ມະຫາວິທະຍາໄລເຕັກໂນໂລຊີຂໍ້ມູນຂ່າວສານ ແລະ ສື່ສານ ຫວຽດນາມ - ສ.ເກົາຫຼີ (VKU), ມະຫາວິທະຍາໄລດານັ້ງ, ອົງການຮ່ວມມືສາກົນ ສ.ເກົາຫຼີ (KOICA) ໄດ້ຈັດຕັ້ງພິທີເລີ່ມດໍາເນີນໂຄງການ “ຍົກສູງກຳລັງຄວາມສາມາດດ້ານການສຶກສາ - ບຳລຸງສ້າງ, ບໍລິຫານ ແລະ ຄົ້ນຄວ້າຂອງ ມະຫາວິທະຍາໄລເຕັກໂນໂລຊີຂໍ້ມູນຂ່າວສານ ແລະ ສື່ສານ ຫວຽດນາມ-ສ.ເກົາຫຼີ ໄລຍະ 2022 – 2027”.
KOICA ໜູນຊ່ວຍເກືອບ 8,5 ລ້ານ USD ເພື່ອສ້າງມະຫາວິທະຍາໄລດີຈີຕອນຢູ່ ຫວຽດນາມ.
ຕາມນັ້ນແລ້ວ, ໂຄງການມີຍອດຈຳນວນເງິນລົງທຶນເກືອບ 8,5 ລ້ານ USD, ໃນນັ້ນ 7,7 ລ້ານ USD ໄດ້ຄັດຈາກແຫຼ່ງທຶນຊ່ວຍເຫຼືອລ້າ ODA ຂອງລັດຖະບານ ສ.ເກົາຫຼີ ຜ່ານ KOICA.
ເປົ້າໝາຍຂອງໂຄງການແມ່ນສ້າງ VKU ໃຫ້ກາຍເປັນມະຫາວິທະຍາໄລດີຕີຕອນແຫ່ງທຳອິດຢູ່ພາກກາງ, ລວມມີ ພື້ນຖານໂຄງລ່າງດີຈີຕອນ, ລະບົບເຊີບເວີ, ອຸປະກອນ, ລະບົບ, ກົນຈັກອັດສະລິຍະ ແລະ ທັນສະໄໝ...
ໂຄງການດັ່ງກ່າວກໍ່ຈະບຳລຸງສ້າງ ແລະ ພັດທະນາຖັນແຖວຄູ ອາຈານໃຫ້ມີຄຸນວຸດທິສູງ, ເກັ່ງດ້ານວິຊາສະເພາະ, ເປັນມືອາຊີບ ແລະ ມີຄວາມສາມາດໃນການຄົ້ນຄວ້າຕາມມາດຕະຖານສາກົນ. ພິເສດແມ່ນໂຄງການຈະຊຸກຍູ້ການປ່ຽນແປງໃໝ່ປະດິດສ້າງ, ຄົ້ນຄ້ວາ, ເລີ່ມທຸລະກິດ, ການເຊື່ອມໂຍງວິສາຫະກິດ, ການແລກປ່ຽນດ້ານວັດທະນະທຳ ແລະ ວິຊາການກັບໂລກ ແລະ ສ.ເກົາຫຼີ.
ທ່ານ ໂຈຮານແດວ (Cho Han Deog), ຜູ້ອໍານວຍການແຫ່ງຊາດ KOICA ປະຈໍາ ຫວຽດນາມ ໃຫ້ຮູ້ວ່າ: KOICA ພວມສຸມໃສ່ບັນດາໂຄງການການສຶກສາຊັ້ນສູງ ໃນຫຼາຍຂົງເຂດ, ມຸ່ງໄປເຖິງການເພີ່ມທະວີ ລະບົບນະວັດຕະກໍາແຫ່ງຊາດ (NIS) ເພື່ອຊ່ວຍໃຫ້ ຫວຽດນາມ ບັນລຸການພັດທະນາເສດຖະກິດ - ສັງຄົມແບບຍືນຍົງ. ໜຶ່ງໃນບັນດາກຳລັງຊຸກຍູ້ການເຕີບໂຕຂອງຫວຽດນາມ ໃນອະນາຄົດແມ່ນການພັດທະນາເຕັກໂນໂລຊີ ຂໍ້ມູນຂ່າວສານ ແລະ ການສື່ສານ ແລະ ຊັບພະຍາກອນມະນຸດທີ່ມີຄຸນນະພາບສູງດ້ານເຕັກໂນໂລຊີຂໍ້ມູນຂ່າວສານ. ໂຄງການຊ່ວຍເຫຼືອ ຍົກສູງຄວາມສາມາດ ດ້ານການສຶກສາ, ບຳລຸງສ້າງ, ຄຸ້ມຄອງ ແລະ ຄົ້ນຄວ້າໂຮງຮຽນໂນໂລຊີ ຂໍ້ມູນຂ່າວສານ ແລະ ສື່ສານ ຫວຽດນາມ - ສ.ເກົາຫຼີ, ປະກອບສ່ວນບຳລຸງສ້າງແຫຼ່ງຊັບພະຍາກອນມະນຸດເຕັກໂນໂລຢີຂໍ້ມູນຂ່າວສານ ແລະ ສື່ສານທີ່ເໝາະສົມ ແລະ ທັນການກັບຍຸດທະສາດເຕີບໂຕຂອງຫວຽດນາມ.
ບູນມີ
