ຢັ້ງຢືນທີ່ຕັ້ງຂອງ ຫວຽດນາມ ໃນການເຊື່ອມໂຍງເສດຖະກິດ

16:25 | 06/01/2023

ຍສໝ - ດ້ວຍທີ່ຕັ້ງບົດບາດ ແລະ ອິດມິພົນຊື່ສຽງທີ່ນັບມື້ນັບໄດ້ຮັບການຢັ້ງຢືນ, ຫວຽດນາມ ພວມກ້າວເຂົ້າຮ່ວມໄລສະເຂົ້າຮ່ວມ, ເຊື່ອມຕໍ່ເສດຖະກິດສາກົນ ດ້ວຍທີ່ຕັ້ງບົດບາດໃໝ່, ມີຄວາມເຊື່ອໝັ້ນໃນການເຊື່ອມໂຍງເສດຖະກິດທົ່ວໂລກ ຕິດພັນກັບການສ້າງຄວາມເຂັ້ມແຂງດ້ວຍຕົນເອງເພື່ອແນໃສ່ຍົກສູງທີ່ຕັ້ງຂອງພື້ນຖານເສດຖະກິດ ຫວຽດນາມ ບົນເວທີສາກົນ.

	ສະຖານທູດ UAE ປະຈຳຫວຽດນາມ ຈັດຕັ້ງການແຂ່ງຂັນບານເຕະມິດຕະພາບປີ 2022
	ສ້າງປະຊາຄົມຊາວຫວຽດນາມ ອາໄສຢູ່ຕ່າງປະເທດ ມີສະຖຽນລະພາບ, ພັດທະນາ, ເຊື່ອມເຊື່ອມໂຍງຢ່າງສຳເລັດຜົນ

ຢັ້ງຢືນທີ່ຕັ້ງຂອງ ຫວຽດນາມ ໃນການເຊື່ອມໂຍງເສດຖະກິດ

ພາບປະກອບ

ດ້ວຍການກາຍເປັນສະມາຊິກຂອງອົງການການຄ້າໂລກ (WTO) ຢ່າງເປັນທາງການໃນປີ 2007, ມາຮອດປັດຈຸບັນ ຫວຽດນາມ ມີສັນຍາການຄ້າສອງຝ່າຍ ແລະ ຫຼາຍຝ່າຍກ່ວາ 500 ສະບັບ ໃນຫຼາຍຂົງເຂດ. ໃນນັ້ນ ພວກເຮົາໄດ້ເຂົ້າຮ່ວມສັນຍາການຄ້າເສລີ (FTA) 17 ສະບັບ, ສ້າງການພົວພັນເສດຖະກິດກັບ 230 ປະເທດ ແລະ ເຂດແຄ້ວນ, ກໍ່ຄືຄູ່ຮ່ວມມືຍຸດທະສາດຂອງ 17 ປະເທດ…

ດ້ວຍທີ່ຕັ້ງບົດບາດ ແລະ ອິດມິພົນຊື່ສຽງທີ່ນັບມື້ນັບໄດ້ຮັບການຢັ້ງຢືນ, ຫວຽດນາມ ພວມກ້າວເຂົ້າໄລຍະເຂົ້າຮ່ວມ, ເຊື່ອມຕໍ່ເສດຖະກິດສາກົນ ດ້ວຍທີ່ຕັ້ງບົດບາດໃໝ່, ມີຄວາມເຊື່ອໝັ້ນໃນການເຊື່ອມໂຍງເສດຖະກິດທົ່ວໂລກ ຕິດພັນກັບການສ້າງຄວາມເຂັ້ມແຂງດ້ວຍຕົນເອງເພື່ອແນໃສ່ຍົກສູງທີ່ຕັ້ງຂອງພື້ນຖານເສດຖະກິດ ຫວຽດນາມ ບົນເວທີສາກົນ.

ໄລຍະ 2020 – 2022 ໄດ້ເກີດການຜັນແປຫຼາຍຢ່າງເຮັດໃຫ້ພື້ນຖານເສດຖະກິດໂລກມີການຜັນແປຢ່າງສັບສົນ, ມີຄວາມສ່ຽງໄປຄຽວຄູ່ກັບການຊຸດໂຊມ ແລະ ຄວາມຫຍຸ້ງຍາກຫຼາຍຢ່າງ. ແຕ່ວ່າ, ຢູ່ບົດລາຍງານກວດກາຄືນການສະຖິຕິການຄ້າໂລກ ປີ 2020 ຂອງ WTO ໄດ້ຢັ້ງຢືນວ່າ ໃນຈຳນວນ 50 ປະເທດມີພື້ນຖານສິນຄ້າໃຫຍ່ທີ່ສຸດໃນໂລກນັ້ນ, ຫວຽດນາມ ໄດ້ຮັບຖືວ່າມີການເຕີບໂຕໃຫຍ່ທີ່ສຸດເມື່ອເລື່ອນຈາກລຳດັບທີ 39 ໃນປີ 2009 ຂຶ້ນລຳດັບທີ 20 (ໃນປີ 2020) ພື້ນຖານເສດຖະກິດແຖວໜ້າກ່ຽວກັບການຄ້າສາກົນ.

