| ການຮ່ວມມືດ້ານພະລັງງານຫວຽດນາມ - ລາວ: ຈາລືກຄວາມສາມັກຄີພິເສດ | |
| ຫວຽດນາມ - ລາວ ແບ່ງປັນປະສົບການໃນການດຳເນີນການເຄື່ອນໄຫວເຂື່ອນໄຟຟ້ານ້ຳຕົກ ຢ່າງປອດໄພ |
ວັນທີ 31 ມີນາ 2022, ຄະນະຄຸ້ມຄອງໂຄງການໄຟຟ້າ 2 (EVNPMB 2) ໄດ້ຈັດພິທີເຊັນບັນດາສັນຍາ “ສະໜອງອຸປະກອນ, ປະຕິບັດການກໍ່ສ້າງຕິດຕັ້ງໂຄງການ ແລະ ດັດປັບອຸປະກອນແບບທົດລອງໃຫ້ໂຄງການສະຖານີເບີອີ 220 kV ແລະ ບັນດາສາຍ 220 kV ເຊິ່ງຕໍ່ຈາກເຂື່ອນໄຟຟ້ານ້ຳກົງ 1, 2, 3 (ລາວ) ເຂົ້າລະບົບໄຟຟ້າ ຫວຽດນາມ” ແລະ ສັນຍາ “ອອກແບບ, ສະໜອງສິນຄ້າ ແລະ ກໍ່ສ້າງຕິດຕັ້ງ (EPC) ໂຄງການສະຖານີດັກອອກ 220 kV ແລະ ບັນດາສາຍ 220 kV ທີ່ຕໍ່ຈາກເຂື່ອນໄຟຟ້ານໍ້າອີມູນ (ລາວ) ເຂົ້າລະບົບໄຟຟ້າ ຫວຽດນາມ”. ທັງສອງໂຄງການດັ່ງກ່າວແມ່ນໄດ້ລົງທຶນໂດຍອີງໃສ່ຄຳໝັ້ນສັນຍາຂອງສອງຝ່າຍກ່ຽວກັບການພົວພັນຮ່ວມມືລະຫວ່າງລັດຖະບານ ຫວຽດນາມ ແລະ ລາວ ໃນຂົງເຂດພັດທະນາພະລັງງານ, ຮັບໃຊ້ການນຳເຂົ້າໄຟຟ້າຈາກກຸ່ມເຂື່ອນໄຟຟ້ານ້ຳກົງ 1, 2, 3 ແລະ ນ້ຳອີມູນ (ລາວ) ໄປຍັງ ຫວຽດນາມ.
 |
| ທ່ານຜູ້ອໍານວຍການໃຫຍ່ EVN ເຈີນດິງເຍີນ ກ່າວຄໍາເຫັນທີ່ການເຮັດວຽກກັບບັນດາວິສາຫະກິດລາວ. |
ກ່ອນໜ້ານັ້ນ, ວັນທີ 6 ທັນວາ 2021, ຢູ່ຮ່າໂນ້ຍ, ເນື່ອງໃນໂອກາດຈັດຕັ້ງກອງປະຊຸມຄັ້ງທີ 43 ຂອງຄະນະກຳມະການລະຫວ່າງລັດຖະບານສອງປະເທດຫວຽດນາມ - ລາວ, ພາຍໃຕ້ການເປັນສັກຂີພິະຍານຂອງທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ແລະ ທ່ານນາຍົກລັດຖະມົນຕີລາວ ທອງລຸນ ສີສຸລິດ, ທ່ານ ເຈີນດິງເຍີນ - ຜູ້ອໍານວຍການໃຫຍ່ກຸ່ມບໍລິສັດໄຟຟ້າ ຫວຽດນາມ (EVN) ໄດ້ເຊັນບົດບັນທຶກຄວາມເຂົ້າໃຈກັບບັນດານັກລົງທຶນຂອງບັນດາໂຄງການໄຟຟ້າຢູ່ປະເທດລາວ ເພື່ອຂາຍໄຟຟ້າໃຫ້ຫວຽດນາມ. ບັນດາໂຄງການລວມມີ:
