 |
ໄຊທານີ ສົ່ງເສີມການທ່ອງທ່ຽວທໍາມະຊາດ ຕິດພັນກັບການສ້າງລາຍຮັບໃຫ້ປະຊາຊົນ.(ພາບ:ຂປລ)
ເພື່ອສົ່ງເສີມການທ່ອງທ່ຽວ ຂອງສະຖານທີ່ດັ່ງກ່າວ ໃຫ້ນັບມື້ກ້າວຂະຫຍາຍຕົວ ກໍ່ຄືສ້າງຂະບວນການ ຕ້ອນຮັບກອງປະຊຸມໃຫຍ່ 3 ຂັ້ນ ກອງປະຊຸມໃຫຍ່ຄັ້ງ 7 ຂອງເມືອງໄຊທານີ ຕະຫລອດເຖິງການດຶງດູດ ແຫລງທຶນທັງພາຍໃນ ແລະ ຕ່າງປະເທດ ໃຫ້ສືບຕໍ່ພັດທະນາແຫລ່ງທ່ອງທ່ຽວຕ່າງໆ ຢູ່ພາຍໃນເມືອງໄຊທານີ ໃຫ້ມີບັນຍາກາດຟົດຟື້ນ ໂດຍສະເພາະການ ສ້າງວຽກເຮັດງານທໍາ ສ້າງລາຍໄດ້ໃຫ້ປະຊາຊົນ ພື້ນທີ່ໃຫ້ນັບມື້ ສູງຂຶ້ນ ອໍານາດການປົກຄອງເມືອງໄຊທານີ ໄດ້ປະສານສົມທົບ ກັບພະແນກ ຖະແຫລງຂ່າວວັດທະນະທໍາ ແລະ ທ່ອງທ່ຽວ ນະຄອນຫລວງວຽງຈັນ ໄດ້ຈັດຄາລະວານທ່ອງທ່ຽວ ທໍາມະຊາດຕາດຫ້ວຍຊາຍຂາວ ແລະ ນໍ້າຕົກຕາຊອຍວອຍ ຂຶ້ນໃນທ້າຍເດືອນ ສິງຫາ 2019 ອີກດ້ວຍ.
 |
ນ້ຳຕົກຕາດພະແຈແຫລ້ ແຫລ່ງທ່ອງທ່ຽວສວຍງາມຂອງເມືອງຮົ່ມ.(ພາບ:ຂປລ)
ຖ້າທ່ານໃດມີໂອກາດໄດ້ໄປແຂວງໄຊສົມບູນກໍຢ່າລືມໄປສຳຜັດກັບບັນຍາກາດອັນສວຍງາມຂອງນໍ້າຕົກຕາດແຫ່ງນີ້ຮັບຮອງວ່າທ່ານຈະຕິດໃຈແລະຢາກກັບໄປອີກຢ່າງແນ່ນອນ. ນໍ້າຕົກຕາດແຫ່ງນີ້ຍັງຮັກສາຄວາມເປັນທຳມະຊາດໄວ້ໄດ້ຢ່າງສົມບູນເພາະຍັງບໍ່ມີກັນດັດແປງຫລືພັດທະນາພໍປານໃດ, ສ່ວນເສັ້ນທາງທີ່ເຂົ້າໄປຫາຕາດນັ້ນແມ່ນຖືກປັບປຸງໃຫ້ສະດວກສະບາຍຫລາຍ ເອົາເປັນວ່າຖ້າທ່ານໃດໄປແລະຕ້ອງການໄປພັກຜ່ອນກິນເຂົ້າປ່າທ່າມກາງທຳມະຊາດອັນສວຍງາມກໍຕ້ອງໄດ້ກະກຽມອາຫານການກິນ, ເຄື່ອງດື່ມແລະເຄື່ອງອຳນວຍຄວາມະດວກຕ່າງໆໄປພ້ອມແລະຖ້າໄປໄປຮອດແລ້ວຢ່າລືມລົງຫລິ້ນນໍ້າໄສໆເຢັນໆທີ່ໄຫລໄປຕາມໂຫງ່ນຫີນນ້ອຍໃຫຍ່ເຊິ່ງຈະສ້າງຄວາມເພີດເພີນໃຫ້ທ່ານຢ່າງແນ່ນອນ.
ນອກຈາກນໍ້າຕົກຕາດພະແຈແຫລ້ແລ້ວແຂວງໄຊສົມບູນຍັງມີສະຖານທີ່ທ່ອງທ່ຽວສວຍງາມອີກຫລາຍແຫ່ງເຊັ່ນ: ນໍ້າຕົກຕາດພູຍ່າເຖົ້າ, ຖໍ້າເຈົ້າອະນຸວົງ, ຜາພະເຈົ້າ, ນໍ້າຕົກຕາດຫ້ວຍປາຕີນແລະອື່ນໆເຊິ່ງໄດ້ຮັບຄວາມນິຍົມຈາກນັກທ່ອງທ່ຽວພາຍໃນແລະຕ່າງໆປະເທດເນື່ອງຈາກພູມສັນຖານຂອງແຂວງໄຊບູນເປັນພູດອຍສູງຊັນ, ມີອາກາດເຢັນສະບາຍ, ມີພູຜາປ່າໄມ້ທີ່ອຸດົມສົມບູນຈຶ່ງເໝາະແກ່ການທ່ອງທ່ຽວແບບທຳມະຊາດ. ຖ້າທ່ານໃດໄດ້ໄປແຂວງໄຊສົມບູນແລ້ວກໍຄວນຫາໂອກາດໄປສຳຜັດກັບບັນຍາກາດດີໆແບບນີ້ເພື່ອຜ່ອນຄາຍຄວາມຕຶງຄຽດຈາກວຽກງານ, ການໄດ້ສຳຜັດກັບອາກາດບໍລິສຸດກໍຈະເຮັດໃຫ້ຮ່າງກາຍແລະຈິດໃຈເບີກບານມ່ວນຊື່ນມີກຳລັງແຮງໃນການເຮັດວຽກງານໃຫ້ມີຜົນສຳເລັດຢ່າງແນ່ນອນ.
（ໄຊພອນ）
