ສະຫລອງວັນສ້າງຕັ້ງກອງທັບປະຊາຊົນລາວ ຄົບຮອບ 71 ປີ ແລະ ວັນສ້າງຕັ້ງ ເຫລົ່າຮົບສືບຂ່າວ 65 ປີ

ພົນເອກ ຈັນສະໝອນ ຈັນຍາລາດ ລັດຖະມົນຕີ ກະຊວງປ້ອງກັນປະເທດ.(ພາບ: kpl.gov.la)

ທ່ານນາຍົກລັດຖະມົນຕີ ກ່າວໃນໂອກາດເຂົ້າຮ່ວມ ການສະແດງກຳລັງ ພາຍໃຕ້ລະຫັດ “ຄົມໃນຟັກ-01 2020” ຂອງເຫລົ່າຮົບສືບຂ່າວ ໃນໂອກາດສະເຫລີມສະຫລອງ ວັນສ້າງຕັ້ງ ກອງທັບປະຊາຊົນລາວ ຄົບຮອບ 71 ປີ (20 ມັງກອນ 1949) ແລະ ວັນສ້າງຕັ້ງເຫລົ່າຮົບສືບຂ່າວ ກອງທັບປະຊາຊົນລາວ ຄົບຮອບ 65 ປີ (25 ທັນວາ 1954) ຊຶ່ງຈັດຂຶ້ນໃນວັນທີ 17 ມັງກອນ 2020 ທີ່ສະໜາມຝຶກ ແອບ ວິທະຍາຄານກົມມະດຳ. ໃນປັດຈຸບັນ ແລະ ອະນາຄົດ, ພາລະກິດຂອງບັນດາສະຫາຍ ຍັງສືບຕໍ່ມີ ຄວາມຈໍາເປັນຢ່າງຍິ່ງ ເພື່ອກຽມພ້ອມຮັບມືກັບບັນດາ ສິ່ງທ້າທາຍທີ່ອາດຈະເກີດຂຶ້ນ, ສະນັ້ນຂໍໃຫ້ທຸກສະ ຫາຍ ຕັ້ງໃຈປະຕິບັດໜ້າທີ່ອັນມີກຽດນີ້ ໃຫ້ສົມກັບຄວາມ ໄວ້ເນື້ອເຊື່ອໃຈຂອງພັກ ແລະ ປະຊາຊົນລາວທົ່ວປະເທດ ແລະ ຂໍໃຫ້ສົມກັບຊື່ລະຫັດ ຂອງການສະແດງໃນຄັ້ງນີ້ ຄື: “ຄົມໃນຟັກ” ຢ່າງແທ້ຈິງ.

ໂອກາດນີ້, ທ່ານນາຍົກລັດຖະມົນຕີ ກໍໄດ້ຕາງໜ້າໃຫ້ພັກ, ລັດ ແລະ ປະຊາຊົນທົ່ວປະເທດ ສະ ແດງຄວາມຊົມເຊີຍ ມາຍັງເຫລົ່າຮົບສືບຂ່າວ ທີ່ມີຄວາມເຕີບໃຫຍ່ເຂັ້ມແຂງ ແລະ ປະຕິບັດໜ້າທີ່ອັນມີກຽດສະຫງ່າ ຈາກໄຊຊະນະນີ້ສູ່ໄຊຊະນະໃໝ່ຢ່າງໂດດເດັ່ນ, ພ້ອມຮຽກຮ້ອງໃຫ້ສືບຕໍ່ ປະກອບສ່ວນເຂົ້າໃນການປະຕິບັດ 4 ໜ້າທີ່ໃຫຍ່ ແລະ 26 ແຜນງານ ຂອງກະຊວງປ້ອງກັນປະເທດວາງອອກ ແລະ ອວຍພອນໄຊອັນປະເສີດມາຍັງ ວັນສ້າງຕັ້ງກອງທັບປະຊາຊົນລາວ ຄົບຮອບ 71 ປີ ແລະ ວັນສ້າງຕັ້ງເຫລົ່າ ລົບສືບຂ່າວ ຄົບຮອບ 65 ປີ.

ການສະແດງກຳລັງ ຂອງເຫລົ່າຮົບສືບຂ່າວໃນຄັ້ງນີ້, ກໍເພື່ອເປັນການຮັບປະກັນ ໃຫ້ກໍາລັງກົມກອງເຫລົ່າຮົບສືບຂ່າວ ໄດ້ຮັບການອົບຮົມ ຫັດແອບຢ່າງຕໍ່ເນື່ອງ...(ພາບ: kpl.gov.la)

ການສະແດງໃນຄັ້ງນີ້ປະກອນ ມີ ການສະແດງສິລະປະ, ການສະແດງມວຍສືບຂ່າວ (ມວຍຫັດ ກາຍຊາຍ, ມວຍສູ້ຮົບຊາຍ-ຍິງ, ສືບຂ່າວຂ້າມຜ່ານສິ່ງກີດຂວາງ ແລະ ມວຍສືບຂ່າວກຳລັງພາຍໃນ), ການໂດດຈ້ອງສະແດງກຳລັງ, ການຍິງເປີດປ້າຍຄຳຂວັນ, ການໂດດຈ້ອງລົງແນວຫລັງ ປິດລັບບັງເອີນຫລອນຕີ ທຳລາຍຂຸມປືນໃຫຍ່ ຂອງສັດຕູ, ການໂຢດພົນລົງແນວຫລັງ ປິດລັບບັງເອີນຫລອນ ຕີທຳລາຍສັດຕູ, ການບິນສະແດງຂອງຍົນສູ້ຮົບ ແລະ ອື່ນໆ.

ການສະແດງກຳລັງ ຂອງເຫລົ່າຮົບສືບຂ່າວໃນຄັ້ງນີ້, ກໍເພື່ອເປັນການຮັບປະກັນ ໃຫ້ກໍາລັງກົມກອງເຫລົ່າຮົບສືບຂ່າວ ໄດ້ຮັບການອົບຮົມ ຫັດແອບຢ່າງຕໍ່ເນື່ອງ, ປະຕິບັດລະບຽບ ພາກສະໜາມ, ມີຄວາມຊຳນິຊຳນານ ທາງດ້ານສິລະປະຍຸດ, ຍຸດທະວິທີສືບຂ່າວ, ເຕັກນິກການນຳໃຊ້ອາວຸດ-ກະສູນ, ອຸປະກອນປະ ກອບສະເພາະ ສືບຂ່າວ ແລະ ຮູບແບບການ ປະຕິບັດໜ້າທີ່ສູ້ຮົບ ເພື່ອກຽມພ້ອມປະຕິບັດໜ້າທີ່ແກ້ໄຂສະ ພາບການຕ່າງໆ ຕາມຄຳສັ່ງຂອງຂັ້ນເທິງ ໃນສະເພາະໜ້າ ແລະ ຍາວນານ.

（ໄຊພອນ）