ບົດບັນທຶກຄວາມເຂົ້າໃຈທີ່ໄດ້ເຊັນລະຫວ່າງກຸ່ມບໍລິສັດໄຟຟ້າຫວຽດນາມ ແລະ ກຸ່ມບໍລິສັດພົງຊັບທະວີ ກ່ຽວກັບການພັດທະນາກຸ່ມໂຄງການເຂື່ອນໄຟຟ້ານໍ້າເຢືອງ ດ້ວຍກຳລັງໄຟຟ້າ 84 MW, ຄາດວ່າຈະຂາຍໄຟຟ້າໃຫ້ ຫວຽດນາມ ແຕ່ປີ 2024-2025. ບົດບັນທຶກຄວາມເຂົ້າໃຈລະຫວ່າງກຸ່ມບໍລິສັດໄຟຟ້າ ຫວຽດນາມ ແລະ ກຸ່ມບໍລິສັດ ພົງຊັບທະວີ ວ່າດ້ວຍການພັດທະນາໂຄງການໄຟຟ້າຖ່ານຫີນນ້ຳຟານດ້ວຍກຳລັງໄຟຟ້າ 300 MW, ຄາດວ່າຈະຂາຍໄຟຟ້າໃຫ້ ຫວຽດນາມ ໃນປີ 2025. ບົດບັນທຶກຄວາມເຂົ້າໃຈທີ່ໄດ້ເຊັນລະຫວ່າງກຸ່ມບໍລິສັດໄຟຟ້າ ຫວຽດນາມ ແລະ ບໍລິສັດ Kong sup Hydro Development of Nam Neun 1 and Nam Neun 3 ກ່ຽວກັບການພັດທະນາໂຄງການເຂື່ອນໄຟຟ້າ Nam Neun 1 ດ້ວຍກຳລັງໄຟຟ້າ 124 MW, ຄາດວ່າຈະຂາຍໄຟຟ້າໃຫ້ ຫວຽດນາມ ໃນປີ 2024-2025.
ຕາມບົດລາຍງານ, ປະຈຸບັນ, ມີເຂື່ອນໄຟຟ້າຫຼາຍແຫ່ງຢູ່ລາວໄດ້ສົ່ງອອກໄຟຟ້າໄປຍັງຫວຽດນາມ ໂດຍເຈົ້າຂອງການລົງທຶນ ຫວຽດນາມ ແລະ ລາວ ລົງທຶນ. ບາງໂຄງການສາມາດກ່າວເຖິງເຊັ່ນ: ເຂື່ອນໄຟຟ້າ ເຊກະໝານ 1 (290 MW) ແລະ ເຂື່ອນໄຟຟ້າເຊກະໝານ ຊານໄຊ (32 MW) ໂດຍບໍລິສັດໄຟຟ້າ ຫວຽດນາມ - ລາວ ເປັນເຈົ້າຂອງການລົງທຶນ; ກຸ່ມເຂື່ອນໄຟຟ້າ ນ້ຳສັກ (265 MW) ແລະ ກຸ່ມໄຟຟ້າ ນໍ້າໂມ້ (505 MW) ໂດຍກຸ່ມບໍລິສັດ ພົງຊັບທະວີ (PGC) ເປັນເຈົ້າຂອງການລົງທຶນ.
