 |
ຍົນໂດຍສານຂອງສາຍການບິນ ເອທິໂອເປຍ.
ຂະນະນີ້ກຳລັງຢູ່ລະຫວ່າງການກວດສອບໃນລາຍລະອຽດຈາກລາຍຊື່ຜູ້ໂດຍສານເທິງເຮືອບິນ ແລະກຳລັງຢູ່ລະຫວ່າງການຄົ້ນຫາ ແລະກູ້ໄພ ຈຶ່ງຍັງບໍ່ມີລາຍລະອຽດກ່ຽວກັບຜູ້ລອດຊີວິດ ຫລືຄວາມສູນເສຍໃດໆ ແລະຍັງໄດ້ຕັ້ງສູນຂໍ້ມູນແລະໝາຍເລກຕິດຕໍ່ທາງໂທລະສັບສຳລັບຄອບຄົວຂອງຜູ້ໂດຍສານ ແລະຈຸບິນທີ່ຢູ່ເທິງເຮືອບິນ ໄດ້ຕິດຕໍ່ສອບຖາມຂໍ້ມູນເພີ່ມຕື່ມ.
ໂຄສົກສາຍການບິນ ເອທິໂອປຽນ ແອລາຍ ຖະແຫລງອີກວ່າ ຜູ້ໂດຍສານ ແລະຈຸບິນເທິງຍົນ ມີບຸກຄົນສັນຊາດຕ່າງລວມກັນ 33 ປະເທດ ແລະຮູ້ແລ້ວວ່າເປັນຊາວເຄນຢາ 32 ຄົນ ແລະເອທິໂອເປຍ 17 ຄົນ ດ້ານບໍລິສັດໂບອິ້ງຜູ້ຜະລິດເຮືອບິນໂດຍສານລາຍໃຫ່ຍຂອງສະຫະລັດ ຖະແຫລງວ່າ ບໍລິສັດໂບອິ້ງສະແດງຄວາມເສຍໃຈຢ່າງສຸດຊຶ້ງຕໍ່ການເສຍຊີວິດທັງໝົດ 157 ຄົນ ຂອງຜູ້ໂດຍສານ ແລະຈຸບິນຖ້ຽວບິນ ອີທີ 302 ພ້ອມກັບຈະໃຫ້ຄວາມຊ່ວຍເຫລືອດ້ານເທັກນິກໃນການສືບສວນເພື່ອຫາສາເຫດຂອງອຸບັດຕິເຫດເຮືອບິນຕົກຄັ້ງນີ້ ເຊິ່ງເປັນເຮືອບິນໂດຍສານຮຸ້ນໂບອິ້ງ 737 ແມັກຊ 8 ເປັນເຮືອບິນໃຫ່ມທີ່ຫາກໍ່ສົ່ງມອບເມື່ອປີທີ່ຜ່ານມາ
ດ້ານສຳນັກງານນາຍົກລັດຖະມົນຕີ ແຫ່ງເອທິໂອເປຍ ທ່ານ ອາບິຟ ອາເໝັດ ໄດ້ທະວີດຂໍ້ຄວາມເພື່ອສະແດງຄວາມເສຍໃຈຢ່າງສຸດຊຶ້ງ ໄປຍັງຄອບຄົວຂອງຜູ້ໂດຍສານເທິງເຮືອບິນ,
（ແຫຼ່ງຂໍ້ມູນ： ABC LAOS NEWS）
