ສາມຊາດອາຊຽນຫຼຸດການສົ່ງອອກຢາງພາລາ

ອິນໂດເນເຊຍ, ມາເລເຊຍ ແລະ ໄທ ໄດ້ຕົກລົງທີ່ຈະຫຼຸດການສົ່ງອອກຢາງພາລາ

ວັນທີ 1 ເມສາທີ່ ຜ່ານມາ, ທ່ານ ຄາຊານ ມູ ຣີ ຜູ້ອຳນວຍການສຳນັກການ ປະເມີນການຄ້າ ແລະ ການພັດທະນາ ສັງກັດ ກະຊວງການຄ້າອິນໂດເນເຊຍ ໄດ້ອອກຖະແຫຼງການວ່າ: ອິນໂດເນເຊຍ, ມາເລເຊຍ ແລະ ໄທ ໄດ້ຕົກລົງທີ່ຈະຫຼຸດການ ສົ່ງອອກຢາງພາລາ ຊຶ່ງເປັນ ສ່ວນໜຶ່ງຂອງມາດຕະການຈຳກັດປະລິມານການສົ່ງອອກຢາງພາລາດ້ວຍການຕັ້ງເປົ້າໝາຍຫຼຸດການສົ່ງອອກລວມກັນເປັນ 240.000 ໂຕນ ໂດຍຫວັງໃຫ້ລາຄາຢາງພາລາທົ່ວໂລກມີສະຖຽນລະພາບ.

ຂ່າວລະບຸວ່າ: ນັບຕັ້ງແຕ່ ວັນທີ 1 ເມສາ ເປັນຕົ້ນໄປອິນໂດເນເຊຍຈະຫຼຸດການສົ່ງອອກຢາງພາລາລົງ 98.160 ໂຕນ ເປັນເວລາ 4 ເດືອນ. ຂະນະທີ່ ມາເລເຊຍ ຈະຫຼຸດການສົ່ງອອກ ຢາງພາລາລົງ 15.600 ໂຕນ ແລະ ໄທ ຜູ້ຜະລິດຢາງພາລາ ລາຍໃຫຍ່ທີ່ສຸດຈະຫຼຸດການສົ່ງ ອອກຢາງພາລາລົງ 126.240 ໂຕນ ໂດຍເລີ່ມຕັ້ງແຕ່ວັນທີ 20 ພຶດສະພາໜ້ານີ້. ຂະນະນີ້, ລາຄາຢາງພາລາທົ່ວໂລກຍັງ ຮັກສາລາຄາກິໂລລະ ປະມານ 1,4 ໂດລາ. ຫຼັງຈາກຫຼຸດລົງຕໍ່າ ກວ່າ 1,2 ໂດລາ ເມື່ອທ້າຍປີທີ່ ຜ່ານມາ. ທ່ານ ຄາຊານ ຄາດ ວ່າ: ມາດຕະການດັ່ງກ່າວ ຈະ ເຮັດໃຫ້ລາຄາຢາງພາລາທົ່ວ ໂລກເພີ່ມຂຶ້ນຫຼາຍກວ່າ 1,5 ໂດ ລາຕໍ່ກິໂລ ແລະ ມີທ່າອ່ຽງເພີ່ມ ຂຶ້ນເຖິງ 2 ໂດລາຕໍ່ກິໂລໃນອະ ນາຄົດ.

（ແຫຼ່ງ​ຂໍ້​ມູນ​： pasaxon.org.la）