 |
| ເຂື່ອນໄຟຟ້າ ນໍ້າໂມ້ 2 ຕັ້ງຢູ່ແຂວງ ຊຽງຂວາງ, ລາວ, ມີກໍາລັງໄຟຟ້າທັງຫມົດ 120 MW ເຊິ່ງຄາດວ່າ ຈະເປີດການນໍາໃຊ້ເປັນທາງການໃນທ້າຍປີ 2022. |
ໂດຍປຶກສາຫາລືກ່ຽວກັບການຮ່ວມມືໃນອະນາຄົດກ່ຽວກັບການຮ່ວມມືດ້ານໄຟຟ້າລະຫວ່າງກຸ່ມບໍລິສັດໄຟຟ້າຫວຽດນາມ (EVN) ແລະ ຂະແໜງການໄຟຟ້າ ລາວ, ທ່ານຜູ້ອຳນວຍການໃຫຍ່ EVN ເຈີນດິງເຍີນ ໃຫ້ຮູ້ວ່າ: ປະຈຸບັນ, EVN ພວມຂາຍໄຟຟ້າແຮງດັນກາງ (22/35kV) ໃຫ້ 7 ຈຸດທີ່ຢູ່ໃກ້ໆເຂດຊາຍແດນລາວ. ການສົມທົບກັນໃນການເຄື່ອນໄຫວ, ຮັກສາຄວາມໝັ້ນຄົງ, ຄວາມປອດໄພຂອງຕາໜ່າງໄຟຟ້າ ທັງສອງປະເທດໄດ້ປະຕິບັດເປັນຢ່າງດີ, ປະກອບສ່ວນເຂົ້າໃນການຮັດແໜ້ນສາຍພົວພັນມິດຕະພາບພິເສດລະຫວ່າງສອງປະເທດ. ມາຮອດປະຈຸບັນ, ກໍມີເຂື່ອນໄຟຟ້າລາວ 3 ແຫ່ງໄດ້ຂາຍໄຟຟ້າໃຫ້ ຫວຽດນາມ ດ້ວຍກຳລັງໄຟຟ້າ 572 MW; ມີ 1.608 MW ຈາກ 22 ໂຮງງານໄຟຟ້າຕ່າງໆທີ່ໄດ້ເຊັນສັນຍາ ຊື້-ຂາຍໄຟຟ້າ, ປະຈຸບັນ ກຳລັງສ້າງ ແລະ ຈະຂາຍໄຟຟ້າໃຫ້ ຫວຽດນາມ ກ່ອນປີ 2025; 509 MW ໄດ້ຮັບການຮັບຮູ້ຈາກລັດຖະບານໃນນະໂຍບາຍຊື້ໄຟຟ້າ, ປະຈຸບັນກໍາລັງເຈລະຈາສັນຍາຊື້-ຂາຍໄຟຟ້າກັບ EVN ແລະ 1.577 MW ຈາກໂຮງງານໄຟຟ້າອື່ນໆ 10 ແຫ່ງ ເຊິ່ງໄດ້ຮັບການເຫັນດີເປັນເອກະພາບຈາກ EVN ກ່ຽວກັບແຜນການເຊື່ອມຕໍ່ ແລະ ນະໂຍບາຍຊື້ - ຂາຍໄຟຟ້າ, ແລ້ວຍື່ນກະຊວງອຸດສາຫະກຳ ແລະ ການຄ້າ ເພື່ອລາຍງານໃຫ້ທ່ານນາຍົກລັດຖະມົນຕີໃຫ້ອະນຸມັດ. ມາຮອດທ້າຍປີ 2025, ຄວາມສາມາດການຊື້-ຂາຍໄຟຟ້າລະຫວ່າງຫວຽດນາມ - ລາວ ອາດຈະລື່ນກາຍຄາດໝາຍທີ່ໄດ້ວາງອອກໃນບົດບັນທຶກຄວາມເຂົ້າໃຈລະຫວ່າງສອງລັດຖະບານໃນປີ 2016.
EVN ໄດ້ສ້າງກຸ່ມບໍລິສັດຫນຶ່ງທີ່ມີບົດບາດສຳຄັນໃນການຊຸກຍູ້ການພັດທະນາເສດຖະກິດ - ສັງຄົມຂອງ ຫວຽດນາມ, ປະກອບສ່ວນສຳຄັນເຂົ້າໃນການສ້າງຂົວຕໍ່ລະຫວ່າງຂະແໜງການໄຟຟ້າຂອງປະເທດເຮົາ ແລະ ຂະແໜງການໄຟຟ້າ ແລະ ກະຊວງ, ຂະແໜງການຂອງບັນດາປະເທດເພື່ອນມິດ. ການນຳ EVN ກໍເຊື່ອໝັ້ນວ່າ, ການພົວພັນທີ່ມີມາແຕ່ດົນນານລະຫວ່າງບັນດາຫົວໜ່ວຍ ຈະນັບມື້ນັບແໜ້ນແຟ້ນ, ພັດທະນາກວ່າອີກໃນໄລຍະຈະມາເຖິງ, ປະຕິບັດນະໂຍບາຍລວມຂອງການນຳຫວຽດນາມ ແລະ ລາວ ກ່ຽວກັບການຮ່ວມມືພັດທະນາພະລັງງານລະຫວ່າງສອງປະເທດໃຫ້ມີປະສິດທິຜົນ.
ຫອມມາລາ
