ມອບຂໍ້ຕົກລົງຂອງປະທານປະເທດ ໃຫ້ນາຍທະຫານເຮັດໜ້າທີ່ຮັກສາສັນຕິພາບ ສປຊ

	ຫວຽດນາມ ຍາມໃດກໍ່ຖືການພົວພັນຄູ່ຮ່ວມມືຍຸດທະສາດຮອບດ້ານກັບ ອິນເດຍ ເປັນສໍາຄັນ
	ເພີ່ມທະວີການພົວພັນຄູ່ຮ່ວມມືຍຸດທະສາດຫວຽດນາມ-ຍີ່ປຸ່ນ ໃຫ້ເລິກເຊິ່ງກວ້າງຂວາງກວ່າອີກ

ທ່ານພົນໂທ ຮວ່າງຊວນຈ໊ຽນ ມອບຂໍ້ຕົກລົງຂອງປະທານປະເທດ ແລະມອບດອກໄມ້ຊົມເຊີຍ ພັນຕີ ບຸ່ຍວັນຍູງ. ພາບ: ວັນຮ້ຽວ

ກ່າວຄໍາເຫັນທີ່ພິທີ, ທ່ານພົນໂທ ຮວ່າງຊວນຈ໊ຽນ ໃຫ້ຮູ້ວ່າ, ມາຮອດປະຈຸບັນ, ຫວຽດນາມ ໄດ້ຈັດສົ່ງພະນັກງານ 512 ເທື່ອຄົນໄປປະຕິບັດໜ້າທີ່ຢູ່ບັນດາຄະນະປະຕິບັດງານຮັກສາສັນຕິພາບ ສປຊ ແລະສໍານັກງານ ສປຊ. ບັນດາພົນທະຫານຂອງຫວຽດນາມ ໄດ້ ແລະກໍາລັງປະຕິບັດໜ້າທີ່ເປັນຢ່າງດີ, ໄດ້ຮັບການຕີລາຄາສູງຈາກ ສປຊ. ຊົມເຊີຍ ພັນຕີ ບຸ່ຍວັນຍູງ ທີ່ໄດ້ຮັບຄວາມເຊື່ອໝັ້ນຈາກພັກ, ລັດ, ກອງທັບ ມອບໜ້າທີ່ໃຫ້ເປັນຜູ້ສັງເກດການທະຫານຢູ່ຄະນະປະຕິບັດງານຮັກສາສັນຕິພາບ ສປຊ ຢູ່ ຊູດັງໃຕ້ (UNMISS), ທ່ານພົນໂທ ຮວ່າງຊວນຈ໊ຽນ ຮຽກຮ້ອງໃຫ້ ພັນຕີ ບຸ່ຍວັນຍູງ ສືບຕໍ່ຊາບຊຶມ, ປະຕິບັດບັນດາທັດສະນະ, ແນວທາງການທູດຂອງພັກ, ລັດ, ກອງທັບຢ່າງເຂັ້ມງວດ; ເສີມຂະຫຍາຍມູນເຊື້ອຂອງກໍາລັງຮັກສາສັນຕິພາບຫວຽດນາມ, ຄຸນນະທາດອັນສູງສົ່ງຂອງທະຫານລຸງໂຮ່ ໃນວິວັດການປະຕິບັດໜ້າທີ່; ປະຕິບັດພາລະບົດບາດ, ໜ້າທີ່ທີ່ໄດ້ຮັບມອບໝາຍເປັນຢ່າງດີ; ເອົາໃຈໃສ່ຮັກສາຄວາມສາມັກຄີພາຍໃນ, ສ້າງຄວາມສາມັກຄີກັບເພື່ອນຮ່ວມອາຊີບສາກົນ ແລະກັບປະຊາຊົນຢູ່ບໍລິເວນ, ຜ່ານນັ້ນປະກອບສ່ວນຊຸກຍູ້ການເຄື່ອນໄຫວຮັກສາສັນຕິພາບ ສປຊ ຂອງຫວຽດນາມ ໃຫ້ນັບມື້ນັບຊຳນານ, ມີປະສິດທິຜົນ...