 |
ກອງປະຊຸມລັດຖະບານສະໄໝສາມັນປະຈໍາເດືອນມັງກອນ 2020. (ພາບ:pasaxon.org.la)
ໃນຕອນທ້າຍຂອງກອງປະຊຸມທ່ານນາຍົກລັດຖະມົນຕີ ໄດ້ຊີ້ນໍາເນັ້ນໜັກໃຫ້ຄະນະລັດ ຖະບານເອົາໃຈໃສ່ຈັດຕັ້ງປະຕິບັດວຽກງານຈຸດສຸມຈໍານວນໜຶ່ງດັ່ງນີ້: ສຳລັບແຜນວຽກຈຸດສຸມ ປີ 2020 ມີຄື: ສືບຕໍ່ຮັບປະກັນສະຖຽນລະພາບທາງດ້ານເສດຖະກິດມະຫາພາກ ແລະ ແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນໃຫ້ມີທ່າຕັ້ງໜ້າກວ່າເກົ່າ; ຈັດຕັ້ງປະຕິບັດຄໍາສັ່ງເລກທີ 03/ນຍ, ລົງວັນທີ 21 ມັງກອນ 2020 ວ່າດ້ວຍການປັບປຸງວຽກງານການບໍລິການການອອກໃບອະນຸຍາດລົງທຶນແລະ ການອອກໃບອະນຸຍາດດໍາເນີນທຸລະກິດ; ສືບຕໍ່ແກ້ໄຂໜີ້ສິນໂຄງ ການລົງທຶນຂອງລັດໃຫ້ສໍາເລັດຕາມແຜນກໍານົດໄວ້ ເພື່ອສ້າງຄວາມສະດວກໃຫ້ທຸລະກິດມີການຂັບເຂື່ອນໃນທາງທີ່ມີປະ ສິດທິພາບສູງຂຶ້ນ; ຍົກລະດັບ ແລະ ຄຸນນະພາບຂອງການສຶກສາ ແລະ ການບໍລິການດ້ານສາທາລະນະສຸກໃຫ້ດີຂຶ້ນ; ສຸມໃສ່ວຽກງານພັດທະ ນາຊົນນະບົດ ແລະ ລຶບລ້າງຄວາມທຸກຍາກ (ຕິດພັນກັບການຊຸກຍູ້ປຸກລະດົມຂະບວນການຮັກຊາດ ແລະ ພັດທະນາໃຫ້ເຂົ້າສູ່ລວງເລິກ); ຊ່ວຍເຫຼືອປະຊາຊົນແລະ ຟື້ນຟູເຂດທີ່ຖືກກະທົບຈາກໄພພິບັດ; ສືບຕໍ່ຈັດຕັ້ງປະຕິບັດຄໍາສັ່ງເລກທີ 15/ນຍ ແລະ ຜັນຂະຫຍາຍ ແລະ ຈັດຕັ້ງປະຕິ ບັດແຜນແມ່ບົດຈັດສັນທີ່ດິນແຫ່ງຊາດ; ສືບຕໍ່ຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ (SDG). ເອົາໃຈໃສ່ວຽກງານປ້ອງກັນຊາດ-ປ້ອງກັນຄວາມສະ ຫງົບ, ແກ້ໄຂປະກົດການຫຍໍ້ທໍ້ທາງສັງຄົມ ເພື່ອຮັບປະກັນສະ ຖຽນລະພາບທາງການເມືອງແລະ ຄວາມສະຫງົບຂອງສັງ ຄົມ; ສືບຕໍ່ເສີມຂະຫຍາຍວຽກງານພົວພັນຮ່ວມມືສາກົນໃນຂອບ 2 ຝ່າຍ ແລະ ຫຼາຍຝ່າຍທີ່ໄດ້ຕົກລົງກັບບັນດາປະເທດເພື່ອນມິດແລະອົງການສາກົນໃຫ້ແຕກດອກອອກຜົນໂດຍໄວ (ໂດຍເອົາໃຈໃສ່ພິເສດຕໍ່ໂຄງ ການຮ່ວມມື ລາວ-ຫວຽດນາມແລະ ລາວ-ຈີນ); ກະກຽມກອງປະຊຸມສຸດຍອດແມ່ນໍ້າຂອງ-ແມ່ນໍ້າລ້ານຊ້າງ (MCL) ຄັ້ງທີ 3, ກອງປະ ຊຸມສຸດຍອດຍຸດທະສາດການຮ່ວມມືດ້ານເສດຖະກິດແມ່ນໍ້າອີລາວະດີ-ແມ່ນໍ້າເຈົ້າພະຍາ-ແມ່ນໍ້າຂອງ (ACMECS) ຄັ້ງທີ 9; ກອງປະຊຸມສຸດຍອດ (CLMV) ຄັ້ງທີ 10 ແລະກອງປະຊຸມສຸດຍອດເຂດສາມຫຼ່ຽມພັດທະນາ (CLV) ທີ່ລາວຈະເປັນເຈົ້າພາບໃນເດືອນມີນາ 2020 ນີ້ ແລະ ວຽກສໍາຄັນອື່ນໆ.
