| ຫວຽດນາມ ຍູ້ແຮງການຫັນເປັນດີຈີຕອນ, ພັດທະນາພື້ນຖານເສດຖະກິດດີຈີຕອນ, ສັງຄົມດີຈີຕອນ ແລະ ພົນລະເມືອງດີຈີຕອນ | |
| ຫວຽດນາມ ຍາດໄດ້ຄວາມໄວ້ເນື້ອເຊື່ອໃຈຈາກສາກົນຍ້ອນການປະກອບສ່ວນຢ່າງມີຄວາມຮັບຜິດຊອບ |
ໃນລະຫວ່າງວັນທີ 11-14 ຕຸລາ, ຢູ່ຮ່າໂນ້ຍ, ກະຊວງສຶກສາ ແລະ ກໍ່ສ້າງ ຫວຽດນາມ ດ້ວຍບົດບາດເປັນປະທານໝູນວຽນຂອງການຮ່ວມມືດ້ານສຶກສາອາຊຽນ ອາຍຸການ 2022-2023 ຈະເປັນປະທານຈັດຕັ້ງກອງປະຊຸມລັດຖະມົນຕີສຶກສາອາຊຽນ ຄັ້ງທີ 12 ແລະ ບັນດາກອງປະຊຸມທີ່ກ່ຽວຂ້ອງດ້ວຍ ການເຂົ້າຮ່ວມຂອງ 10 ປະເທດສະມາຊິກອາຊຽນ ແລະ 8 ປະເທດຄູ່ຮ່ວມມື.
| |
| ທ່ານ ຫງວຽນກີມເຊີນ ລັດຖະມົນຕີກະຊວງສຶກສາ ແລະກໍ່ສ້າງ ຈະເປັນປະທານກອງປະຊຸມລັດຖະມົນຕີສຶກສາອາຊຽນ ຄັ້ງທີ 12. |
 |
 |
ຫວຽດນາມ ເປັນປະທານຈັດຕັ້ງກອງປະຊຸມລັດຖະມົນຕີສຶກສາອາຊຽນ ຄັ້ງທີ 12
ກອງປະຊຸມລັດຖະມົນຕີສຶກສາອາຊຽນ ຄັ້ງທີ 12 ຈະຈັດຕັ້ງໃນວັນທີ 13 ຕຸລາ ຢ່າງເປັນທາງການໂດຍທ່ານ ຫງວຽນກີມເຊີນ ລັດຖະມົນຕີກະຊວງສຶກສາ ແລະ ກໍ່ສ້າງຫວຽດນາມ ເປັນປະທານ, ມີການເຂົ້າຮ່ວມ ແລະ ກ່າວຄໍາເຫັນຊີ້ນຳ ຂອງຜູ້ຕາງໜ້າການນໍາລັດຖະບານຫວຽດນາມ. ເຂົ້າຮ່ວມກອງປະຊຸມມີລັດຖະມົນຕີກະຊວງສຶກສາ, ຜູ້ຕາງໜ້າທີ່ຮັບຜິດຊອບວຽກງານການສຶກສາຂອງບັນດາປະເທດອາຊຽນ, ຜູ້ຕາງໜ້າຄະນະເລຂາທິການອາຊຽນ, ຄະນະເລຂາທິການອົງການລັດຖະມົນຕີການສຶກສາບັນດາປະເທດອາຊີຕາເວັນອອກສ່ຽງໃຕ້ (SEAMEO) ແລະ ຜູ້ອໍານວຍການເຄືອຂ່າຍບັນດາມະຫາວິທະຍາໄລ ອາຊີຕາເວັນອອກສ່ຽງໃຕ້ (AUN).
ທີ່ກອງປະຊຸມຄັ້ງນີ້, ລັດຖະມົນຕີບັນດາປະເທດອາຊຽນຈະສຸມໃສ່ແລກປ່ຽນກ່ຽວກັບສະພາບການສຶກສາ-ກໍ່ສ້າງຂອງແຕ່ລະປະເທດ, ແບ່ງປັນບັນດາບົດຮຽນພຶດຕິກຳຕົວຈິງ, ບັນດາບົດຮຽນໃນການເປີດປະຕູໂຮງຮຽນ, ສິດສອນ ແລະ ຮຽນໃນໄລຍະຫຼັງພະຍາດໂຄວິດ-19. ກອງປະຊຸມກໍ່ຈະອັບເດດສະພາບການຜັນຂະຫຍາຍບັນດາການເຄື່ອນໄຫວໃນຂອບເຂດແຜນການກະທໍາການສຶກສາອາຊຽນ ໄລຍະ 2021-2025.
ນັບແຕ່ເມື່ອການຮ່ວມມືດ້ານການສຶກສາໃນອາຊຽນ ໄດ້ຮັບການສ້າງຕັ້ງໃນປີ 2006, ກະຊວງສຶກສາ ແລະ ກໍ່ສ້າງຫວຽດນາມ ຍາມໃດກໍ່ຕັ້ງໜ້າເຂົ້າຮ່ວມບັນດາການເຄື່ອນໄຫວ, ລາຍການຮ່ວມມືລວມ, ວາງອອກບັນດາຂໍ້ລິເລີ່ມປະກອບສ່ວນໃຫ້ແກ່ການພັດທະນາການຮ່ວມມືຂະແໜງວິຊາສະເພາະໃນອາຊຽນ. ຫວຽດນາມ ກໍ່ຊຸກຍູ້ການຮ່ວມມືດ້ານສຶກສາກັບກວ່າ 100 ປະເທດ, ເຂດແຄ້ວນ ແລະ ຫຼາຍອົງການສາກົນຢ່າງບໍ່ຢຸດຢັ້ງ.
ພາຍຫຼັງຮັບບົດບາດເປັນປະທານໝູນວຽນຂອງການຮ່ວມມືດ້ານສຶກສາອາຊຽນຈາກກະຊວງສຶກສາຟີລິບປິນ, ກະຊວງສຶກສາ ແລະ ກໍ່ສ້າງຫວຽດນາມ ກໍໄດ້ສົມທົບກັບຄະນະເລຂາທິການອາຊຽນ, UNESCO ແລະ UNICEF ກໍານົດຫົວຂໍ້ຫຼັກຂອງອາຍຸການ 2022-2023 ແມ່ນ: “ມານະພະຍາຍາມ ລວມເພື່ອສ້າງຮູບແບບການຮຽນຄືນໃໝ່ ແລະ ເພີ່ມທະວີຄວາມສາມາດ ປັບຕົວຂອງລະບົບການສຶກສາໃນພາກພື້ນອາຊຽນ ແລະ ໃນສະພາບການໃໝ່ກວ່າອີກ”.
ບູນມີ
