽດນາມ ອາໄສຢູ່ຕ່າງປະເທດ, ຄົ້ນຄ້ວາເປັນເສນາທິການ, ຖະແຫຼງຂ່າວການຕ່າງປະເທດ, ຂົນຂວາຍບັນດາອົງການບໍ່ຂຶ້ນກັບລັດຖະບານຕາງປະເທດ, ຄົ້ນຄ້ວາເປັນເສນາທິການ, ຖະແຫຼງຂ່າວການຕ່າງປະເທດ, ວຽກງານຊາວຫວຽດນາມ ອາໄສຢູ່ຕາງປະເທດ ແລະ ກໍ່ສ້າງ, ພັດທະນາອົງການຈັດຕັ້ງ. ດ້ວຍການເຄື່ອນໄຫວທີ່ມີເນື້ອໃນຢ່າງເລິກເຊິ່ງ ແລະ ດ້ວຍຮູບແບບທີ່ອຸດົມສົມບູນ, ໃນການພົວພັນສອງຝ່າຍ ແລະ ຫຼາຍຝ່າຍ, ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ໄດ້ປະຕິບັດສຳເລັດທຸກເປົ້າໝາຍທີ່ ທີ່ໄດ້ວາງອອກ, ປະກອບສ່ວນປັບປຸງນ້ຳໃຈມິດຕະພາບ, ນຳການພົວພັນຮ່ວມມືລະຫວ່າງປະຊາຊົນ ຫວຽດນາມ ກັບປະຊາຊົນບັນດາປະເທດນັບມື້ນັບເຂົ້າສູ່ລວງເລິກ, ມີປະສິດທິຜົນ, ສົມກັບບົດບາດເປັນກຳລັງຫຼັກແຫຼ່ງໃນຂົງເຂດການທູດປະຊາຊົນ.

ຈົດໝາຍອວຍພອນບຸນເຕັດຂອງທ່ານປະທານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ

ທ່ານນາງ ຫງວຽນເຟືອງງາ, ປະທານສະຫະພັນບັນດາອົງການມິດຕະພາບ ຫວຽດນາມ

ໂດຍຕາງໜ້າຄະນະປະທານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ຂ້າພະເຈົ້າຂໍສະແດງຄວາມຂອບໃຈໄປຍັງສະມາຊິກລະບົບສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ແລະ ເພື່ອນມິດ, ຄູ່ຮ່ວມມືສາກົນ ກ່ຽວກັບບັນດາຄວາມມານະພຍະຍາມອັນຍິ່ງໃຫຍ່ ແລະ ການປະກອບສ່ວນອັນລ້ຳຄ່າເຂົ້າໃນຜົນສຳເລັດຂອງວຽກງານການທູດປະຊາຊົນໃນປີຜ່ານມາ.

ກ້າວເຂົ້າສູ່ປີ 2023, ໂດຍເປັນປີບານພັບ ເພື່ອປະຕິບັດມະຕິກອງປະຊຸມໃຫຍ່ຄັ້ງ ທີ 13 ຂອງພັກ, ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ໄດ້ກຳນົດໜ້າທີ່ຈຸດສຸມ ແມ່ນ “ການທູດປະຊາຊົນຮັບໃຊ້ການພັດທະນາເສດຖະກິດ - ສັງຄົມ”. ເສີມຂະຫຍາຍໝາກຜົນອັນດີງາມທີ່ບັນລຸໄດ້, ຕິດແທດທິດທາງ “ເປັນເຈົ້າການ, ມີໄຫວພິບ, ປະດິດຄິດສ້າງ, ມີປະສິດທິຜົນ”, ທົ່ວລະບົບສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ຈະຕັ້ງໜ້າຜັນຂະຫຍາຍບັນດາການເຄື່ອນໄຫວການທູດປະຊາຊົນທີ່ສະໜິດຕິດພັນກັບບັນດາເປົ້າໝາຍ ພັດທະນາຂອງປະເທດຊາດ, ນຳການພົວພັນມິດຕະພາບກັບປະຊາຊົນບັນດາປະເທດນັບມື້ນັບເຂົ້າສູ່ລວງເລິກ, ແທດຈິງ, ປະກອບສ່ວນເຂົ້າໃນພາລະກິດແຫ່ງການພັດທະນາ - ສັງຄົມຂອງປະເທດຊາດ ຢ່າງມີປະສິດທິຜົນ. ຂ້າພະເຈົ້າເຊື່ອໝັ້ນວ່າ ສະມາຊິກໝົດທຸກຄົນ ໃນລະບົບສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ຈະຮ່ວມແຮງຮ່ວມໃຈ, ຕັດສິນໃຈຜ່ານຜ່າທຸກຄວາມຫຍຸ້ງຍາກສິ່ງທ້າທາຍ, ມານະພະຍາຍາມສູ້ສົນປະຕິບັດສຳເລັດໜ້າທີ່ໃຫ້ເປັນຢ່າງດີ, ຮັບປະກັນການປະຕິບັດບົດບາດເປັນເສົາຄ້ຳຂອງການທູດຫວຽດນາມ ຢ່າງຮອບດ້ານ ແລະ ທັນສະໄໝ ເປັນຢ່າງດີ, ປະກອບສ່ວນພ້ອມກັບພັກ, ທົ່ວປວງຊົນ, ທົ່ວກອງທັບ ປົກປ້ອງ ແລະ ສ້າງສາປະເທດຊາດຫວຽດນາມ ໃຫ້ໝັ້ນແກ່ນ ແລະ ເຂັ້ມແຂງແຮງກ້າ, ສີວິໄລ, ມີຄວາມຜາສຸກ, ປະກອບສ່ວນຢ່າງຕັ້ງໜ້າເຂົ້າໃນວຽກງານປັບປຸງສັນຕິພາບ ແລະ ນ້ຳໃຈມິດຕະພາບລະຫວ່າງຊາດ.

ໃນບັນຍາກາດອັນປິຕິຊົມຊື່ນ, ຕ້ອນຮັບລະດູບານໃໝ່, ຂໍອວຍພອນໃຫ້ຜູ້ປະຕິບັດວຽກງານການທູດປະຊາຊົນຂອງ ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ, ເພື່ອນມິດສາກົນ ຂອງຫວຽດນາມ ແລະ ຜູ້ອ່ານຂອງວາລະສານຍຸກສະໄໝ ໃນປີໃໝ່ປີແມວ ຈົ່ງມີແຕ່ຄວາມມ່ວນຊື່ນ, ມີຄວາມສະຫງົບສຸກ, ມີສຸຂະພາບທີ່ເຂັ້ມແຂງ, ຜາສຸກ ແລະ ປະສົບຜົນສຳເລັດໃນທຸກວຽກງານ.

ບຸນຄົງ