ກຸ່ມ Metrics ຂອງທ່ານສາດສະດາຈານ John P.A. Ioannidis ແລະ ເພື່ອນຮ່ວມງານ ຈາກມະຫາວິທະຍາໄລສະແຕນຟອດ (ສະຫະລັດອາເມລິກາ) ໄດ້ປະກາດການຄົ້ນຄວ້າໃນວາລະສານ PLoS Biology ຂອງອາເມລິກາ, ປັບປຸງຖານຂໍ້ມູນຂອງນັກວິທະຍາສາດ 100.000 ຄົນທີ່ໄດ້ຮັບການຄັດສະເໜີຫຼາຍທີ່ສຸດ ແລະ ມີຜົນສະທ້ອນທີ່ສຸດໃນໂລກໃນປີ 2022.
 |
| ນັກວິທະຍາສາດ 2 ຄົນຕິດອັນດັບສູງໃນກຸ່ມໂລກ 10.000 ຄົນຄື: ທ່ານ ສຈ.ປອ ວິທະຍາສາດ ຫງວຽນດິ່ງດຶກ ແລະ ທ່ານ ຮສ.ປອ ເລຮ່ວາງເຊີນ. ພາບ: qdnd.vn |
ຕາມນັ້ນແລ້ວ, ໃນບັນດານັກວິທະຍາສາດຫວຽດນາມ ທີ່ເຮັດວຽກເປັນປະຈຳຢູ່ພາຍໃນປະເທດ, ມີນັກວິທະຍາສາດ 2 ຄົນໄດ້ຜ່ານເຂົ້າໃນກຸ່ມນັກວິທະຍາສາດໂລກ 10.000 ຄົນ ແລະ ນັກວິທະຍາສາດ 34 ຄົນໃນກຸ່ມນັກວິທະຍາສາດ 100.000 ຄົນທີ່ໄດ້ຮັບການຄັດສະເໜີຫຼາຍທີ່ສຸດ ແລະ ມີຜົນສະທ້ອນທີ່ສຸດໃນໂລກໃນປີ 2022.
ນັກວິທະຍາສາດ 2 ຄົນຕິດອັນດັບສູງໃນກຸ່ມໂລກ 10.000 ຄົນຄື: ທ່ານ ສຈ.ປອ ວິທະຍາສາດ ຫງວຽນດິ່ງດຶກ ແລະ ທ່ານ ຮສ.ປອ ເລຮ່ວາງເຊີນ, ທັງສອງແມ່ນມາຈາກມະຫາວິທະຍາໄລແຫ່ງຊາດ ຮ່າໂນ້ຍ. ໃນການຈັດອັນດັບຄັ້ງນີ້, ທ່ານ ຮສ.ປອ ເລຮ່ວາງເຊີນ ຢືນອັນດັບ 5.817 ແລະ ອັນດັບ 222 ໃນຂົງເຂດເຕັກໂນໂລຢີຂໍ້ມູນຂ່າວສານ ແລະ ສື່ສານ. ທ່ານ ສຈ.ປອ ວິທະຍາສາດ ຫງວຽນດິ່ງດຶກ, ຢືນອັນດັບ 7.455 ແລະ 94 ຂອງໂລກໃນຂົງເຂດ Engineering.
 |
 |
| 5 ນັກວິທະຍາສາດຫວຽດນາມ ອັນດັບຕົ້ນໆຂອງໂລກ |
ພິເສດ, ປີນີ້, ມີ ນັກວິທະຍາສາດຫວຽດນາມ ປະຈໍາຢູ່ພາຍໃນປະເທດ ມີຊື່ໃນການຈັດອັນດັບນັກວິທະຍາສາດ 100.000 ຄົນທີ່ໄດ້ຈັດອັນດັບສົ່ງຜົນສະທ້ອນຂອງໂລກໂດຍບັນດາຜົນສຳເລັດໃນຕະຫຼອດຊີວິດ.
ບູນມີ