ຕາມການຕີລາຄາ ແລະ ຈັດອັນດັບຂອງເວທີປາໄສເສດຖະກິດໂລກ (WEF) ແລ້ວ, ໃນໄລຍະ 10 ປີ, ດັດຊະນີຄວາມສາມາດໃນການແກ້ງແຍ້ງທົ່ວໂລກ (GCI) ຂອງ ຫວຽດນາມ ໄດ້ປັບປຸງເລື່ອນຂຶ້ນ 13 ລຳດັບ, ຈາກ 68/131 (ປີ 2007) ຂຶ້ນ 55/137 (ປີ 2017). ກ່ຽວກັບການຄ້າ, ຖ້າຫາກວ່າໃນປີ 2006 ຍອດວົງເງິນການສົ່ງອອກນຳເຂົ້າຂອງ ຫວຽດນາມ ບັນລຸພຽງແຕ່ 84,7ຕື້ USD (ໃນນັ້ນ, ການສົ່ງອອກບັນລຸ 39,8 ຕື້ USD ແລະ ນຳເຂົ້າ ແມ່ນ 44,9 ຕື້ USD) ນັ້ນ, ມາຮອດປີ 2022, ເປັນຄັ້ງທຳອິດທີ່ຍອດວົງເງິນການນຳເຂົ້າສົ່ງອອກສິນຄ້າລື່ນກາຍລະດັບ 700 ຕື້ USD, ບັນລຸກ່ວາ 732,5 ຕື້ USD, ເພີ່ມຂຶ້ນປະມານ 9,5% ເມື່ອທຽບໃສ່ປີ 2021 (668,5 ຕື້ USD). ໃນນັ້ນ, ການສົ່ງອອກບັນລຸປະມານ 371,5 ຕື້ USD ເພີ່ມຂຶ້ນປະມານ 10,6% ລື່ນກາຍຄາດໝາຍແຜນການໂດຍສະພາແຫ່ງຊາດ ແລະ ລັດຖະບານມອບໝາຍໃຫ້ (ແຜນການເພີ່ມຂຶ້ນ 8%).

ພິເສດ ດູນການຄ້າ ກໍ່ໄດ້ຮັບການປັບປຸງຢ່າງຈະແຈ້ງ, ນັບແຕ່ການນຳເຂົ້າເກີດດູນໃນຫຼາຍປີຢ່າງລຽນຕິດ, ຈົນຮອດປີ 2016 ຍາມໃດກໍ່ບັນລຸການສົ່ງອອກເກີນດູນດ້ວຍລະດັບມູນຄ່າເພີ່ມຜ່ານແຕ່ລະປີນັບແຕ່ 1,77 ຕື້ USD (2016) ເພີ່ມຂຶ້ນ 19 ຕື້ USD (ໃນປີ 2020). ປີ 2020 ຢັ້ງຢືນແມ່ນປີທີ 7 ຢ່າງລຽນຕິດທີ່ ຫວຽດນາມມີການສົ່ງອອກເກີນດູນການຄ້າກ່ວາ 11 ຕື້ USD, ປະກອບສ່ວນຕັ້ງໜ້າເຂົ້າໃນການຍົກສູງການສຳຮອງເງິນຕາຕ່າງປະເທດ, ຮັກສາລະດັບແລກເງິນຕາ ແລະ ບັນດາດັດຊະນີເສດຖະກິດມະຫາພາກຕ່າງໆຂອງພື້ນຖານເສດຖະກິດເປັນປົກກະຕິ.

ໄປຄຽງຄູ່ກັນນ້ນ, ການສ້າງໂຄງປະກອບສິນຄ້າສົ່ງອອກກໍ່ໄດ້ຮັບການປັບປຸງຢ່າງຕໍ່ເນື່ອງຕາມທິດຕັ້ງໜ້າເມື່ອຫຼຸດການສົ່ງອອກວັດຖຸດິບ, ເພີ່ມການສົ່ງອອກຜະລິດຕະພັນປຸງແຕ່ງ, ອຸດສາຫະກຳ, ສ້າງເງື່ອນໄຂໃຫ້ແກ່ສິນຄ້າ ຫວຽດນາມ ເຂົ້າຮ່ວມລະບົບຜະລິດ ແລະ ສະໜອງທົ່ວໂລກຢ່າງເລິກເຊິ່ງ. ຕາມນັ້ນແລ້ວ, ມາດຕາຖ່ວງສິນຄ້າອຸດສາຫະກຳປຸງແຕ່ງໃນຍອດວົງເງິນການສົ່ງອອກໄດ້ເພີ່ມແຕ່ 80,3% (ປິ 2016) ຂຶ້ນລະດັບ 89,2% (2021). ຈຳນວນສິນຄ້າບັນລຸວົງເງິນການສົ່ງອອກກວ່າ 1ຕື້ USD ເພີ່ມແຕ່ 9 ປະເພດໃນປີ 2006 ຂຶ້ນເປັນ 36 ປະເພດໃນປີ 2022.

ບຸນຄົງ