ສູນສະຖິຕິແຫ່ງຊາດ ກະຊວງແຜນການ ແລະ ການລົງທຶຶນ ສົມທົບກັບກະຊວງກ່ຽວຂ້ອງ ໄດ້ເລີ່ມດຳເນີນ ການສຳຫລວດເສດຖະກິດ ແລະ ການສຳຫລວດສະຖິຕິ ກະສິກຳທົ່ວປະເທດ ຄັ້ງທີ III ປີ 2020 ຊຶ່ງເປັນການຈັດຕັ້ງປະຕິບັດ ບັ້ນສຳຫລວດໃຫ່ຍ ໂດຍການເກັບກຳຂໍ້ມູນ ພາກສະໜາມ ໂດຍສະ ເພາະການສຳຫລວດເສດຖະກິດ ແມ່ນໄດ້ຈັດຕັ້ງປະຕິບັດ ໃນລະຫວ່າງເດືອນ 1 ຫາ ເດືອນ 2 ປີ 2020. ສ່ວນການສຳຫລວດສະຖິຕິ ກະສິກຳປະເທດໃນຄັ້ງນີ້, ຈະໄດ້ຕັ້ງປະຕິບັດ ໃນລະຫວ່າງເດືອນ 3 ຫາເດືອນ 4 ປີ 2020. ຈາກນັ້ນ, ຈະມີການຈັດພິມ ແລະ ເຜີຍແຜ່ບົດລາຍງານຜົນ ຂອງສອງການສຳຫລວດລະດັບຊາດ ເບື້ອງຕົ້ນແມ່ນ ໃນເດືອນ 6 ປີ 2020.
ສ່ວນຈຸດປະສົງ ຂອງການສຳຫລວດ ເສດຖະກິດທົ່ວປະເທດ ຄັ້ງທີ III ປີ 2019/2020 ແມ່ນເປັນບ່ອນອີງທີ່ສຳຄັນ ໃຫ້ແກ່ການຕິດຕາມ ແລະ ປະເມີນ ສະພາບຜະລິດກະສິກຳ ໃນຂອບເຂດທົ່ວປະເທດ ເວົ້າສະເພາະ ການຜະລິດສະບຽງອາຫານ, ການຄຸ້ມຄອງທີ່ດິນກະສິກຳ, ການນຳໃຊ້ດິນກະສິກຳ, ປະສິດ ທິພາບໃນການນຳໃຊ້ ລະບົບຊົນລະປະທານ, ການປູກຝັງ, ລ້ຽງສັດ ແລະ ການປະມົງ. ນອກຈາກນີ້, ຍັງເປັນບ່ອນອີງ ໃຫ້ແກ່ການຕີລາຄາວຽກງານ ພັດທະນາຊົນນະບົດ ແລະ ການແກ້ໄຂຄວາມທຸກຍາກ ໃນຂັ້ນທ້ອງຖິ່ນເຫລົ່ນນີ້ເປັນຕົ້ນ. ຂອບເຂດ ແລະ ເປົ້າໝາຍການສຳຫລວດ ເສດຖະກິດທົ່ວປະເທດຄັ້ງທີ III ປີ 2020 ແມ່ນກວມເອົາບັນດາຄົວເຮືອນ ທີ່ດຳເນີນທຸລະກິດ, ຫົວໜ່ວຍພື້ນຖານເສດຖະກິດ, ທຸລະກິດ ແລະ ຫ້າງຮ້ານທີ່ພວມດຳເນີນ ການຜະລິດສິນຄ້າ ແລະ ບໍລິການ ຫລື ຫາກໍ່ເລີ່ມດຳເນີນກິດຈະການແຕ່ 3 ເດືອນຂຶ້ນໄປໃນຂອບເຂດທົ່ວປະເທດ ກວມເອົາທຸກພາກສ່ວນເສດຖະກິດ ເຊັ່ນ: ເສດຖະກິດການເງິນ, ເສດຖະກິດການຜະລິດສິນຄ້າ ແລະ ບໍລິການ, ອົງການຈັດຕັ້ງລັດ ແລະ ພາກສ່ວນການຜະລິດ ແລະ ບໍ ລິການ ທີ່ບໍ່ຫວັງຜົນກຳໄລ ເຖິງແມ່ນວ່າຈະໄດ້ຂຶ້ນທະບຽນ ຫລື ບໍ່ໄດ້ຂຶ້ນທະບຽນ, ມີເລກປະຈຳຕົວຜູ້ເສຍອາກອນ ຫລື ບໍ່ມີ, ເປັນການລົງທຶນເອກະຊົນພາຍໃນ, ຂອງຕ່າງປະເທດ ຫລື ຂອງລັດ ແມ່ນນອນໃນເປົ້າໝາຍການສຳຫລວດ.
（ໄຊພອນ）
