ຕອນເຊົ້າວັນທີ 10 ສິງຫາ, ຢູ່ຮ່າໂນ້ຍ, ໜັງສືພິມເຍີນເຢິນ ໄດ້ສົມທົບກັບຄະນະໂຄສະນາສຶກສາສູນກາງ ແລະ ສຳນັກພິມຈຳໜ່າຍການເມືອງແຫ່ງຊາດ ຊື້ເທິດ ໄດ້ຈັດຕັ້ງພິທີແນະນຳ ຊຸດປື້ມເອເລັກໂຕນິກ “ຫວຽດນາມ ໃນສະໄໝໂຮ່ຈິີມິນ - ພົງສາວະດານໂທລະພາບ”.
 |
| ເປີດຕົວປື້ມເອເລັກໂຕນິກ “ຫວຽດນາມ ໃນສະໄໝໂຮ່ຈິີມິນ - ພົງສາວະດານໂທລະພາບ”. ພາບ: hanoimoi.com.vn |
ຊຸດປື້ມເອເລັກໂຕນິກ ລວມມີ 90 ເຫຼັ້ມ, ໄດ້ຮຽບຮຽງບົນພື້ນຖານບັນດາເນື້ອໃນເອກະສານ “ຫວຽດນາມ ໃນສະໄໝໂຮ່ຈິີມິນ - ພົງສາວະດານໂທລະພາບ” ເຊິ່ງໄດ້ອອກອາກາດໃນປີ 2021.
ກ່າວຄຳເຫັນທີ່ພິທີເປີດຕົວ, ທ່ານ ເລກວກມີງ ຫົວໜ້າບັນນາທິການໜັງສືພິມ ເຍີນເຢິນ, ຮອງຫົວໜ້າຄະນະໂຄສະນາສຶກສາສູນກາງ, ປະທານສະມາຄົມນັກຂ່າວຫວຽດນາມ ໃຫ້ຮູ້ວ່າ: ຮູບເງົາເອກະສານ ຫວຽດນາມ ໃນສະໄໝໂຮ່ຈິີມິນ - ພົງສາວະດານໂທລະພາບ” ໄດ້ສ່ອງແສງໃຫ້ເຫັນຢ່າງເປັນລະບົບ, ຄົບຖ້ວນ ແລະ ຮອບດ້ານໃນຂະບວນວິວັດແຫ່ງການພັດທະນາຂອງການປະຕິວັດຫວຽດ ນາມ, ກ້າວເຂົ້າສູ່ຍຸກສະໄໝໂຮ່ຈີມິນ, ແມ່ນຍຸກສະໄໝທີ່ຮຸ່ງເຮືອງເຫຼືອງເຫຼື້ອມສຸດໃນປະຫວັດສາດຂອງປະເທດຊາດ.
ການສ້າງປຶ້ມເອເລັກໂຕນິກທີ່ມີຊື່ດຽວກັນ ເພື່ອແນໃສ່ແຜ່ຂະຫຍາຍຮູບເງົາ ໃນການໂຄສະນາເຜີຍແຜ່ ແລະ ສຶກສາປະຫວັດສາດ ແລະ ຮີດຄອງປະເພນີປະຕິວັດໃຫ້ທົ່ວສັງຄົມ, ໂດຍສະເພາະໃນໂຮງຮຽນ ແລະ ລະບົບການສຶກສາ.
ກ່າວຄຳເຫັນທີ່ພິທີ, ທ່ານ ທ້ວນເຮີວ, ອະດີດຫົວໜ້າຄະນະຊີ້ນຳໂຄງການຮູບເງົາເອກະສານ “ຫວຽດນາມ ໃນສະໄໝໂຮ່ຈິມິນ - ບັນດາພົງສາວະດານໂທລະພາບ” ໄດ້ສະແດງຄວາມຫວັງວ່າປື້ມດັ່ງກ່າວຈະມີຄຸນຄ່າເພື່ອນຳໃຊ້ປະຕິບັດ, ພິເສດແມ່ນໃນການສອນ ແລະ ປະຫວັດສາດການຮຽນຮູ້.
ຕາມທ່ານຜູ້ອຳນວຍການໃຫຍ່ສຳນັກພິມຈຳໜ່າຍການເມືອງແຫ່ງຊາດ ຟ້າມມີງຕ້ວນ ແລ້ວ, ດ້ວຍໂຄງປະກອບທີ່ສອດຄ່ອງ, ມີຂໍ້ມູນຂ່າວສານ, ຮູບພາບ ແລະ ຄລິບທີ່ມີຊີວິດຊີວາຫຼາຍຢ່າງ, ປຶ້ມດັ່ງກ່າວສາມາດນຳໃຊ້ເປັນອຸປະກອນຮ່ຳຮຽນ ແລະ ເປັນເອກະສານທີ່ມີປະໂຫຍດສຳລັບປະຊາຊົນທົ່ວໄປ , ໂດຍສະເພາະແມ່ນມັນສາມາດປະຕິບັດເປັນເຄື່ອງມືການສອນສາຍຕາທີ່ມີຄຸນຄ່າ, ສະຫນັບສະຫນູນການຮຽນຮູ້ທີ່ມີປະສິດທິພາບໃນທຸກລະດັບຂອງການສຶກສາແລະການຝຶກອົບຮົມ.
ບູນມີ
