 |
ເຫດການໄຟໄໝ້ເຮືອບິນ ຢູ່ ລັດເຊຍ.
ອີງຕາມການລາຍງານຂອງ ສຳນັກຂ່າວ Interfax ຂອງ ລັດເຊຍ, ໃນຈໍານວນຜູ້ເສຍຊີວິດທັງຫມົດ 41 ຄົນມີເດັກນ້ອຍ 2 ຄົນທີ່ເສຍຊີວິດ ໃນເຫດການນີ້ຄັ້ງນີ້.
ຕາມອົງການຄຸ້ມຄອງການບິນລັດເຊຍ, ເຮືອບິນທີ່ເກີດອຸບັດຕິເຫດໄຟລຸກໄໝ້ ມີເລກໝາຍແມ່ນ SU 1492 ມີຜູ້ໂດຍສານ 73 ຄົນ ແລະ ໜ່ວຍບິນ ອີກ 5 ຄົນ, ບິນຈາກ ນະຄອນຫຼວງ Moscow ໄປຍັງ Murmansk ເມືອງທ່າກຳປັ່ນ ຢູ່ພາກໃຕ້ຂອງລັດເຊຍ) .
ພາຍຫຼັງບິນຂື້ນໃນເວລາ 6h02 ໂມງເຊົ້າ (15h02' ເວລາທ້ອງຖິ່ນ) ນັກບິນໄດ້ສົ່ງສັນຍານ ພົບບັນຫາ ແລະ ບັງຄັບຍົນກັບຄືນເພື່ອລົງຈອດສຸກເສີນ. ແຕ່ວ່າຫຼັງຈາກນັ້ນ, ເຮືອບິນສັ່ນ, ຕີນຍົນໄດ້ເປີດອອກ ໃນຄະນະທີ່ຫາງບິນລຸກໄໝ້ຢ່າງຮຸນແຮງ.
ໜ່ວຍກູ້ໄພໄດ້ໃຊ້ຄວາມພະຍາຍາມຊ່ວຍເຫຼືອ ແລະ ຊອກຫາ ຜູ້ທີ່ລອດຊີວິດ ຢູ່ ຫາງເຮືອບິນ ເຊິ່ງຖືກໄຟໄໝ້ທັງໝົດ.
（ຫັດທະບູນ）
