ບັນດາພິທີການບູຊາເຂົ້າໃໝ່, ຂໍໃຫ້ມີສຸຂະພາບແຂງແຮງຂອງຄອບຄົວ ຫຼື ງານບຸນຂອງໝູ່ບ້ານພ້ອມກັນສະແດງຄ້ອງ, ຂັບພື້ນເມືອງ... ແມ່ນບັນດາຈຸດວັດທະນະທຳພື້ນເມືອງອັນດີງາມທີ່ຊາວເຜົ່າມົ້ງ ຢູ່ຕາແສງ ນໍ້ານຸງ ຍັງຮັກສາໄວ້. ພ້ອມກັນນັ້ນ, ພໍ່ແມ່ປະຊາຊົນກໍຍັງຄົງຮັກສາອາຊີບພື້ນເມືອງຄື ຫັດຖະກຳຖັກແສ່ວ, ສານຫວາຍ...
ປຸກລະດົມຄວາມງາມດ້ານວັດທະນະທຳຮີດຄອງປະເພນີຂອງຊາດ, ໃນປີຜ່ານມາ, ອໍານາດການປົກຄອງຂອງຕາແສງນໍ້ານຸງ ໄດ້ໜູນຊ່ວຍປະຊາຊົນພັດທະນາການທ່ອງທ່ຽວຊຸຸມຊົນເປັນເທື່ອລະກ້າວ.
ທ່ານ Y Kreo, ຮອງນາຍບ້ານ Yok Ju ໃຫ້ຮູ້ວ່າ: ປະຊາຊົນໄດ້ສ້າງຕັ້ງກຸ່ມໂຮມສະເຕ, ກຸ່ມອາຫານ ແລະ ກຸ່ມວັດທະນາທໍາພື້ນເມືອງເພື່ອຮັບໃຊ້ນັກທ່ອງທ່ຽວ...
ຕາມທ່ານ Y Kreo ແລ້ວ “ການສ້າງຮູບແບບການທ່ອງທ່ຽວກ່ອນອື່ນໝົດແມ່ນມຸ່ງໄປເຖິງຄວາມມຸ່ງມາດປາດຖະໜາຢາກຮັກສາເອກະລັກວັດທະນະທຳຂອງຊາດເຮົາ, ທີສອງແມ່ນສືບທອດອາຊີບພື້ນເມືອງຄື: ຕ່ຳແຜ່ນ, ຈັກສານ,... ແລະ ອາຫານການກິນຂອງບັນດາເຜົ່າ, ຈາກນັ້ນ ກໍໂຄສະນາບັນດາຜະລິດຕະພັນກະເສດທີ່ເຮັດເອງ ຄື: ກາເຟ. ໝາກໄມ້, ຜັກ... ເພື່ອຮັບໃຊ້ນັກທ່ອງທ່ຽວ ແລະ ສ້າງລາຍຮັບໃຫ້ແກ່ປະຊາຊົນ”.
ດ້ວຍພື້ນຖານປະຫວັດສາດວັດທະນະທໍາຕາແສງ ນໍ້ານຸງ (ເມືອງ Krông Nô), ແຂວງ ດັກນົງ ໄດ້ກຳນົດວ່າເປັນຈຸດໝາຍປາຍທາງໃນເສັ້ນທາງທ່ອງທ່ຽວ “ບົດເພງຂອງ ນ້ຳ ແລະ ໄຟ” ເຊິ່ງຂຶ້ນກັບ ສວນສາທາລະນະ ທໍລະນີສາດທົ່ວໂລກ UNESCO ດັກນົງ.
ບູນມີ
