ກອງປະຊຸມຄະນະກຳມະການປະສານງານການເຊື່ອມຕໍ່ອາຊຽນ (ACCC) ແລະ ເວທີປາໄສການເຊື່ອມຕໍ່ອາຊຽນຄັ້ງທີ 13 ໄດ້ໄຂຂຶ້ນຢູ່ນະຄອນຫຼວງພະນົມເປັນ ຂອງກຳປູເຈຍ ແຕ່ວັນທີ 1-4 ຕຸລານີ້. ທ່ານເອກອັກຄະລັດຖະທູດ ຫງວຽນຫາຍບັ່ງ, ຫົວໜ້າຄະນະຜູ້ແທນຫວຽດນາມ ປະຈຳ ອາຊຽນ ນຳໜ້າຄະນະຜູ້ແທນ ຫວຽດນາມ ເຂົ້າຮ່ວມບັນດາກອງປະຊຸມ.
 |
| ຫວຽດນາມ ເຂົ້າຮ່ວມກອງປະຊຸມຄະນະກຳມະການປະສານງານ ການເຊື່ອມຕໍ່ອາຊຽນ ແລະ ເວທີປາໄສການເຊື່ອມຕໍ່ອາຊຽນ ຄັ້ງທີ 13. |
ທີ່ກອງປະຊຸມຄະນະກຳມະການປະສານງານການເຊື່ອມຕໍ່ອາຊຽນຄັ້ງທີ 3 ປີ 2022, ບັນດາປະເທດໄດ້ປຶກສາຫາລື ກ່ຽວກັບການເພີ່ມທະວີການຜັນຂະຫຍາຍບັນດາໂຄງການ ໃນຂອບຂອງແຜນການສັງລວມການເຊື່ອມຕໍ່ອາຊຽນ (MPAC) 2025 ໃນໄລຍະຈະມາເຖິງ ແລະ ປະກອບຄຳເຫັນໃສ່ຮ່າງບົດລາຍງານຕີລາຄາຄວາມຄືບໜ້າ MPAC 2025 ຄັ້ງທີ 4 ເພື່ອສືບຕໍ່ເຮັດໃຫ້ສຳເລັດ ແລະ ຍື່ນສະເໜີຕໍ່ສະພາປະສານງານອາຊຽນຄັ້ງທີ 31 (ACC) ໃນວັນທີ 31 ພະຈິກ 2022. ກອງປະຊຸມຄັ້ງທີ 5 ກ່ຽວກັບກົນໄກຕິດຕາມ, ກວດກາ ແລະ ຕີລາຄາ (MRE) MPAC 2025 ເພື່ອຈັດຕັ້ງປະຕິບັດຂໍ້ລິເລີ່ມ ແລະ ໂຄງການ MPAC 2025; ປຶກສາຫາລື ແລະ ຊອກຫາວິທີການແກ້ໄຂບັນດາສິ່ງທ້າທາຍ ແລະ ຄວາມຫຍຸ້ງຍາກໃນການປະຕິບັດ MPAC 2025.
 |
ທີ່ກອງປະຊຸມປຶກສາຫາລື ຂອງຄະນະກຳມະການປະສານງານການເຊື່ອມຕໍ່ອາຊຽນ ກັບບັນດາຄູ່ເຈລະຈາ ແລະ ຄູ່ຮ່ວມມືອື່ນໆໄດ້ຢືນຢັນວ່າ ຈະສືບຕໍ່ສະໜັບສະໜູນອາຊຽນ ໃນການຈັດຕັ້ງປະຕິບັດບັນດາໂຄງການໃນຂອບເຂດ MPAC 2025, ກໍ່ຄືການເຊື່ອມຕໍ່ບັນດາປະເທດອາຊຽນ ເວົ້າລວມ.
ເວທີປາໄສການເຊື່ອມຕໍ່ອາຊຽນຄັ້ງທີ 13 ໃນປີນີ້ມີຫົວຂໍ້ວ່າ: “ເພີ່ມທະວີການເຊື່ອມຕໍ່ມຸ່ງໄປສູ່ວິໄສທັດປະຊາຄົມອາຊຽນ ຫຼັງປີ 2025 ແບບຍືນຍົງ, ຮອບດ້ານ ແລະ ມີຄວາມໂດດເດ່ັນ”. ໃນ 3 ວາລະກອງປະຊຸມປຶກສາຫາລື, ບັນດາຜູ້ແທນໄດ້ແລກປ່ຽນຂໍ້ມູນຂ່າວສານ, ຄວາມຮູ້ ແລະ ປະສົບການພິເສດ ກ່ຽວກັບວິໄສທັດເຊື່ອມຕໍ່ອາຊຽນ ພາຍຫຼັງປີ 2025; ຊຸກຍູ້ການພົວພັນຮ່ວມມື ແລະ ການຮ່ວມມືເພື່ອຈັດຕັ້ງປະຕິບັດໂຄງການ MPAC 2025; ກໍ່ສ້າງພື້ນຖານໂຄງລ່າງ ແລະ ການຫັນເປັນດິຈິຕອນແບບຍືນຍົງ ເພື່ອເສີມຂະຫຍາຍການເຊື່ອມຕໍ່.
 |
ຄຳຮຸ່ງ
