| ນັກຂ່າວກັບບັນຫາການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ | |
| ຫວຽດນາມໄດ້ສະແດງຄວາມວິຕົກກັງວົນຕໍ່ສະພາບການໃຊ້ຄວາມຮຸນແຮງທີ່ເພີ່ມຂຶ້ນ ແລະສະຖານະການດ້ານມະນຸດສະທຳ ຢູ່ໃນເຂດກາຊາ |
ເພື່ອປະກອບສ່ວນຊຸກຍູ້ຄວາມສະເໝີພາບ ລະຫວ່າງຍິງ-ຊາຍໃນສື່ມວນຊົນ, ພ້ອມກັນນັ້ນ ກໍ່ຍົກສູງຄວາມຮັບຮູ້ ແລະ ຄວາມຮູ້ຂອງນັກຂ່າວ ກ່ຽວກັບການນຳສະເໜີຂ່າວ ຄວາມຮຸນແຮງລະຫວ່າງຍິງຊາຍ, ວິທະຍຸກະຈາຍສຽງຫວຽດນາມ ສົມທົບກັບອົງການສຶກສາ, ວິທະຍາສາດ ແລະ ວັດທະນະທຳສະຫະປະຊາຊາດ (UNESCO) ຈັດຕັ້ງການແຂ່ງຂັນທີ່ສະຫງວນໃຫ້ສຳລັບນັກຂ່າວເພື່ອປັບປຸງຄວາມຮູ້ “ການນຳສະເໜີຂ່າວ ກ່ຽວກັບຄວາມຮຸນແຮງຕໍ່ແມ່ຍິງ ແລະ ເດັກຍິງ”.
 |
| ການເສັງສຳລັບນັກຂ່າວ “ການນຳສະເໜີຂ່າວ ກ່ຽວກັບຄວາມຮຸນແຮງຕໍ່ແມ່ຍິງ ແລະ ເດັກຍິງ”. (ພາບ: VOV) |
ງານເສັງ ແມ່ນໂອກາດເພື່ອໃຫ້ວິທະຍຸກະຈາຍສຽງຫວຽດນາມ ແລະ UNESCO ແນະນຳເຖິງນັກຂ່າວ ກ່ຽວກັບປຶ້ມຄູ່ມືດ້ວຍພາສາຫວຽດ “ການນຳສະເໜີຂ່າວກ່ຽວກັບການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ” ພິມຈຳໜ່າຍໂດຍ UNESCO. ນີ້ແມ່ນແຫຼ່ງເອກະສານທີ່ມີປະໂຫຍດ, ຫນູນຊ່ວຍຢ່າງແທດຈິງ ສໍາລັບນັກຂ່າວ, ຜູ້ຊ່ຽວຊານ, ອາຈານ ແລະ ນັກສຶກສາສື່ມວນຊົນທົ່ວໂລກ ໃນເວລານຳສະເໜີຂ່າວກ່ຽວກັບຄວາມຮຸນແຮງທາງເພດ. ປຶ້ມຄູ່ມື ໄດ້ສະໜອງຂໍ້ມູນລະອຽດກ່ຽວກັບ 10 ຫົວຂໍ້ສະເພາະ ກ່ຽວກັບການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ, ພ້ອມທັງຍົກອອກບັນດາຂໍ້ສະເໜີແນະທີ່ກ່ຽວຂ້ອງກັບຈັນຍາບັນອາຊີບນັກຂ່າວ ເມື່ອນຳສະເໜີຂ່າວກ່ຽວກັບຄວາມຮຸນແຮງຕໍ່ແມ່ຍິງ ແລະ ເດັກຍິງ.
ຜູ້ເຂົ້າຮ່ວມການເສັງ ສາມາດເຂົ້າໄປທີ່ລິ້ງ https://bit.ly/3dxTKeY ເພື່ອຊອກຮູ້ ແລະ ຍົກສູງຄວາມຮູ້ ກ່ຽວກັບວິທີການນຳສະເໜີຂ່າວ ກ່ຽວກັບຄວາມຮຸນແຮງຕໍ່ແມ່ຍິງ ແລະ ເດັກຍິງ, ພ້ອມທັງລົງທະບຽນເຂົ້າຮ່ວມການເສັງ.
ການເສັງຈະຮັບບົດເຂົ້າຮ່ວມການເສັງ ຮອດວັນທີ 27 ທັນວາ 2021.
ກ່ຽວກັບໂຄງປະກອບລາງວັນ, ຄະນະຈັດຕັ້ງການເສັງຈະມອບລາງວັນທີ 01 ມູນຄ່າ 9.000.000 ດົ່ງ 01 ລາງວັນ, ລາງວັນທີ 02 ເປັນມູນຄ່າ 7.000.000 ດົ່ງ 01 ລາງວັນ ແລະ ລາງວັນທີ 03 ເປັນມູນຄ່າ 5.000.000 ດົ່ງ 01 ລາງວັນ.
ຄຳຮຸ່ງ
